တောင်သူလယ်သမားအသက်အာမခံ
တောင်သူလယ်သမားအသက်အာမခံ
စီမံကိန်းနှင့် ဘဏ္ဍာရေးဝန်ကြီးဌာန / August 15, 2024
ဝန်ဆောင်မှုရယူရန် အခြေခံလိုအပ်ချက်များ
အသက် ၁၆ နှစ်မှ ၆၀ နှစ်အထိရှိသော တောင်သူလယ်သမားများ၊၎င်းတို့၏မိသားစုများ၊ ဆွေမျိုးတော်စပ်သူများ၊ လယ်ယာလုပ်ငန်းအတူလုပ်ကိုင်သူများနှင့် အခြားသူများပါ ထားရှိနိုင် ပါသည်။
ဝန်ဆောင်ခ
အနည်းဆုံး အာမခံထားငွေကျပ် (၁)သိန်းမှ အများဆုံးကျပ်သိန်း (၅၀) အထိထားရှိနိုင်ပါသည်။ ပရီမီယံနှုန်းမှာ အာမခံထားငွေ၏ ၁% ပေးဆောင်ရမည်ဖြစ်ပါသည်။
လိုအပ်သောစာရွက်စာတမ်းများ
အဆိုလွှာတွင်ဖြည့်စွက်ခြင်း
အဆင့်-၁
အဆိုလွှာဖြည့်စွက်ခြင်း၊
အဆင့်-၂
ပရီမီယံပေးသွင်းခြင်း၊
အဆင့်-၃
အာမခံလက်မှတ်ထုတ်ပေးခြင်း
ဖြည့်စွက်ချက်
- အာမခံသက်တမ်းအတွင်း သေဆုံးခြင်း၊ ထာဝစဉ်မသန်စွမ်းဖြစ်ခြင်း တို့အတွက် ၁၀၀% နှင့် မတော်တဆထိခိုက်ဒဏ်ရာရခြင်းအတွက် ဆရာဝန်၏ ထောက်ခံ ချက်ပေါ်အခြေခံ၍ သတ်မှတ်ထားသည့် နှုန်းထားအတိုင်း အကျိုးခံစားခွင့် ရရှိမည်ဖြစ်ပါသည်။
- အာမခံထားသူ မတော်တဆ ထိခိုက်ဒဏ်ရာရရှိခြင်းကြောင့် ကျန်းမာရေး ဝန်ကြီးဌာနမှ အသိအမှတ်ပြုထားသော ဆေးရုံ၊ ဆေးခန်းတွင် တက်ရောက်ကုသ ရပါက အာမခံထားငွေ ကျပ်(၁)သိန်းအတွက် တစ်ရက်လျှင် ကျပ် ၂၀၀၀/-နှုန်းဖြင့် အများဆုံး (၅) ရက်အထိ ဆေးကုသစရိတ် ခံစားခွင့်ရှိပါမည်။ အာမခံ သက်တမ်းအတွင်း ဆေးရုံတက်ရောက်ကုသခြင်း အကျိုးခံစားခွင့်ကို(၃)ကြိမ် အထိသာ ခံစားခွင့်ပြုပါမည်။
အကျိုးခံစားခွင့်တောင်းခံမှုအတွက် လိုအပ်ချက်များ
၁။ သေဆုံးမှုအကျိုးခံစားခွင့်
- အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ/အိမ်ထောင်စုစာရင်းမိတ္တူ
- ပေါ်လစီစာချုပ်မူရင်း
- အာမခံထားသူစာရင်း
- ငွေရပြေစာနှင့်ပြီးပြတ်လွှာ
- သေဆုံးကြောင်းရပ်ကွက်/ကျေးရွာအုပ်ချုပ်ရေးမှူး၏ထောက်ခံချက်
၂။ ထိခိုက်ဒဏ်ရာရရှိမှုအကျိုးခံစားခွင်
- အာမခံထားသူ/အကျိုးခံစားခွင့်ရှိသူ၏တောင်းခံလွှာ
- နိုင်ငံသားကတ်မိတ္တူ/အိမ်ထောင်စုစာရင်းမိတ္တူ
- ပေါ်လစီစာချုပ်မူရင်း
- ဆေးကုသမှုမှတ်တမ်းစာအုပ်မိတ္တူ
- ဆေးကုသသည့်ဆရာဝန်၏ဆေးစစ်ချက်ထောက်ခံစာ
- ငွေရပြေစာနှင့်ပြီးပြတ်လွှာ
၃။ ကော်မရှင်ပေးခြင်း
- တောင်သူလယ်သမားအသက်အာမခံတွင် ကိုယ်စားလှယ်ကော်မရှင်နှုန်းထားကို ပေးသွင်း ပရီမီယံပေါ်မှ ၁၀ ရာခိုင်နှုန်းခံစားခွင့်ပြုပါသည်။
- ကိုယ်စားလှယ်ကော်မရှင်တောင်းခံခြင်းကို ပရီမီယံပေးသွင်းသည့် အထောက်အထား၊ ပြေစာ မိတ္တူတင်ပြပါက ငွေစာရင်းကောင်တာဖွင့်ချိန်အတွင်း နေ့ချင်းပြီး ဆောင်ရွက်ပေးပါသည်။