ရာသီဥတုညွှန်းကိန်းသီးနှံအာမခံ
ရာသီဥတုညွှန်းကိန်းသီးနှံအာမခံ
စီမံကိန်းနှင့် ဘဏ္ဍာရေးဝန်ကြီးဌာန / August 19, 2024
ဝန်ဆောင်မှုရယူရန်အခြေခံလိုအပ်ချက်များ
မြန်မာ့လယ်ယာဖွံ့ဖြိုးရေးဘဏ်၏ ချေးငွေဖြင့် သီးနှံစိုက်ပျိုးမည့် လယ်ယာမြေများ အာမခံ ထားရှိနိုင်ပါသည်။
ဝန်ဆောင်ခ
မိုးစပါး ၁ ဧကအတွက် ကျသင့်ပရီမီယံ ကျပ် ၃,၀၀၀/- ဖြစ်ပါသည်။ မိုးစပါး (၁) ဧကအတွက် အာမခံထားငွေ ကျပ် (၁၅၀,၀၀၀/-) နှုန်းဖြင့် မိမိချေးငွေ ထုတ်ယူသည့်ဧကအလိုက် အာမခံ ဝယ်ယူနိုင်ပါသည်။
လျှောက်ထားရန်အဆင့်များ
အဆင့်-၁
အဆိုလွှာဖြည့်စွက်ခြင်း
အဆင့်-၂
ပရီမီယံပေးသွင်းခြင်း
အဆင့်-၃
အာမခံလက်မှတ်ထုတ်ပေးခြင်း
ဖြည့်စွက်ချက်
- ရာသီဥတုအညွှန်းကိန်းသီးနှံအာမခံ လက်ခံခြင်းအား စိုက်ပျိုးစရိတ်ချေးငွေ ထုတ်ချေးပေးသည့် မြန်မာ့လယ်ယာဖွံ့ဖြိုးရေးဘဏ်ခွဲများသို့ သွားရောက်၍ အဆိုလွှာလက်ခံခြင်း၊ ပရီမီယံလက်ခံခြင်းနှင့် အာမခံလက်မှတ်ထုတ်ပေးခြင်းများ ဆောင်ရွက်လျက်ရှိပါသည်။
- အာမခံသက်တမ်းအတွင်း မြန်မာပြည် (အထက်ပိုင်း) တွင် သတ်မှတ်ထားသော မိုးရေချိန်စံညွှန်းကိန်းများအောက် လျော့နည်း၍ မိုးရွာသွန်းခြင်းနှင့် ရေကြီးနစ်မြုပ် ပျက်စီးခြင်းများအတွက် အကျိုးခံစားခွင့်ရရှိမည်ဖြစ်ပြီး မြန်မာပြည် (အောက်ပိုင်း) တွင် သတ်မှတ်ထားသော မိုးရေချိန်စံညွှန်းကိန်းများထက် ကျော်လွန်၍ မိုးရွာသွန်း ခြင်းနှင့် ရေကြီးနစ်မြုပ်ပျက်စီးခြင်းများအတွက် အကျိုးခံစားခွင့်ရရှိမည်ဖြစ်ပါ သည်။
အကျိုးခံစားခွင့်တောင်းခံမှုအတွက် လိုအပ်ချက်များ
၁။ သတ်မှတ်မိုးရေချိန်ထက်လျော့နည်း/ကျော်လွန်ခြင်း
- အကျိုးခံစားခွင့်လျှောက်လွှာပုံစံ
- အာမခံလက်မှတ်မူရင်း
- ပရီမီယံ/အာမခံကြေးပေးသွင်းသည့်ပြေစာ
- ငွေရပြေစာနှင့်ပြီးပြတ်လွှာ
၂။ ရေကြီးနစ်မြုပ်ပျက်စီးခြင်း
- အကျိုးခံစားခွင့်လျှောက်လွှာပုံစံ
- အာမခံလက်မှတ်မူရင်း
- ပရီမီယံ/အာမခံကြေးပေးသွင်းသည့်ပြေစာ
- စိုက်ပျိုးရေးနှင့်မွေးမြူရေးကြီးကြပ်မှုကော်မတီ၏ရေကြီးနစ်မြုပ်ပျက်စီးကြောင်းအတည်ပြုချက်
- ငွေရပြေစာနှင့်ပြီးပြတ်လွှာ