ကရင်ပြည်နယ်ဝန်ကြီးချုပ်ဦးစောမြင့်ဦး နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ အခမ်းအနားတက်ရောက်
ကရင်ပြည်နယ်ဝန်ကြီးချုပ်ဦးစောမြင့်ဦး နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ အခမ်းအနားတက်ရောက်
ကရင်ပြည်နယ်အစိုးရအဖွဲ့/ ကရင်ပြည်နယ်အစိုးရအဖွဲ့ရုံး / May 05, 2026
ဘားအံ - မေ (၅)
မေလ ၅ ရက်နေ့တွင်ကျရောက်သည့် နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ အခမ်းအနားကို ယနေ့ နံနက် (၈)နာရီက ဘားအံမြို့၊ ဇွဲကပင်ခန်းမ၌ ကျင်းပသည်။
ဦးစွာ ပြည်နယ်ဝန်ကြီးချုပ်ဦးစောမြင့်ဦးက ကရင်ပြည်နယ်အစိုးရအဖွဲ့အနေဖြင့် မီးဘေးအန္တရာယ်နှင့်သဘာဝ ဘေးအန္တရာယ်များ ဖြစ်ပွားပေါ်ပေါက်လာပါက လျင်မြန်စွာတုံ့ပြန်ဆောင်ရွက်နိုင်ရန်နှင့်ကွပ်ကဲမှုမပြတ်စေရန် ခေတ်မီ စနစ်ဖြစ်သော Command and Control Center ကိုလည်းကောင်း၊ သဘာဝဘေးအန္တရာယ်ကြောင့် ဆက်သွယ်ရေးစနစ် များ ပြတ်တောက်သွားချိန်တွင် အရေးပေါ်တုံ့ပြန်နိုင်ရေးနှင့်ကွပ်ကဲမှုမပြတ်စေရန်အတွက် Advance Emergency Response System(PHASE-1) တစ်စုံကိုဝယ်ယူဖြည့်တင်းပေးခဲ့ပြီး (PHASE-2)သို့ အဆင့်မြှင့်တင်ပေးခဲ့ကြောင်း၊ နှစ်စဉ် ရေကြီးရေလျှံမှုများဖြစ်ပွားလေ့ရှိသဖြင့် ရှာဖွေကယ်ဆယ်ရေးစက်လှေ(၅)စီးနှင့် Water Rescue Robot (Life Bouy) သုံးစုံ၊ မီးသတ်ယာဉ်များလွယ်ကူစွာဝင်ရောက်ရန်ခက်ခဲသောနေရာများအတွက် Portable Fire Pump (၁၀)လုံး၊ Water Mist Fire Extinguisher (၁၀)လုံးတို့ကို ဝယ်ယူဖြည့်တင်းပေးခဲ့ပြီး ပြည်သူတို့၏အသက်အိုးအိမ်စည်းစိမ်ကို စောင့်ရှောက် ကာကွယ်နိုင်သည့် ပြည်သူအားကိုးရသော တပ်ဖွဲ့ကြီးအဖြစ် နောင်နှစ်ပေါင်းများစွာအဓွန့်ရှည်ကြာအောင် ကြိုးစား တည်ဆောက်သွားကြစေလိုကြောင်း ပြောကြားသည်။
ထို့နောက် ပြည်နယ်ဝန်ကြီးချုပ်က ဗဟိုအဆင့်သင်တန်းများတွင် ကရင်ပြည်နယ်မှ ထူးချွန်သင်တန်းသားများအား ဂုဏ်ပြုဆုများပေးအပ်ချီးမြှင့်ခဲ့ပြီး နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့အထိမ်းအမှတ်အဖြစ် မြန်မာနိုင်ငံမီးသတ် တပ်ဖွဲ့ဌာနချုပ်မှပေးပို့သော Video Clip ကို အခမ်းအနားသို့တက်ရောက်လာသူများနှင့်အတူတကွကြည့်ရှုခဲ့ကြကာ ခင်းကျင်းပြသထားသော ကရင်ပြည်နယ်အတွင်း ရေပြင်၊ မြေပြင် ရှာဖွေကယ်ဆယ်ရေးသုံးပစ္စည်းများနှင့် ၎င်းတို့ကိုအသုံး ပြုဆောင်ရွက်နေမှု မှတ်တမ်းဓာတ်ပုံများ၊ ပြည်နယ်အတွင်း မီးလောင်မှုနှင့်ဆီမီးလောင်မှုမှတ်တမ်းဓာတ်ပုံများ၊ ပြည်နယ် အတွင်း မြေပြင်၊ရေပြင်အရေးပေါ်ရှာဖွေကယ်ဆယ်ရေးအဖွဲ့ ပြင်ဆင်စုဖွဲ့ထားရှိမှုနှင့် လုပ်ငန်းသုံးပစ္စည်းကိရိယာများကို ကြည့်ရှုစစ်ဆေးခဲ့ကြပြီး ပြည်နယ်ဝန်ကြီးချုပ်က တာဝန်ရှိသူများအား လိုအပ်သည်များမှာကြားခဲ့ကြောင်း သိရသည်။
ဆက်လက်၍ ကရင်ပြည်နယ်အစိုးရအဖွဲ့၊ ပြည်နယ်ဝန်ကြီးချုပ်ဖလား မြို့နယ်ပေါင်းစုံ အသက်(၂၅)နှစ်အောက် အမျိုးသား/အမျိုးသမီး ဘော်လီဘောပြိုင်ပွဲ ဖွင့်ပွဲကို မေလ ၅ ရက်နေ့ နံနက် ၁၀ နာရီက ဘားအံမြို့၊ လှာကမြင်ကွက်သစ်၊ ဇွဲကပင်အားကစားရုံ၌ ကျင်းပသည်။
ဦးစွာ ပြည်နယ်ဝန်ကြီးချုပ်ဦးစောမြင့်ဦးက ယခုကျင်းပသည့်ပြိုင်ပွဲမှတစ်ဆင့် ထူးချွန်ထက်မြတ်သည့် အားကစား သမားများကို တောင်ကြီးမြို့တွင်ကျင်းပမည့် တိုင်းဒေသကြီးနှင့်ပြည်နယ် ဘော်လီဘောပြိုင်ပွဲအတွက် ကရင်ပြည်နယ် လက်ရွေးစင်အနေဖြင့် ပါဝင်ယှဉ်ပြိုင်နိုင်ရန် စနစ်တကျ ရွေးချယ်စခန်းသွင်းလေ့ကျင့်ပေးသွားမည်ဖြစ်ကြောင်း၊ အားကစား သမားများအနေဖြင့် သတ်မှတ်ထားသည့်စည်းမျဉ်း/စည်းကမ်းဥပဒေဘောင်အတွင်းမှ မိမိတို့မြို့နယ်အသင်း အနိုင်ရအောင် ကြိုးစားယှဉ်ပြိုင်၍ ဘော်လီဘောအားကစားနည်းဖြင့် ပြည်နယ်ဂုဏ်၊ နိုင်ငံ့ဂုဏ်ဆောင်နိုင်သည့်အားကစားသမားကောင်း များဖြစ်အောင် ဆက်လက်ကြိုးစားလေ့ကျင့်သွားကြရန် တိုက်တွန်းပြောကြား၍ ပြိုင်ပွဲအားဖွင့်လှစ်ပေးခဲ့သည်။
အဆိုပါ ပြိုင်ပွဲသို့ မြို့နယ်(၇)မြို့နယ်မှ အမျိုးသား/အမျိုးသမီး(၇)သင်းစီ အားကစားသမားပေါင်း ၁၄၀ ဦး ဝင်ရောက်ယှဉ်ပြိုင်ကစားခဲ့ကြပြီး ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌ၊ ပြည်နယ်တရားလွှတ်တော်တရားသူ ကြီးချုပ်နှင့်ပြည်နယ်အစိုးရအဖွဲ့ဝင်များက ပြိုင်ပွဲဝင်အသင်းတစ်သင်းလျှင် ငွေကျပ် ၂၇၀၀၀၀ဝိ/-(နှစ်ဆယ့်ခုနှစ်သိန်း ကျပ်)စီကို ဂုဏ်ပြုချီးမြှင့်ပေးအပ်ခဲ့ကြကာ အမျိုးသားဘော်လီဘောပြိုင်ပွဲအဖွင့်ပွဲစဉ်အနေဖြင့် ကြာအင်းဆိပ်ကြီးအသင်း နှင့်ဖာပွန်အသင်း၊ အမျိုးသမီးဘော်လီဘောပြိုင်ပွဲအဖွင့်ပွဲစဉ်အနေဖြင့် ကြာအင်းဆိပ်ကြီးမြို့နယ်အသင်းနှင့်ကော့ကရိတ် မြို့နယ်အသင်းတို့၏ယှဉ်ပြိုင်ကစားမှုများကိုကြည့်ရှုအားပေး၍ ဂုဏ်ပြုဆုများပေးအပ်ချီးမြှင့်ခဲ့ပါသည်။
ပုံနှိပ်ခြင်း၊ ထုတ်ဝေခြင်းနှင့် သတင်းအေဂျင်စီလုပ်ငန်းများခွင့်ပြုပေးမှုအခြေအနေ
Posted on May 5, 2026ပြန်ကြားရေးဝန်ကြီးဌာနသည် ပြည်ထောင်စုအစိုးရ၏ သဘောတူညီချက်ဖြင့် ပုံနှိပ်ခြင်းနှင့်ထုတ်ဝေခြင်းလုပ်ငန်း နည်းဥပဒေများကို အမိန့်ကြော်ငြာစာအမှတ် (၄၈/၂၀၁၄)ဖြင့် ၂၀၁၄ ခုနှစ်၊ အောက်တိုဘာလ ၁၀ ရက်နေ့တွင် ထုတ်ပြန်ခဲ့ပြီးနောက် လုပ်ငန်းအသိအမှတ်ပြုလက်မှတ် လျှောက်ထားလာပါက ပုံနှိပ်ခြင်းနှင့်ထုတ်ဝေခြင်းလုပ်ငန်း နည်းဥပဒေများနှင့်အညီစိစစ်၍ လုပ်ငန်းအသိအမှတ်ပြုလက်မှတ်များကို ခွင့်ပြုပေးလျက်ရှိပါသည်။
မြန်မာနိုင်ငံ အမျိုးသားလူ့အခွင့်အရေးကော်မရှင် သတင်းထုတ်ပြန်ချက် အမှတ် (၅ /၂၀၂၆)
Posted on May 1, 2026၁။ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတသည် ၁၃၈၈ ခုနှစ်၊ ကဆုန်လပြည့်နေ့၊ ၂၀၂၆ ခုနှစ်၊ ဧပြီလ ၃၀ ရက်နေ့ တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့် လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း၊ နိုင်ငံတော်၏မေတ္တာနှင့် စေတနာကို နားလည်စေရန် ရှေးရှုသောအားဖြင့်လည်းကောင်း၊ နိုင်ငံတော်တည်ဆောက်ရေးတွင် ပါဝင်နိုင်စေ ရန်အတွက်လည်းကောင်း၊ နိုင်ငံအချင်းချင်း မိတ်ဝတ်မပျက်ဆက်ဆံရေးကို ရှေးရှု၍လည်းကောင်း၊ နိုင်ငံတော်သမ္မတရုံး အမိန့်အမှတ် (၅၀/၂၀၂၆) ပြစ်ဒဏ်လွတ်ငြိမ်း သက်သာခွင့်အမိန့်ဖြင့် အကျဉ်းသား/ သူတို့ ကျခံရန် ကျန်ရှိသောပြစ်ဒဏ်၏ ခြောက်ပုံတစ်ပုံကို လွတ်ငြိမ်းသက်သာခွင့်ပြုခဲ့ပြီး အမိန့်အမှတ် (၅၁/၂၀၂၆) ပြစ်ဒဏ်လွတ်ငြိမ်းခွင့်အမိန့်ဖြင့် အကျဉ်းသား/သူ ၁၅၀၈ ဦးကို စည်းကမ်းသတ်မှတ်ချက်ဖြင့် ယင်းတို့ကျခံရန် ကျန်ရှိသောပြစ်ဒဏ်များအပေါ် လျှော့ပေါ့၍ ပြစ်ဒဏ်လွတ်ငြိမ်းခွင့်ပြုခဲ့သည့်အပြင် အမိန့်အမှတ် (၅၂/ ၂၀၂၆) ပြစ်ဒဏ်လွတ်ငြိမ်းခွင့်အမိန့်ဖြင့် နိုင်ငံခြားသား အကျဉ်းသား/သူ ၁၁ ဦးကို စည်းကမ်းသတ်မှတ်ချက်ဖြင့် ယင်းတို့ ကျခံရန်ကျန်ရှိသော ပြစ်ဒဏ်များအပေါ် လျှော့ပေါ့၍ ပြစ်ဒဏ်လွတ်ငြိမ်းခွင့်ပြု၍ ပြည်နှင်ဒဏ်ပေးခဲ့ပါသည်။
Myanmar National Human Rights Commission Statement No. (5/2026)
Posted on Apr 30, 2026