ဒုတိယဝန်ကြီး ဦးဖြိုးဇော်စိုး ပြင်ဦးလွင်မြို့ရှိ နိုင်ငံပိုင်ဟိုတယ်များနှင့် စစ်ကိုင်းမြို့ရှိ ခရီးသွားဆွဲဆောင်ရာနေရာများ ကွင်းဆင်းကြည့်ရှု
ဒုတိယဝန်ကြီး ဦးဖြိုးဇော်စိုး ပြင်ဦးလွင်မြို့ရှိ နိုင်ငံပိုင်ဟိုတယ်များနှင့် စစ်ကိုင်းမြို့ရှိ ခရီးသွားဆွဲဆောင်ရာနေရာများ ကွင်းဆင်းကြည့်ရှု
ပြန်ကြားရေးဝန်ကြီးဌာန/ နေပြည်တော် / June 03, 2026
နေပြည်တော် ဇွန် ၂
ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဦးဖြိုးဇော်စိုးသည် ယမန်နေ့ နံနက်ပိုင်းက ပြင်ဦးလွင်မြို့ရှိ နိုင်ငံပိုင်ဟိုတယ်များ လုပ်ငန်းလည်ပတ်ဆောင်ရွက်နေမှုကို ကြည့်ရှုစစ်ဆေးသည်။
မွန်းလွဲပိုင်းတွင် မန္တလေးငလျင်ကြီးကြောင့် အဆောက်အအုံထိခိုက်ပျက်စီးမှုများအား ပြန်လည်ပြုပြင်မွမ်းမံဆောင်ရွက်နေသည့် စစ်ကိုင်းမြို့ စစ်ကိုင်း - မုံရွာ ကားလမ်းမကြီးဘေးတွင် ဖွင့်လှစ်ထားသော ခရီးသွားသတင်းအချက်အလက်ကောင်တာ (Tourist Information Counter)၊ စစ်ကိုင်းမြို့ရှိ ခရီးသွားဆွဲဆောင်ရာနေရာများဖြစ်သည့် စစ်ကိုင်းတောင်၊ ဆွမ်းဦးပုညရှင်ဘုရား၊ ရုပ်စုံကျောင်း၊ ကနောင်မင်းသားကြီး သံချက်ဖိုနှင့် အစေခံခံတပ်၊ မန္တလေးငလျင်ကြီးကြောင့် ထိခိုက်ပျက်စီးသွားသော စစ်ကိုင်းမြို့ရှိ Happy Hotel ပြန်လည်ပြုပြင်မွမ်းမံ တည်ဆောက်နေမှုတို့ကို လှည့်လည်ကြည့်ရှုစစ်ဆေးပြီး လိုအပ်သည်များကို မှာကြားဖြည့်ဆည်းဆောင်ရွက်ပေးသည်။
ထို့နောက် Hotel Sagaing ၌ မြန်မာနိုင်ငံဟိုတယ်ဆိုင်ရာ လုပ်ငန်းရှင်များအသင်း (စစ်ကိုင်းဇုန်) မှတာဝန်ရှိသူများ၊ ဟိုတယ်၊ တည်းခိုရိပ်သာလုပ်ငန်းရှင်များနှင့် တွေ့ဆုံပြီး တင်ပြချက်များအပေါ် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိသည်။
သတင်းစဉ်
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ၏ အိန္ဒိယနိုင်ငံ တရားဝင်ခရီးစဉ်အတွင်း မြန်မာ-အိန္ဒိယ နှစ်နိုင်ငံ ပူးတွဲကြေညာချက်
Posted on Jun 2, 2026၁။ အိန္ဒိယနိုင်ငံဝန်ကြီးချုပ် ရှရီနာရန်ဒရာမိုဒီ၏ ဖိတ်ကြားချက်အရ ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ၂၀၂၆ ခုနှစ်၊ မေလ ၃၀ ရက်မှ ဇွန်လ ၃ ရက် အထိ အိန္ဒိယနိုင်ငံသို့ ပထမဆုံးတရားဝင်ခရီးစဉ် သွားရောက်ခဲ့သည်။
အဂတိလိုက်စားမှုတားဆီးကာကွယ်ရေး အသိပေးနှိုးဆော်ချက်
Posted on Jun 1, 2026အဂတိလိုက်စားမှုတားဆီးကာကွယ်ရေး အသိပေးနှိုးဆော်ချက်
Website လိပ်စာ ပြောင်းလဲလွှင့်တင်ပြီးဖြစ်ကြောင်း အသိပေးခြင်း
Posted on Jun 2, 2026