ပုလောမြို့နှင့်ပလောက်မြို့တို့ရှိ ပါတီစုံဒီမိုကရေစီအထွေထွေရွေးကောက်ပွဲ အပိုင်း(၃) ကျင်းပမည့် မဲရုံနေရာများအား ကြည့်ရှုစစ်ဆေး

ပုလောမြို့နှင့်ပလောက်မြို့တို့ရှိ ပါတီစုံဒီမိုကရေစီအထွေထွေရွေးကောက်ပွဲ အပိုင်း(၃) ကျင်းပမည့် မဲရုံနေရာများအား ကြည့်ရှုစစ်ဆေး

နေပြည်တော် ဇန်နဝါရီလ ၂၁

ပါတီစုံဒီမိုကရေစီအထွေထွေရွေးကောက်ပွဲအပိုင်း(၃) အောင်မြင်စွာ ကျင်းပနိုင်ရေးအတွက် ကြိုတင်ပြင်ဆင်မှုများဆောင်ရွက်နေသည့် တနင်္သာရီတိုင်းဒေသကြီး၊ ပုလောမြို့နယ်နှင့် ပုလောက်မြို့နယ်တို့ရှိ မဲရုံနေရာများအားယနေ့တွင် ကမ်းရိုးတန်းဒေသတိုင်းစစ်ဌာနချုပ် တိုင်မှူးဗိုလ်ချုပ် ကျော်ကျော်ဟန်နှင့် တာဝန်ရှိသူများက သွားရောက်စစ်ဆေးရာ တာဝန်ရှိသူများက အီလက်ထရောနစ်မဲပေးစက်(MEVM)များ ရောက်ရှိမှုအခြေအနေ၊ မဲပေးစက်များထားရှိမည့်နေရာ၊ မဲပုံးများထားရှိမည့်နေရာ စသည်ဖြင့် ကြိုတင်ပြင်ဆင်ထားရှိမှုများကို ရှင်းလင်းတင်ပြကြပြီး တင်ပြချက်များအပေါ်တိုင်းမှူးက လိုအပ်သည်များ ပေါင်းစပ်ညှိနှိုင်းဆောင်ရွက်ပေးသည်။

ထို့နောက် တိုင်းမှူးနှင့် တာဝန်ရှိသူများသည် ပလောက်မြို့ အထွေထွေအုပ်ချုပ်ရေးဦးစီးဌာန၌ ဖွင့်လှစ်သည့်မဲရုံမှူးနှင့်အဖွဲ့ဝင်များ လုပ်ငန်းလမ်းညွှန်မွမ်းမံသင်တန်းမှ သင်တန်းသားများအား သွားရောက်တွေ့ဆုံပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိသည်။