ပဲခူးတိုင်းဒေသကြီး၊ သနပ်ပင်မြို့နယ်၌ သစ်များ တရားမဝင်သယ်ဆောင်လာသူ အမျိုးသား လေးဦးအား ဖမ်းဆီးအရေးယူ
ပဲခူးတိုင်းဒေသကြီး၊ သနပ်ပင်မြို့နယ်၌ သစ်များ တရားမဝင်သယ်ဆောင်လာသူ အမျိုးသား လေးဦးအား ဖမ်းဆီးအရေးယူ
ပြည်ထဲရေးဝန်ကြီးဌာန/ နေပြည်တော် / February 11, 2026
၂၀၂၆ ခုနှစ်၊ ဖေဖော်ဝါရီ ၈ ရက်က ပဲခူးတိုင်းဒေသကြီး၊ သနပ်ပင်မြို့နယ်၌ သစ်များ တရားမဝင် သယ်ဆောင်လာသူ အမျိုးသား လေးဦးအား ဖမ်းဆီးအရေးယူထားကြောင်း သိရသည်။
ဖြစ်စဉ်မှာ ဖေဖော်ဝါရီ ၈ ရက် မွန်းလွဲ ၂ နာရီ ၃၀ မိနစ်တွင် ပဲခူးတိုင်းဒေသကြီး၊ သနပ်ပင်-နတ်ရေကန်စီမံကိန်းလမ်း၊ အရှေ့တံခွန်တိုင်ကျေးရွာထိပ်၌ သနပ်ပင်မြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် အရှေ့တံခွန်တိုင် ကျေးရွာမှ သနပ်ပင်မြို့ဘက်သို့ ခရမ်းမြို့နယ်၊ အမှတ်(၁၂)ရပ်ကွက်နေ မင်းဇော်ဦး(၃၃)နှစ် မောင်းနှင်ပြီး အမှတ်(၁၁) ရပ်ကွက်နေ နိုင်ကို(၃၀)နှစ်၊ အမှတ်(၉)ရပ်ကွက်နေ သိန်းဇော်(၂၅)နှစ်နှင့် ကဝမြို့နယ်၊ ဇွဲတွန်ကျေးရွာနေ ဝေလင်းအောင်(၃၆)နှစ်တို့ လိုက်ပါလာသော YGN-27/6K-XXXX NISSAN CONDOR မော်တော်ယာဉ်အား ရပ်တန့်စစ်ဆေးခဲ့ရာ ယာဉ်ပေါ်၌ အခြားသစ်ခွဲသားမျိုးစုံ ၁,၀၁၁ ချောင်း၊ ၇.၈၂၉၂ တန်(စုစုပေါင်း ဒေသကာလတန်ဖိုး ၄,၆၉၇,၅၂၀ ကျပ်ခန့်)အား တရားမဝင် သယ်ဆောင်လာသည်ကို စစ်ဆေးတွေ့ရှိရသဖြင့် မင်းဇော်ဦးပါ လေးဦးအား သနပ်ပင်မြို့မရဲစခန်း (ပ)၁၉/၂၀၂၆၊ သစ်တောဥပဒေပုဒ်မ ၄၁(က) ဖြင့် အမှုဖွင့်အရေးယူထားကြောင်း သတင်းရရှိပါသည်။
ကြော်ငြာစာအမှတ်(၁/၂၀၂၆)ပါ ရာထူးတွင် တာဝန်ထမ်းဆောင်ခြင်းနှင့်စပ်လျဉ်း၍ သီးခြားစည်းကမ်းချက်များရှိသည့် ဌာနများ၏ ဆက်သွယ်ရန် ဖုန်းနံပါတ်များ
Posted on Feb 27, 2026ကြော်ငြာစာအမှတ်(၁/၂၀၂၆)ပါ ရာထူးတွင် တာဝန်ထမ်းဆောင်ခြင်းနှင့်စပ်လျဉ်း၍ သီးခြားစည်းကမ်းချက်များရှိသည့် ဌာနများ၏ ဆက်သွယ်ရန် ဖုန်းနံပါတ်များ
ကြော်ငြာစာအမှတ်(၁/၂၀၂၆)ဖြင့် ဝန်ကြီးဌာနနှင့်အဖွဲ့အစည်း( ၂၄ )ခုမှ လစ်လပ်လျက်ရှိသော ရာထူးနေရာများအတွက် ကြော်ငြာခေါ်ယူခြင်း
Posted on Feb 27, 2026ကြော်ငြာစာအမှတ်(၁/၂၀၂၆)ဖြင့် ဝန်ကြီးဌာနနှင့်အဖွဲ့အစည်း( ၂၄ )ခုမှ လစ်လပ်လျက်ရှိသော ရာထူးနေရာများအတွက် ကြော်ငြာခေါ်ယူခြင်း
အခွန်အယူခံခုံအဖွဲ့ဥပဒေကို ပြင်ဆင်သည့် ဥပဒေ
Posted on Feb 26, 2026အခွန်အယူခံခုံအဖွဲ့ဥပဒေကို ပြင်ဆင်သည့် ဥပဒေ