ပြည်ထောင်စုနယ်မြေ၊ နေပြည်တော်၊ ရှမ်းပြည်နယ်နှင့် ကချင်ပြည်နယ်တို့ရှိ မြို့နယ်အချို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

ပြည်ထောင်စုနယ်မြေ၊ နေပြည်တော်၊ ရှမ်းပြည်နယ်နှင့် ကချင်ပြည်နယ်တို့ရှိ မြို့နယ်အချို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ

     ၂၀၂၆ ခုနှစ်၊ မတ် ၁၇ ရက်က ပြည်ထောင်စုနယ်မြေ၊ နေပြည်တော်၊ ရှမ်းပြည်နယ်နှင့် ကချင်ပြည်နယ်တို့ရှိ မြို့နယ်အချို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ မတ် ၁၇ ရက် မွန်းလွဲ ၂ နာရီတွင် ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၊ စီလမ်းဆုံပူးပေါင်းစစ်ဆေးရေးဂိတ်၌ ဒက္ခိဏသီရိမြို့မရဲစ ခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် ရန်ကုန်မြို့မှ နေပြည်တော်ဘက်သို့ ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ တံတားဦးရပ်ကွက်နေ ဦးရဲမင်း(၄၃)နှစ် မောင်းနှင်လာသည့် MDY-12/5C-XXXX MITSUBISHI PAJERO မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ရဲမင်း အား ဒက္ခိဏသီရိမြို့မရဲစခန်း (ပ)၂၀/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ မွန်းလွဲ ၂ နာရီ ၅၀ မိနစ်တွင် ရှမ်းပြည်နယ်၊ လားရှိုးမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် လားရှိုးမြို့နယ်၊ အောင်မင်္ဂလာရပ်ကွက်၊ အထက်မန်အိုင်လမ်းအရောက်၌ အဆိုပါရပ်ကွက်နေ မေနှင်းထွေး(၃၈)နှစ် မောင်းနှင်လာသည့် SHN-38/3P-XXXX HONDA INSIGHT မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် မေနှင်းထွေး အား လားရှိုးမြို့မရဲစခန်း (ပ)၁၁၂/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     ထို့အတူ မွန်းလွဲ ၁ နာရီတွင် ကချင်ပြည်နယ်၊ မြစ်ကြီးနားမြို့နယ်ရဲတပ်ဖွဲ့မှူးရုံးမှ တပ်ဖွဲ့ဝင်များပါဝင်သော ပူးပေါင်းအဖွဲ့က မြစ်ကြီးနားမြို့နယ်၊ ပိတောက်မြိုင်ကျေးရွာနေ မဂျာမွန်းပန်(၂၉)နှစ်၏နေအိမ်ခြံဝင်းအတွင်း၌ လိုင်စင်မဲ့ မော်တော်ယာဉ်များထားရှိကာ အရောင်းအဝယ် ပြုလုပ်နေကြောင်း သတင်းအရ သွားရောက်စစ်ဆေးခဲ့ရာ အဆိုပါခြံဝင်းအတွင်း၌ အထောက်အထားတစ်စုံတစ်ရာ ပြသနိုင်ခြင်းမရှိသည့် လိုင်စင်မဲ့ BGO-3/1M-XXXX HONDA FIT မော်တော်ယာဉ် တစ်စီး၊ SHN-8/3N-XXXX HONDA FIT မော်တော်ယာဉ် တစ်စီး၊ MDY/1K-XXXX GRANDIS မော်တော်ယာဉ် တစ်စီးတို့နှင့်အတူ ဖမ်းဆီးရမိခဲ့သဖြင့် ဂျာမွန်းပန် အား ပလနနယ်မြေရဲစခန်း (ပ)၃၂/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     ထို့အတူ ည ၇ နာရီ ၃၀ မိနစ်တွင် ကချင်ပြည်နယ်၊ မြစ်ကြီးနားမြို့နယ်ရဲတပ်ဖွဲ့မှူးရုံးမှ တပ်ဖွဲ့ဝင်များပါဝင်သော ပူးပေါင်းအဖွဲ့က မြစ်ကြီးနားမြို့နယ်၊ စီတာပူရပ်ကွက်နေ ကိုဇယ်ဟောင်း(၂၃)နှစ်၏ နေအိမ်ခြံဝင်းအတွင်း၌ လိုင်စင်မဲ့ မော်တော်ယာဉ်များထားရှိကာ အရောင်းအဝယ်ပြုလုပ်နေကြောင်း သတင်းအရ သွား ရောက်စစ်ဆေးခဲ့ရာ အဆိုပါခြံဝင်းအတွင်း၌ အထောက်အထားတစ်စုံတစ်ရာ ပြသနိုင်ခြင်းမရှိသည့် လိုင်စင်မဲ့ YGN-18/3J-XXXX TOYOTA ALPHARD မော်တော် ယာဉ် တစ်စီး၊ KCN-16/7M-XXXX TOYOTA CROWN မော်တော်ယာဉ် တစ်စီးတို့နှင့်အတူ ဖမ်းဆီးရမိခဲ့သဖြင့် ဇယ်ဟောင်း အား မြစ်ကြီးနားမြို့မရဲစခန်း (ပ)၂၁/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီးအမှုဖွင့်အရေးယူထားကြောင်း သတင်းရရှိပါသည်။