မဲခေါင်-လန်ချန်း စီမံကိန်းဖြင့် ကျွဲ၊ နွား၊ သိုး၊ ဆိတ် မွေးမြူရေး ဖွံ့ဖြိုးတိုးတက်စေရန် ကွင်းဆင်းဆောင်ရွက်
မဲခေါင်-လန်ချန်း စီမံကိန်းဖြင့် ကျွဲ၊ နွား၊ သိုး၊ ဆိတ် မွေးမြူရေး ဖွံ့ဖြိုးတိုးတက်စေရန် ကွင်းဆင်းဆောင်ရွက်
ပြန်ကြားရေးဝန်ကြီးဌာန/ နေပြည်တော် / March 14, 2025
နေပြည်တော် မတ် ၁၃
စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန မွေးမြူရေးဆိုင်ရာ ဆေးတက္ကသိုလ်မှ မဲခေါင် - လန်ချန်း အထူးရန်ပုံငွေ (၂၀၂၄) ဖြင့် ဆောင်ရွက်လျက်ရှိသော Establishing Livestock Training Center for Rural Livelihood Improvement to Support Poverty Reduction in Lancang-Mekong Countries စီမံကိန်းဖြင့် တိရစ္ဆာန်အစာနှင့် အာဟာရဗေဒဆိုင်ရာ ကျွမ်းကျင်ပညာရှင်များ၊ ဘွဲ့လွန်ကျောင်းသား ကျောင်းသူများသည် ဇေယျာသီရိမြို့နယ်နှင့် တပ်ကုန်းမြို့နယ်တို့သို့ ကွင်းဆင်းပြီး ကျွဲ၊ နွား၊ သိုး၊ ဆိတ် မွေးမြူသော တောင်သူများ၊ နို့စားနွား မွေးမြူရေးခြံများမှ မွေးမြူသူပိုင်ရှင်များနှင့် တွေ့ဆုံပြီး တိရစ္ဆာန်မွေးမြူရေးတွင် လိုအပ်သော တိရစ္ဆာန်အစာအသုံးပြုနေမှုအခြေအနေများ၊ ကျွေးမွေးသည့် နည်းစနစ်များနှင့် ကြုံတွေ့ရသည့် အခက်အခဲများကို အပြန်အလှန်ဆွေးနွေးခဲ့ကြသည်။
ထို့ပြင် မွေးမြူသူတောင်သူများက မွေးမြူရေးအတွက် အဓိကအသုံးပြုနေသော အစာကြမ်းများဖြစ်သည့် ကောက်ရိုး၊ ပြောင်းရိုး၊ ပဲရိုး စသည်တို့ကို တိရစ္ဆာန်အစာအဖြစ် ပိုမိုအကျိုးရှိစေရန်အတွက် အစာကိုပြုပြင်သည့် ခေတ်မီနည်းပညာများကို အသုံးပြုသင့်ကြောင်းနှင့် မွေးမြူရေးနှင့်ပတ်သက်သော ပညာရပ်ဆိုင်ရာ ဗဟုသုတများကိုလည်း မွေးမြူသူတောင်သူများအား ဆွေးနွေးအကြံပေးခဲ့ကြောင်း သိရသည်။
သတင်းစဉ်
နိုင်ငံရေးပါတီ (၂၉)ပါတီက ပူးတွဲသဘောထားထုတ်ပြန်ကြေညာ
Posted on Mar 13, 2025နိုင်ငံရေးပါတီ (၂၉)ပါတီက ပူးတွဲသဘောထားထုတ်ပြန်ကြေညာ
မြန်မာ့စာတိုက်လုပ်ငန်းမှတစ်ဆင့် ပြည်ပနိုင်ငံများသို့ ပေးပို့သည့် ချောထုပ်များနှင့် ပတ်သက်၍ သိရှိလိုက်နာဆောင်ရွက်ပေးပါရန် အသိပေးအကြောင်းကြားခြင်း
Posted on Mar 11, 2025မြန်မာ့စာတိုက်လုပ်ငန်းမှတစ်ဆင့် ပြည်ပနိုင်ငံများသို့ ပေးပို့သည့် ချောထုပ်များနှင့် ပတ်သက်၍ သိရှိလိုက်နာဆောင်ရွက်ပေးပါရန် အသိပေးအကြောင်းကြားခြင်း
မြန်မာ-အိန္ဒိယ အပြည်ပြည်ဆိုင်ရာ စီးပွားရေးလုပ်ငန်းရှင်များအသင်းချုပ်မှ ဂုဏ်ယူဝမ်းမြောက်ကြောင်း ကြေညာချက်
Posted on Mar 11, 2025နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော အဆင့်မြင့်ကိုယ်စားလှယ်အဖွဲ့သည် ရုရှားဖက်ဒရေးရှင်းနိုင်ငံ သမ္မတကြီး H.E. Mr. Vladimir Vladimirovich Putin နှင့် ဘယ်လာရုစ်သမ္မတနိုင်ငံသမ္မတကြီး H.E. Mr. Alexander Gregoryevich Lukashenko တို့၏ ဖိတ်ကြားခဲ့မှုအရ နိုင်ငံတော်အဆင့် ချစ်ကြည်ရေးခရီးစဉ်များအတွင်း နိုင်ငံတော်နှင့် ပြည်သူလူထု၏ အကျိုးစီးပွားကို အောင်မြင်မှုများစွာရရှိအောင် ဖော်ဆောင်နိုင်ခဲ့ခြင်းအတွက် မြန်မာ-အိန္ဒိယ အပြည်ပြည်ဆိုင်ရာ စီးပွားရေးလုပ်ငန်းရှင်များအသင်းချုပ်က အထူးပင်ဂုဏ်ယူဝမ်းမြောက် မိပါကြောင်း သဘောထားထုတ်ပြန်အပ်ပါသည်။