ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ သုံးဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ သုံးဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မတ် ၇ ရက်က ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ သုံးဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မတ် ၇ ရက် နံနက် ၂ နာရီ ၃၀ မိနစ်တွင် ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ဝေဇယန္တာလမ်းနှင့် သံသုမာလမ်းဆုံ၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆) ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ ဝေဇယန္တာလမ်းအတိုင်း မြောက်မှ တောင်သို့ ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ အမှတ်(၁၁)ရပ်ကွက်နေ ဦးအုပ်မန်း(၃၈)နှစ် မောင်းနှင်လာသည့် MDY-13/6R-XXXX BAIC SENOVA မော်တော်ယာဉ်နှင့် သံသုမာလမ်းအတိုင်း အရှေ့မှ အနောက်သို့ ဒဂုံဆိပ်ကမ်းမြို့နယ်၊ အမှတ်(၉၄)ရပ်ကွက်နေ ဦးဟန်ဇော်လင်း(၃၈)နှစ် မောင်းနှင်ပြီး တာမွေမြို့နယ်၊ ပုသိမ်ညွန့်ရပ်ကွက်နေ ဦးအောင်ကျော်စိုး (၄၆)နှစ်နှင့် သင်္ဃန်းကျွန်းမြို့နယ်၊ အမှတ်(၂၅)ရပ်ကွက်နေ မောင်ရွှေထွန်း(၁၈)နှစ်တို့ လိုက်ပါလာသည့် YGN-13/ CC-XXXX TOYOTA CALDINA မော်တော်ယာဉ်တို့သည် ဝေဇယန္တာလမ်းနှင့် သံသုမာလမ်းဆုံအရောက်၌  ဝင်ရောက်တိုက်မိခဲ့သဖြင့် ဦးဟန်ဇော်လင်းတွင် ထိခိုက်ဒဏ်ရာများရရှိကာ သေဆုံးသွားခဲ့ပြီး ဦးအုပ်မန်း၊ ဦးအောင်ကျော်စိုးနှင့် မောင်ရွှေထွန်းတို့တွင် ထိခိုက်ဒဏ်ရာများ အသီးသီး ရရှိခဲ့သောကြောင့် ဟန်ဇော်လင်းနှင့် အုပ်မန်းတို့ နှစ်ဦးအား သုဝဏ္ဏနယ်မြေရဲစခန်း ယာဉ်(ပ)၅/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။