နေပြည်တော်လမ်းလျှောက်သင်္ကြန်တွင် ပါဝင်ဆင်နွှဲကြမည့် ကိုရီးယားအနုပညာရှင်များ နေပြည်တော်သို့ ထပ်မံရောက်ရှိ မြန်မာ့အလင်းနှင့် ကြေးမုံသတင်းစာကြော်ငြာခနှုန်းထားများ

နေပြည်တော်လမ်းလျှောက်သင်္ကြန်တွင် ပါဝင်ဆင်နွှဲကြမည့် ကိုရီးယားအနုပညာရှင်များ နေပြည်တော်သို့ ထပ်မံရောက်ရှိ

နေပြည်တော် ဧပြီ ၁၅

၁၃၈၅ခုနှစ် မြန်မာ့ရိုးရာယဉ်ကျေးမှုမဟာသင်္ကြန်ပွဲတော် အခါသမယတွင် မြန်မာ-ကိုရီးယား နှစ်နိုင်ငံယဉ်ကျေးမှုဖလှယ်နိုင်ရန်နှင့် ပြည်သူများကို ဖျော်ဖြေတင်ဆက်နိုင်ရန်အတွက် နေပြည်တော်လမ်းလျှောက်သင်္ကြန်တွင် ပါဝင်ဆင်နွှဲကြမည့် ကိုရီးယား K-Pop အနုပညာရှင် ၁၉ ဦးပါဝင်သည့် ဒုတိယအဖွဲ့သည် ယမန်နေ့ညပိုင်းက ရန်ကုန်မြို့သို့ရောက်ရှိပြီး ယနေ့နံနက်ပိုင်းတွင် ရန်ကုန်မြို့မှ သီးသန့်မော်တော်ယာဉ်များဖြင့် ဆက်လက်ထွက်ခွာ ကြသည်။

အဆိုပါ ကိုရီးယားအနုပညာရှင်အဖွဲ့သည် ညနေပိုင်းတွင် နေပြည်တော်ရှိ မြတ်တော်ဝင်ဟိုတယ်သို့ရောက်ရှိကြရာ မြန်မာ့အသံနှင့်ရုပ်မြင်သံကြားမှ သင်္ကြန်ယိမ်းအဖွဲ့များက အတာရေပက်ဖျန်း၍ လှိုက်လှဲနွေးထွေးစွာ ကြိုဆိုကြသည်။

အဆိုပါအဖွဲ့သည် ညနေပိုင်းတွင် နေပြည်တော်မြို့တော်ဝန်မဏ္ဍပ်သို့ သွားရောက်ဖျော်ဖြေ တင်ဆက်ကြကြောင်း၊ ယင်းအဖွဲ့တွင် K-Pop Group “Highless” မှ အဖွဲ့ဝင်များဖြစ်ကြသည့် လီဆူမင်နှင့် မြောင်ဂျင်အာ၊ K-Pop အဆိုတော် ဂျောင်ဒယ်ရီ၊ Gold (ကင်ဂျီယောင်း)၊ ကင်မင်ဂျီ၊ ကင်ယီချန်း၊ K-Pop (Dias) အမျိုးသား လေးဦး အကအဖွဲ့နှင့် DJ ဂျိုးဂျိုးတို့ အပါအဝင်စုစုပေါင်းအနုပညာရှင် ၁၉ ဦး ပါဝင်ကြောင်း သိရသည်။

သတင်းစဉ်

မြန်မာ့အလင်းနှင့် ကြေးမုံသတင်းစာကြော်ငြာခနှုန်းထားများ

ပြန်ကြားရေးဝန်ကြီးဌာန/ နေပြည်တော် / February 14, 2025