CREDIT GUARANTEE INSURANCE (CGI) စနစ်ဖြင့် ချေးငွေလျှောက် ထားနိုင်ရန်အတွက် အသေးစားနှင့်အလတ်စားလုပ်ငန်းများအား SME RECOMMENDATION LETTER များ ထုတ်ပေးခြင်း
CREDIT GUARANTEE INSURANCE (CGI) စနစ်ဖြင့် ချေးငွေလျှောက် ထားနိုင်ရန်အတွက် အသေးစားနှင့်အလတ်စားလုပ်ငန်းများအား SME RECOMMENDATION LETTER များ ထုတ်ပေးခြင်း
စက်မှုဝန်ကြီးဌာန / August 02, 2024
ဝန်ဆောင်မှုရယူရန် အခြေခံလိုအပ်ချက်များ
- လုပ်ငန်းအမျိုးအစားအလိုက်သက်ဆိုင်ရာဌာနများတွင် မှတ်ပုံတင်ထားရှိပြီးဖြစ်ခြင်း၊
- လုပ်ငန်းမှတ်ပုံတင်သက်တမ်းအနည်းဆုံး(၂)နှစ်ရှိ၍ (အချို့ဒေသ များတွင် လုပ်ငန်း၏ အခြေအနေပေါ်မူတည်၍ ဖြေလျှော့ ဆောင်ရွက်ပေးပါသည်။)
- အမှန်တကယ် လုပ်ငန်းလည်ပတ်လျက်ရှိခြင်း၊
- SME Member ဝင်ရောက်ပြီးဖြစ်ခြင်း၊
လိုအပ်သောစာရွက် စာတမ်းများ
- SME Member Card မိတ္တူ / MSME ယာယီမှတ်ပုံတင်လက်မှတ်
- CGI စနစ်ဖြင့်ချေးငွေလျှောက်ထားလိုသည့် SME များ၏ လုပ်ငန်းဆိုင်ရာအချက် အလက်များပုံစံ၊
- အိမ်ထောင်စုစာရင်းမိတ္တူ၊
- သက်ဆိုင်ရာဝန်ကြီးဌာနများ၏ လိုင်စင်/ ခွင့်ပြုချက်၊
- မှတ်ပုံတင်လက်မှတ်မိတ္တူ၊
လျှောက်ထားရန်အဆင့်များ
အဆင့် (၁) - SME Recommendation Letter လျှောက်ထားခြင်း
လုပ်ငန်းရှင်မှ လျှောက်လွှာ၊ လိုအပ်သောစာရွက်စာတမ်းများနှင့်အတူ သက်ဆိုင်ရာတိုင်းဒေသကြီး/ပြည်နယ်/ပြည်ထောင်စုနယ်မြေ၊ နေပြည်တော်/ခရိုင် စက်မှုကြီးကြပ်ရေးနှင့်စစ်ဆေးရေးဦးစီးဌာနရုံးများတွင် လျှောက်ထားရပါမည်။
အဆင့် (၂) - ကွင်းဆင်းကြည့်ရှုခြင်း
သက်ဆိုင်ရာစက်မှုကြီးကြပ်ရုံးများသည် လျှောက်လွှာတွင်ဖော်ပြထားချက်များနှင့် ညီညွတ်မှု ရှိ/ မရှိကို သက်ဆိုင်ရာ လုပ်ငန်းများသို့ ကွင်းဆင်းကြည့်ရှုပါမည်။
သက်ဆိုင်ရာစက်မှုကြီးကြပ်ရေးနှင့်စစ်ဆေးရေးဦးစီးဌာနရုံးများသည် ပြည်စုံမှန်ကန်မှုရှိသော လျှောက်လွှာများကို တိုင်းဒေသကြီး/ ပြည်နယ်/ ပြည်ထောင်စုနယ်မြေ ဦးစီးဌာနမှူးထံသို့ တင်ပြဆောင်ရွက်၍ Recommendation Letter ရရှိပါက လုပ်ငန်းရှင်များသို့ ဆက်သွယ်အကြောင်းကြားပေးပို့မည် ဖြစ်ပါသည်။
ဝန်ဆောင်မှုပေးသည့် ဌာနအားဆက်သွယ်ရမည့်လိပ်စာ
တိုင်းဒေသကြီး/ ပြည်နယ်/ ပြည်ထောင်စုနယ်မြေ၊ နေပြည်တော်နှင့် ခရိုင်စက်မှုကြီးကြပ်ရေးနှင့်စစ်ဆေးရေးဦးစီးဌာနရုံးများ
ဝန်ဆောင်မှုရရှိနိုင်မည့်တည်နေရာများ
တိုင်းဒေသကြီး/ ပြည်နယ်/ ပြည်ထောင်စုနယ်မြေ၊ နေပြည်တော်နှင့် ခရိုင်စက်မှုကြီးကြပ်ရေးနှင့် စစ်ဆေးရေးဦးစီးဌာနရုံးများ