နယ်စပ်ရေးရာဝန်ကြီးဌာနက ဟိုတယ်ဝန်ဆောင်မှုဆိုင်ရာသင်တန်းများ ဖွင့်လှစ်၍ အလုပ်အကိုင်အခွင့်အလမ်းဖန်တီးပေး
နယ်စပ်ရေးရာဝန်ကြီးဌာနက ဟိုတယ်ဝန်ဆောင်မှုဆိုင်ရာသင်တန်းများ ဖွင့်လှစ်၍ အလုပ်အကိုင်အခွင့်အလမ်းဖန်တီးပေး
နယ်စပ်ရေးရာဝန်ကြီးဌာန / August 29, 2024
အမျိုးသမီးအိမ်တွင်းမှု သက်မွေးလုပ်ငန်းပညာ သင်တန်းကျောင်း (ပုသိမ်၊ ဘားအံ)နှင့် နယ်စပ်ဒေသတိုင်းရင်းသားလူငယ်များ စက်မှုလက်မှုပညာသင်တန်းကျောင်း(အောင်ပန်း) တို့တွင် ဟိုတယ် ဝန်ဆောင်မှုသင်တန်းများ ဖွင့်လှစ်ပေးလျက်ပြီး စိတ်ပါဝင်စားသူများ လျှောက်ထားတက်ရောက် နိုင်သည်။
သင်တန်းအမည် - ဟိုတယ်ဝန်ဆောင်မှုဆိုင်ရာသင်တန်းများ
သင်တန်းနေရာများ - (က) အမျိုးသမီးအိမ်တွင်းမှုသက်မွေးလုပ်ငန်းပညာ
သင်တန်းကျောင်း၊ ပုသိမ်မြို့၊ ဧရာ၀တီတိုင်းဒေသကြီး
ဖုန်း - ၀၉- ၂၅၈၉၃၈၇၁၀
(ခ) အမျိုးသမီးအိမ်တွင်းမှုသက်မွေးလုပ်ငန်းပညာ
သင်တန်းကျောင်း၊ ဘားအံမြို့၊ ကရင်ပြည်နယ်
ဖုန်း - ၀၉-၇၉၂၄၂၂၆၁၀
(ဂ) နယ်စပ်ဒေသတိုင်းရင်းသားလူငယ်များစက်မှုလက်မှုပညာ
သင်တန်းကျောင်း၊ အောင်ပန်းမြို့၊ ရှမ်းပြည်နယ်
ဖုန်း - ၀၉- ၄၂၅၂၇၅၉၇၀
ဝန်ဆောင်ခ - အခမဲ့
သင်တန်းကာလ - စာတွေ့ (၃) လနှင့် လက်တွေ့ (၃) လ၊ စုစုပေါင်း (၆) လ
သင်ကြားပေးသည့်ပညာရပ်များ -
(က) ဧည့်ကြိုဝန်ဆောင်မှု၊
( ခ) အိပ်ခန်းဆောင်ဝန်ဆောင်မှု၊
( ဂ) အစားအစာနှင့် အဖျော်ယမကာဝန်ဆောင်မှု။
အလုပ်အကိုင်အခွင့်အလမ်း - နယ်စပ်ရေးရာဝန်ကြီးဌာနသည် ဟိုတယ်နှင့် ခရီးသွားလာရေး ဝန်ကြီးဌာန၊ မိတ်ဖက်အဖွဲ့အစည်းဖြစ်သည့် Luxembourg Agency For Development Cooperation၊ ဟိုတယ်နှင့် ခရီးသွားလုပ်ငန်းဆိုင်ရာ ကျွမ်းကျင်ပညာရှင်များအသင်း (MHPA)၊ ဟိုတယ်လုပ်ငန်းရှင်များအသင်းတို့နှင့် ပူးပေါင်း၍ မြန်မာနိုင်ငံ၏ခရီးသွားလုပ်ငန်း ဖွံ့ဖြိုးတိုးတက် လာစေရန်နှင့် အလုပ်အကိုင်အခွင့်အလမ်းများ ရရှိစေရန် ဖွင့်လှစ်ပေးခြင်းဖြစ်သည်။
သင်တန်းများ၌ ထူးချွန်သည့် သင်တန်းသား/သူများကို နိုင်ငံခြား ဟိုတယ်ဝန်ဆောင်မှုသင်တန်း များသို့ ဆက်လက်စေလွှတ် သင်ယူစေမည်ဖြစ်ပါကြောင်းနှင့် သင်တန်းဆင်းများကိုလည်း NSSA (National Skills Standards Authority) Level 1 တက်ရောက်နိုင်ရန်နှင့် ASEAN အဆင့်မီသည့် အောင်လက်မှတ်ပေးအပ်ပြီး လုပ်ငန်းခွင်သို့ တစ်ပါတည်း ခန့်အပ်ပေးနိုင်ရေး ဆောင်ရွက်ပေးပါသည်။