ကရင်ပြည်နယ်ဝန်ကြီးချုပ် ဒေသဖွံ့ဖြိုးရေးလုပ်ငန်းများ ကြည့်ရှုစစ်ဆေး
ကရင်ပြည်နယ်ဝန်ကြီးချုပ် ဒေသဖွံ့ဖြိုးရေးလုပ်ငန်းများ ကြည့်ရှုစစ်ဆေး
Kayin State Government/ ကရင်ပြည်နယ်အစိုးရအဖွဲ့ / July 02, 2024
ဘားအံ ဇူလိုင် ၂
ကရင်ပြည်နယ်အစိုးရအဖွဲ့ ပြည်နယ်ဝန်ကြီးချုပ်ဦးစောမြင့်ဦးသည် ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်အဆင့်ဌာနဆိုင်ရာတာဝန်ရှိသူများနှင့်အတူ ဇူလိုင်လ ၂ ရက်နေ့ နံနက်ပိုင်းက ဘားအံမြို့နယ်အတွင်းရှိ ဒေသဖွံ့ဖြိုးရေးလုပ်ငန်းများအား ကြည့်ရှုစစ်ဆေးခဲ့ကြသည်။
ဦးစွာ ပြည်နယ်ဝန်ကြီးချုပ်နှင့်အဖွဲ့သည် ဘားအံမြို့နယ်၊ လှာကမြင်ကျေးရွာအုပ်စု၊ ရသဝေါ်အင်း ဘက်စုံစိမ်းလန်းစိုပြည်ရေးအတွက် မြေသားတာဘောင်လုပ်ငန်း၊ အဝင်လမ်းနှင့်ကန်ပတ်လမ်းကွန်ကရစ်ခင်းခြင်း လုပ်ငန်းတို့ကို ကြည့်ရှုစစ်ဆေးရာ ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် ဆည်မြောင်းနှင့်ရေအသုံးမှုစီမံ ခန့်ခွဲရေးဦးစီးဌာန ပြည်နယ်ဦးစီးတို့က လုပ်ငန်းဆောင်ရွက်ပြီးစီးမှုအခြေအနေများကို ရှင်းလင်းတင်ပြကြပြီး ပြည်နယ် ဝန်ကြီးချုပ်နှင့်အဖွဲ့သည် ရသဝေါ်အင်းအဝင်လမ်းကွန်ကရစ်ခင်းခြင်း ၀ ဒဿမ ၇ မိုင်၊ ကန်ပတ်လမ်းအပိုင်း(၁)မြေ သား တာဘောင်ဖို့ခြင်း ၇ ဒဿမ ၃ ဖာလုံ၊ အပိုင်း(၂)မြေသားတာဘောင်ဖို့ခြင်း ၄ ဒဿမ ၇ ဖာလုံနှင့် Box Culvert(၈) စင်းတည်ဆောက်ပြီးစီးမှုအခြေအနေများနှင့် အင်းပတ်ဝန်းကျင်စိမ်းလန်းစိုပြေရေးစိုက်ပျိုးမည့်ပျိုးပင်များကို ကြည့်ရှု စစ်ဆေးကာ တာဝန်ရှိသူများအား လိုအပ်သည်များမှာကြားခဲ့သည်။
ထို့နောက် ပြည်နယ်ဝန်ကြီးချုပ်နှင့်အဖွဲ့သည် ပြည်နယ်ပြည်သူ့ဆေးရုံကြီး(ဘားအံ)၏ တိုးချဲ့ပြင်ပလူနာ ဆောင်(၃၈ x ၃၀) RC နှစ်ထပ်အမျိုးအစားတည်ဆောက်ရေးလုပ်ငန်း၊ လူနာစောင့်များနားနေဆောင် (30'x40'x9') steel structur အမျိုးအစားတည်ဆောက်ပြီးစီးမှု၊ ဆေးရုံအဝင်မုခ်ဦးတိုးချဲ့တည်ဆောက်နိုင်ရေးနှင့် Canteen တည်ဆောက်မည့်မြေနေရာတို့အား ကြည့်ရှုစစ်ဆေးရာ ပြည်နယ်စည်ပင်သာယာရေးအဖွဲ့ ညွှန်ကြားရေးမှူးသူရ မြင့်သူနှင့်တာဝန်ရှိသူများက လုပ်ငန်းဆောင်ရွက်မှုအခြေအနေများကို ရှင်းလင်းတင်ပြကြပြီး ပြည်နယ်ဝန်ကြီးချုပ်က လိုအပ်သည်များမှာကြားသည်။
ယင်းနောက် ပြည်နယ်ဝန်ကြီးချုပ်နှင့်အဖွဲ့သည် ဘားအံမြို့၊ အမှတ်(၄၊ ၆၊ ၇)ရပ်ကွက် မြို့ပတ်လမ်းသစ် ဖောက်လုပ်ခြင်းလုပ်ငန်း အမှတ်(၇)ရပ်ကွက် မန်းဘဇံလမ်းအား အကျယ်(၃၀)ပေ၊ အရှည်ပေ (၁၀၀၀)၊ထု ၆ လက်မ ကွန်ကရစ်လမ်းခင်းခြင်းနှင့် လမ်းဘေးဝဲယာမြောင်းဖုံးပါအုတ်စီရေမြောင်းပြုလုပ်ခြင်း၊ အသစ်ဆောက်လုပ်သည့် ( အလျား ၂၅ ပေ x အနံ ၄၀ပေ x အမြင့်၁၄ပေ)ရှိ တံတားအမှတ်(၁) ပြီးစီးမှုအခြေအနေ၊ အမှတ်(၆) ရပ်ကွက်ရှိ အဆင့်မြင့်တင်ဆောင်ရွက်သည့် (အကျယ် ၃၀ပေ၊ အလျား ၈၀၀ပေ၊ ထု ၆ လက်မ)ရှိ ကွန်ကရစ်အပိုင်း(၃)ဆောင်ရွက် ပြီးစီးမှုအခြေအနေများကို ကြည့်ရှုစစ်ဆေးရာ ပြည်နယ်စည်ပင်သာယာရေးအဖွဲ့ညွှန်ကြားရေးမှူးသူရမြင့်သူ၊ အင်ဂျင်နီ ယာမှူးကြီးဦးစိုးလွင်တို့က မြို့ပတ်လမ်းသစ်ဖောက်လုပ်ရာတွင် ပါဝင်သည့်လုပ်ငန်းစဉ်များ၊ တံတားနှင့် Box Colvert များထည့်သွင်းတည်ဆောက်နေမှုနှင့် မြို့ပတ်လမ်းသစ်ဖောက်လုပ်ခြင်းလုပ်ငန်း အပိုင်း(၁) ၅၀ ရာခိုင်နှုန်းပြီးစီးမှု၊ အပိုင်း(၂) ၃၀ ရာခိုင်နှုန်းပြီးစီးမှုနှင့်အပိုင်း(၃) ၇၀ ရာခိုင်နှုန်းပြီးစီးမှုအခြေအနေများကို ရှင်းလင်းတင်ပြပြီး ပြည်နယ် ဝန်ကြီးချုပ်က လိုအပ်သည်များပေါင်းစပ်ညှိနှိုင်းဆောင်ရွက်ပေးကာ မြို့ပတ်လမ်းသစ်ဖောက်လုပ်ခြင်းလုပ်ငန်းအား သတ်မှတ်စံချိန်စံနှုန်းများနှင့်အညီ အချိန်မီးပြီးစီးနိုင်ရေး ကြိုးပမ်းဆောင်ရွက်ကြရန် မှာကြားခဲ့ကြောင်း သတင်းရရှိသည်။
Statement by the Myanmar National Human Rights Commission in honour of Myanmar Women’s Day Statement No. (7/2024)
Posted on Jul 2, 2024မြန်မာနိုင်ငံ အမျိုးသား လူ့အခွင့်အရေးကော်မရှင် သတင်းထုတ်ပြန်ချက်အမှတ်စဉ် ( ၇ /၂၀၂၄)
Posted on Jul 2, 2024မြန်မာနိုင်ငံအမျိုးသားလူ့အခွင့်အရေးကော်မရှင် သတင်းထုတ်ပြန်ချက်အမှတ် ( ၆ / ၂၀၂၄)
Posted on Jul 1, 2024