ချင်းပြည်နယ်၊ ဟားခါးမြို့နယ်၌ CDF အမည်ခံ အကြမ်းဖက်အဖွဲ့က မြို့နယ်အထွေထွေအုပ်ချုပ်ရေး ဦးစီးမှူးရုံးမှ ဝန်ထမ်း တစ်ဦးအား လက်ကိုင်ဖုန်းဖြင့် အကြမ်းဖက်ခြိမ်းခြောက်မှု လုပ်ဆောင်

ချင်းပြည်နယ်၊ ဟားခါးမြို့နယ်၌ CDF အမည်ခံ အကြမ်းဖက်အဖွဲ့က မြို့နယ်အထွေထွေအုပ်ချုပ်ရေး ဦးစီးမှူးရုံးမှ ဝန်ထမ်း တစ်ဦးအား လက်ကိုင်ဖုန်းဖြင့် အကြမ်းဖက်ခြိမ်းခြောက်မှု လုပ်ဆောင်

  အကြမ်းဖက်သောင်းကျန်းသူများသည် နိုင်ငံတော်တည်ငြိမ်အေးချမ်းမှုကို ပျက်ပြားစေရန်နှင့် အုပ်ချုပ်မှုယန္တရားများ ပျက်စီးစေရန် ရည်ရွယ်၍ အုပ်ချုပ်ရေးပိုင်းဆိုင်ရာ တာဝန်ရှိသူများ၊ ဌာနဆိုင်ရာ အသီးသီးမှ နိုင်ငံ့ဝန်ထမ်းများနှင့် အပြစ်မဲ့ အရပ်သားပြည်သူများအား ခြိမ်းခြောက်ခြင်း၊ ဖမ်းဆီး ခေါ်ဆောင်ခြင်း၊ ဆက်ကြေးတောင်းခံခြင်းနှင့် လုပ်ကြံသတ်ဖြတ်ခြင်းများကို လုပ်ဆောင်လျက် ရှိပါသည်။

  ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ စက်တင်ဘာ ၂၇ ရက် မွန်းလွဲ ၁၂ နာရီ ၄၅ မိနစ်တွင် ချင်းပြည်နယ်၊ ဟားခါးမြို့နယ် အထွေထွေအုပ်ချုပ်ရေးဦးစီးမှူးရုံးမှ ဒုတိယဦးစီးမှူးဖြစ်သူ ဒေါ်နမ်းခန့်ဆွင်းသည် မြို့နယ်စုပေါင်းရုံးအတွင်း တာဝန်ထမ်းဆောင်နေစဉ် CDF အမည်ခံ အကြမ်းဖက်သမား တစ်ဦးက ၎င်း၏လက်ကိုင်ဖုန်းအား ဖုန်းအမှတ် ၀၉-၄၂၄၆၉၂၈၁၄ ဖြင့် ခေါ်ဆို၍ အကြမ်းဖက်ခြိမ်းခြောက်ခဲ့ကြောင်း သိရသည်။

   ထိုသို့ နိုင်ငံ့ဝန်ထမ်း တစ်ဦးအား ဖုန်းဖြင့် ခြိမ်းခြောက်မှုများ လုပ်ဆောင်ခဲ့သည့် အကြမ်းဖက် သမားများအား ဖော်ထုတ်ဖမ်းဆီးအရေးယူနိုင်ရေးနှင့် နယ်မြေဒေသ တည်ငြိမ်အေးချမ်းအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။