စစ်ကိုင်းတိုင်းဒေသကြီး၊ စစ်ကိုင်းမြို့နယ်နှင့် ရှမ်းပြည်နယ်၊ မူဆယ်မြို့နယ်တို့၌ လိုင်စင်မဲ့ မော်တော်ယာဉ် နှစ်စီး ဖမ်းဆီးအရေးယူ

စစ်ကိုင်းတိုင်းဒေသကြီး၊ စစ်ကိုင်းမြို့နယ်နှင့် ရှမ်းပြည်နယ်၊ မူဆယ်မြို့နယ်တို့၌ လိုင်စင်မဲ့ မော်တော်ယာဉ် နှစ်စီး ဖမ်းဆီးအရေးယူ

    ၂၀၂၅ ခုနှစ်၊ စက်တင်ဘာ ၂၇ ရက်က စစ်ကိုင်းတိုင်းဒေသကြီး၊ စစ်ကိုင်းမြို့နယ်နှင့် ရှမ်းပြည်နယ်၊ မူဆယ်မြို့နယ်တို့၌ လိုင်စင်မဲ့ မော်တော်ယာဉ် နှစ်စီး ဖမ်းဆီးအရေးယူထားကြောင်း သိရသည်။

    ဖြစ်စဉ်မှာ စက်တင်ဘာ ၂၇ ရက် နံနက် ၁၁ နာရီ ၄၀ မိနစ်တွင် စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ အမှတ်(၁၀၆)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် စစ်ကိုင်းမြို့နယ်၊ ပန်းဘဲတန်းရပ်ကွက်ရှိ SPC စက်သုံးဆီဆိုင်အနီး၌ မော်တော်ယာဉ်စစ်ဆေးခြင်းများ ဆောင်ရွက်နေစဉ် စစ်ကိုင်းမြို့နယ်၊ အာလောင်ကျေးရွာနေ သန်းလင်းခိုင်(၃၉)နှစ် မောင်းနှင်လာသည့် MDY/RLG-XXXX NISSAN AD VAN မော်တော်ယာဉ်အား ရပ်တန့်စစ်ဆေးခဲ့ရာ ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေး တွေ့ရှိရသဖြင့် သန်းလင်းခိုင် အား စစ်ကိုင်းမြို့မရဲစခန်း၌ လည်းကောင်း။

    အလားတူ မွန်းလွဲ ၁၂ နာရီ ၃၀ မိနစ်တွင် ရှမ်းပြည်နယ်၊ မူဆယ်မြို့မရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့က မူဆယ်မြို့နယ်၊ မူနမ့်ခွန်ကျေးရွာ၊ ညောင်ပင်စစ်ဆေးရေးဂိတ်၌ မော်တော် ယာဉ်စစ်ဆေးခြင်းများ ဆောင်ရွက်နေစဉ် မိုင်းယုကျေးရွာမှ မူဆယ်မြို့ဘက်သို့ ကျိုင်းတုံမြို့နယ်၊ အမှတ်(၁)ရပ်ကွက်နေ လုကာ(၂၄)နှစ် မောင်းနှင်လာသည့် YGN/6Q-XXXX RANGE ROVER မော်တော်ယာဉ်အား ရပ်တန့်စစ်ဆေးခဲ့ရာ ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် လုကာ အား မူဆယ်မြို့မရဲစခန်း၌ လည်းကောင်း ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီးအမှုဖွင့်အရေးယူ ထားကြောင်း သတင်းရရှိပါသည်။