စစ်ကိုင်းမြို့ ပိုးတန်းရပ်ကွက် အမှတ် (၂) အခြေခံပညာအထက်တန်းကျောင်း၌ ငလျင်ဘေးသဏ္ဌာန်တူ ဇာတ်တိုက်လေ့ကျင့်
စစ်ကိုင်းမြို့ ပိုးတန်းရပ်ကွက် အမှတ် (၂) အခြေခံပညာအထက်တန်းကျောင်း၌ ငလျင်ဘေးသဏ္ဌာန်တူ ဇာတ်တိုက်လေ့ကျင့်
Ministry of Information/ Naypyitaw / June 27, 2025
နေပြည်တော် ဇွန် ၂၆
ကျောင်းသား ကျောင်းသူများအား ငလျင်ဘေးအန္တရာယ်ကာကွယ်ရေးနှင့် အသိပညာပေးခြင်းများ ဆောင်ရွက်နိုင်ရန်အတွက် ငလျင်ဘေးသဏ္ဌာန်တူ ဇာတ်တိုက်လေ့ကျင့်ခြင်းကို ယနေ့နံနက်ပိုင်းတွင် စစ်ကိုင်းတိုင်းဒေသကြီး စစ်ကိုင်းမြို့ ပိုးတန်းရပ်ကွက်ရှိ အမှတ် (၂) အခြေခံပညာအထက်တန်းကျောင်း ကျောင်းဝင်းအတွင်း၌ ပြုလုပ်ရာ ကာကွယ်ရေးဦးစီးချုပ်ရုံး (ကြည်း) မှ ဒုတိယဗိုလ်ချုပ်ကြီး သက်ပုံနှင့် တာဝန်ရှိသူများ၊ ဌာနဆိုင်ရာဝန်ထမ်းများ၊ မြန်မာနိုင်ငံမီးသတ်တပ်ဖွဲ့ဝင်များ၊ မြန်မာနိုင်ငံကြက်ခြေနီ တပ်ဖွဲ့ဝင်များ၊ ပရဟိတအဖွဲ့ဝင်များ၊ ဆရာ ဆရာမများ၊ ကျောင်းသား ကျောင်းသူများ၊ ဇာတ်တိုက်လေ့ကျင့်သရုပ်ပြမည့်တပ်ဖွဲ့ဝင်များနှင့် ဖိတ်ကြားထားသူများ တက်ရောက်ကြသည်။
ဦးစွာ ဒုတိယဗိုလ်ချုပ်ကြီးသက်ပုံက အဖွင့်အမှာစကားပြောကြားသည်။ ထို့နောက် စစ်ကိုင်းတိုင်းဒေသကြီး မီးသတ်ဦးစီးဌာနမှ ဒုတိယညွှန်ကြားရေးမှူးက ဇာတ်တိုက်လေ့ကျင့်ရခြင်း၏ ရည်ရွယ်ချက်ကို ရှင်းလင်းပြောကြားသည်။
ထို့နောက် စာသင်ကျောင်းအတွင်း ကျောင်းသား ကျောင်းသူများ စာသင်ကြားနေစဉ် အင်အားပြင်းငလျင်လှုပ်ခတ်ခြင်းကြောင့် ဆရာ ဆရာမများ၊ ကျောင်းသား ကျောင်းသူများက ဘေးလွတ်ရာသို့ ရွှေ့ပြောင်းနေရာယူခြင်း၊ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာဌာနအဖွဲ့အစည်းများ၊ မြန်မာနိုင်ငံကြက်ခြေနီတပ်ဖွဲ့များ၊ ပရဟိတအဖွဲ့များက ငလျင်လှုပ်ခတ်မှုကြောင့် ပြိုကျပျက်စီးသွားသည့် အဆောက်အအုံအတွင်း၌ ထိခိုက်ဒဏ်ရာရပိတ်မိနေသူများကို ASR Level အလိုက် ရှာဖွေကယ်ဆယ်ရေးလုပ်ငန်းများ ဆောင်ရွက်ခြင်း၊ အဆောက်အအုံအတွင်း မီးလောင်မှုဖြစ်ပွားပါက မီးငြှိမ်းသတ်ရေးလုပ်ငန်းများ ဆောင်ရွက်ခြင်း၊ အဆောက်အအုံအတွင်း ပိတ်မိနေသည့် လူနာများအပေါ်တွင် အလွန်လေးလံသော အရာဝတ္ထုများ ပိတ်မိနေခြင်းကို မတင်ရွှေ့ပြောင်းကယ်ဆယ်ခြင်းစနစ် (Lifting and Moving Method)ဖြင့် ကယ်ဆယ်ခြင်းစသည့် သရုပ်ပြဇာတ်တိုက်လေ့ကျင့်နေမှုတို့ကို သရုပ်ပြသကြသည်။
ယင်းနောက် ဒုတိယဗိုလ်ချုပ်ကြီးသက်ပုံက ငလျင်ဘေးသဏ္ဌာန်တူ ဇာတ်တိုက်လေ့ကျင့်သရုပ်ပြသခဲ့ကြသည့် တပ်ဖွဲ့ဝင်များအား ချီးမြှင့်ငွေများ ပေးအပ်ပြီး ခင်းကျင်းပြသထားသည့် မီးငြှိမ်းသတ်ရေးပစ္စည်းများနှင့် ရှာဖွေကယ်ဆယ်ရေးပစ္စည်းများကို လှည့်လည်ကြည့်ရှုခဲ့ကြောင်း သိရသည်။
သတင်းစဉ်
ဆေးပညာဘွဲ့ရဆရာဝန်(အမျိုးသမီး)နှင့် သွားဘက်ဆိုင်ရာ ဆေးပညာဘွဲ့ရဆရာဝန်(အမျိုးသမီး) ဗိုလ်လောင်း ခေါ်ယူခြင်း
Posted on Jun 26, 2025အများပြည်သူသို့ အသိပေးကြေညာချက်
Posted on Jun 25, 2025၁။ အဂတိလိုက်စားမှုတိုက်ဖျက်ရေးကော်မရှင်သည် အစိုးရရုံး/ဌာနများတွင် ဝန်ဆောင်မှုရယူကြသည့် ပြည်သူများ၏ တယ်လီဖုန်းနံပါတ်များသို့ Short Code နံပါတ် "1111” အသုံးပြု၍ SMS မှတစ်ဆင့် ဝန်ဆောင်မှုနှင့်စပ်လျဉ်းသည့်မေးခွန်းများမေးမြန်းခြင်းဖြင့် တုံ့ပြန်မှုများရယူနိုင်ရန် အများပြည်သူထံမှ တုံ့ပြန်မှုရယူခြင်းအစီအစဉ် (Public Feedback Programme - PFP) " ကို သက်ဆိုင်ရာဌာနများနှင့် ပူးပေါင်းဆောင်ရွက်လျက်ရှိပါသည်။
နေပြည်တော်ဖွံ့ဖြိုးရေးဘဏ်မှ အများသိစေရန် ကြေညာခြင်း
Posted on Jun 25, 2025နေပြည်တော်ဖွံ့ဖြိုးရေးဘဏ်မှ အများသိစေရန် ကြေညာခြင်း