တံတားဦးမြို့နယ်တွင် ရေဘေးသင့်ပြည်သူများအတွက် မန္တလေးတိုင်းဒေသကြီးအစိုးရအဖွဲ့မှ ထောက်ပံ့ငွေနှင့် ထောက်ပံ့ပစ္စည်းများ လှူဒါန်းပေးအပ်
တံတားဦးမြို့နယ်တွင် ရေဘေးသင့်ပြည်သူများအတွက် မန္တလေးတိုင်းဒေသကြီးအစိုးရအဖွဲ့မှ ထောက်ပံ့ငွေနှင့် ထောက်ပံ့ပစ္စည်းများ လှူဒါန်းပေးအပ်
Ministry of Information/ Naypyitaw / October 02, 2024
တံတားဦး အောက်တိုဘာ ၂
တံတားဦးခရိုင် တံတားဦးမြို့နယ်အတွင်းရှိ သဘာဝဘေးအန္တရာယ်ကြောင့်ဖြစ်ပွားသည့် ရေဘေးသင့်ပြည်သူများအတွက် မန္တလေးတိုင်းဒေသကြီး အစိုးရအဖွဲ့မှ ထောက်ပံ့ငွေနှင့် ထောက်ပံ့ပစ္စည်းများ ပေးအပ်လှူဒါန်းပွဲကို ယနေ့နံနက်(၆)နာရီခွဲအချိန်က တံတားဦးမြို့ အမှတ်(၂)ရပ်ကွက် မြို့နယ်ခန်းမတွင် ကျင်းပကြောင်း သိရသည်။
အခမ်းအနားတွင် မန္တလေးတိုင်းဒေသကြီးအစိုးရအဖွဲ့ဝန်ကြီးချုပ် ဦးမျိုးအောင်က အမှာစကားပြောကြားပြီး ရေဘေးသင့်ပြည်သူတစ်ဦးအား ထောက်ပံ့ငွေနှင့် ကယ်ဆယ်ရေးပစ္စည်းများ၊ စည်သွပ်ဘူးများ ထောက်ပံ့နှင့်ကယ်ဆယ်ရေးပစ္စည်းများ ထောက်ပံ့ပေးအပ်သည်။ ဆက်လက်၍ မန္တလေးတိုင်းဒေသကြီးအမျိုးသမီးရေးရာအဖွဲ့နှင့် တိုင်းဒေသကြီးမိခင်နှင့်ကလေးစောင့်ရှောက်ရေးကြီးကြပ်မှုအဖွဲ့တို့က ရေဘေးသင့်ပြည်သူများအတွက် ဆန်၊ ဆီ၊ အဝတ်အထည်၊ ရေသန့်နှင့် ခေါက်ဆွဲခြောက်များကိုလည်းကောင်း၊ တိုင်းဒေသကြီးအစိုးရအဖွဲ့အဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး နေလင်းစိုးမှ ရေဘေးသင့်တောင်သူများအတွက်မျိုးစေများကိုလည်းကောင်း၊ တိုင်းဒေသကြီးအစိုးရအဖွဲ့အဖွဲ့ဝင် စည်ပင်သာယာရေးဝန်ကြီး ဦးကျော်ဆန်းမှ ရေဘေးသင့်တောင်သူများအတွက် သဘာဝရွက်ဖြန်းဓါတ်မြေဩဇာများကိုလည်းကောင်း၊ တိုင်းဒေသကြီးအစိုးရအဖွဲ့အဖွဲ့ဝင် လူမှုရေးရာဝန်ကြီး ဦးအောင်ကျော်မိုးမှ ရေဘေးသင့်ပြည်သူများအတွက် ပျက်စီးခဲ့သည့် နိုင်သားစိစစ်ရေးကတ်ပြားကိုလည်း၊ တိုင်းဒေသကြီးအစိုးရအဖွဲ့ အတွင်းရေးမှူး ဦးဝေဇင်ထွန်းမှ ရေဘေးသင့်တောင်သူများအတွက် စိုက်ပျိုးရေးသုံးဆေးဖြန်းပုံးများကိုလည်းကောင်း အသီးသီးပေးအပ်ကြရာ ရေဘေးသင့်ပြည်သူများမှ အသီးသီးလက်ခံရယူကြပြီး ရေဘေးသင့်ပြည်သူများကိုယ်စား တံတားဦးမြို့နယ် ခင်လူးလေးကျေးရွာ ဦးဆန်းမင်းက ကျေးဇူးတင်စကား ပြန်လည်ပြောကြားကြောင်း သိရသည် ။
မန္တလေးတိုင်းဒေသကြီးအစိုးရအဖွဲ့မှ တံတားဦးမြို့နယ်တွင် သဘဝဘေးကြောင့် ရေဘေးသင့်ပြည်သူများ အတွက်ဆန် (၁၁၀) အိတ်၊ စည်သူသွတ်ဗူး (၂၅၂၀) ဗူး၊ ဆီ (၁၀) ပိဿာ၊ ဆီ၅၀ကျပ်သားဗူး (၂၄၀) ဗူး၊ ရေသန့် (၀.၅) လီတာကတ် (၁၀၀) ကတ်၊ ရေသန့် (၁) လီတာကတ် (၂၅၀) ကတ်၊ ခေါက်ဆွဲခြောက် (၂၅) ဖာ၊ မုန့်အစုံ (၅) ဖာ၊ တီရှပ်အင်္ကျီအထည် (၂၅၀)၊ ကျား/မကလေးဝတ်အင်္ကျီအထည် (၆၀၀)၊ ခေါင်းအုံး(၁၀)လုံး၊ ဆေးဖြန်းပုံး(၅)ပုံး၊ နေကြာမျိုးစေ့ (3kg) (၃၀) အိတ်၊ ပိုက်ဆံလျှော်မျိုးစေ့ ၄ပြည်ပါ (၁၀) အိတ်နှင့် ရွက်ဖြန်းအားဆေး (၂၅) ဗူးတို့ကို ထောက်ပံ့ပေးအပ်ခဲ့ကြောင်း သိရသည်။
ရဲတင့်(ပြန်/ဆက်)
၁၃၈၇ ခုနှစ်၊ ဝါခေါင်လပြည့်ကျော် ၂ ရက် ၊ သြဂုတ် ၁၀ ရက်၊ တနင်္ဂနွေနေ့။
Posted on Aug 10, 2025
သတင်းထုတ်ပြန်ချက်
Posted on Aug 9, 2025ပြည်ထောင်စုသမ္မတမြန်မာနိုင်ငံတော်၊ ယာယီသမ္မတ ဦးမြင့်ဆွေသည် ၇-၈-၂၀၂၅ ရက်နေ့တွင် ကွယ်လွန်ခဲ့သည့်အတွက် ဝမ်းနည်းကြောင်းမှတ်တမ်းစာအုပ်ကို ရန်ကုန်မြို့၊ စကားဝါလမ်းရှိ နိုင်ငံခြားရေးဝန်ကြီးဌာန၌ ၈-၈-၂၀၂၅ ရက်နေ့မှစတင်၍ ဖွင့်လှစ်ထားရာ မြန်မာနိုင်ငံဆိုင်ရာ သံအမတ်ကြီးများနှင့် သံရုံးအကြီးအကဲများက ဝမ်းနည်းကြောင်း လာရောက်လက်မှတ်ရေးထိုးခဲ့ကြသည်။
“တိုင်ကြားနိုင်ပါကြောင်း ပြည်သူသို့အသိပေးခြင်း”
Posted on Aug 7, 2025“တိုင်ကြားနိုင်ပါကြောင်း ပြည်သူသို့အသိပေးခြင်း”
နိုင်ငံရေးပါတီများ မှတ်ပုံတင်ခြင်းနည်းဥပဒေများကို ဒုတိယအကြိမ် ပြင်ဆင်သည့် နည်းဥပဒေများ
Posted on Aug 7, 2025နိုင်ငံရေးပါတီများ မှတ်ပုံတင်ခြင်းနည်းဥပဒေများကို ဒုတိယအကြိမ် ပြင်ဆင်သည့် နည်းဥပဒေများ