ဒုတိယဝန်ကြီး ဒေါ်သန်းသန်းလင်း ပြည်ထောင်စုနယ်မြေအတွင်းရှိ လယ်ဝေးမြို့နယ် စီမံကိန်းဦးစီးရုံးနှင့် ဒက္ခိဏသီရိမြို့နယ် စီမံကိန်းဦးစီးရုံးများစစ်ဆေး

ဒုတိယဝန်ကြီး ဒေါ်သန်းသန်းလင်း ပြည်ထောင်စုနယ်မြေအတွင်းရှိ လယ်ဝေးမြို့နယ် စီမံကိန်းဦးစီးရုံးနှင့် ဒက္ခိဏသီရိမြို့နယ် စီမံကိန်းဦးစီးရုံးများစစ်ဆေး

နေပြည်တော် ဒီဇင်ဘာ ၉

စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဒေါ်သန်းသန်းလင်းသည် စီမံကိန်းရေးဆွဲရေးဦးစီးဌာန ညွှန်ကြားရေးမှူးချုပ်နှင့်အတူ ယနေ့နံနက်ပိုင်းတွင် နေပြည်တော် ပြည်ထောင်စုနယ်မြေရှိ လယ်ဝေးမြို့နယ်စီမံကိန်းဦးစီးရုံးနှင့် ဒက္ခိဏသီရိ မြို့နယ်စီမံကိန်းဦးစီးရုံးများကို သွားရောက်စစ်ဆေးသည်။

မှာကြား

ကြည့်ရှုစစ်ဆေးစဉ် ဒုတိယဝန်ကြီးက လယ်ဝေးမြို့နယ်စီမံကိန်းဦးစီးရုံးနှင့် ဒက္ခိဏသီရိမြို့နယ် စီမံကိန်းဦးစီးရုံးတို့တွင် တာဝန်ထမ်းဆောင်နေသည့် ဝန်ထမ်းများနှင့်တွေ့ဆုံ၍ ၂၀၂၃-၂၀၂၄ ဘဏ္ဍာနှစ် မြို့နယ်စီမံကိန်းလျာထားချက်များ ပြည့်မီစွာ အကောင်အထည်ဖော်ဆောင်ရွက်နိုင်ရေးအတွက် သက်ဆိုင်ရာဌာနအသီးသီးနှင့် ပေါင်းစပ်ညှိနှိုင်း၍ ကြိုးပမ်းဆောင်ရွက်ကြရန်၊ စီမံကိန်းအကောင်အထည်ဖော်မှုများအပေါ် စနစ်တကျ သုံးသပ်ဆောင်ရွက်သွားရန်နှင့် စာရင်းဇယားများ ပြည့်စုံမှန်ကန်ရေးကို အလေးပေးဆောင်ရွက်ရန်၊ လာမည့် ၂၀၂၄-၂၀၂၅ ဘဏ္ဍာနှစ်အတွက် မြို့နယ်စီမံကိန်း ရေးဆွဲဆောင်ရွက်ရာတွင် နိုင်ငံတော်မှ အဓိကဆောင်ရွက်နေသည့် စိုက်ပျိုးရေးနှင့် မွေးမြူရေးလုပ်ငန်းများကို စီမံကိန်းလျာထားချက်များတွင် စနစ်တကျထည့်သွင်းနိုင်ရေး စိစစ်ဆောင်ရွက်သွားရန်၊ စာရင်းအင်းအချက်အလက်များနှင့် ကိန်းဂဏန်းအချက်အလက်များ ခိုင်မာမှုကို စိစစ်ဆောင်ရွက်သွားရန်၊ အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် ဆောင်ရွက်ပေးရန်၊ နိုင်ငံ့ဘဏ္ဍာငွေကို စနစ်တကျသုံးစွဲရန်နှင့် နိုင်ငံ့ဝန်ထမ်းကျင့်ဝတ်များနှင့်အညီ ပြုမူနေထိုင်သွားရန်မှာကြားပြီး ရုံးများဥပဓိရုပ်ကောင်းမွန်စေရေးနှင့် ဝန်ထမ်းများ၏ လိုအပ်ချက်များကို ပေါင်းစပ်ညှိနှိုင်းဆောင်ရွက်ပေးသည်။

သတင်းစဉ်