ပြည်ထောင်စုစာရင်းစစ်ချုပ်ရုံးနှင့် တိုင်းဒေသကြီး/ပြည်နယ်စာရင်းစစ်ချုပ်ရုံးများ အဂတိလိုက်စားမှုတားဆီးကာကွယ်ရေးအဖွဲ့များ၏ အဂတိလိုက်စားမှုတားဆီးကာကွယ်ရေး ဆိုင်ရာအစည်းအဝေးအမှတ်စဉ် ၁/၂၀၂၅ ကျင်းပခြင်း

ပြည်ထောင်စုစာရင်းစစ်ချုပ်ရုံးနှင့် တိုင်းဒေသကြီး/ပြည်နယ်စာရင်းစစ်ချုပ်ရုံးများ အဂတိလိုက်စားမှုတားဆီးကာကွယ်ရေးအဖွဲ့များ၏ အဂတိလိုက်စားမှုတားဆီးကာကွယ်ရေး ဆိုင်ရာအစည်းအဝေးအမှတ်စဉ် ၁/၂၀၂၅ ကျင်းပခြင်း

ပြည်ထောင်စုစာရင်းစစ်ချုပ်ရုံးနှင့် တိုင်းဒေသကြီး/ပြည်နယ်စာရင်းစစ်ချုပ်ရုံးများရှိ အဂတိလိုက်စားမှုတားဆီးကာကွယ်ရေးအဖွဲ့များ၏ အဂတိလိုက်စားမှုတားဆီးကာကွယ်ရေး ဆိုင်ရာအစည်းအဝေးအမှတ်စဥ် (၁/၂၀၂၅) ကို ၂၀၂၅ ခုနှစ် ဒီဇင်ဘာလ ၂၉ ရက်နေ့ နံနက် ၉:၃၀ နာရီတွင် ပြည်ထောင်စုစာရင်းစစ်ချုပ်ရုံး၊ ပတ္တမြားခန်းမ၌ Hybrid စနစ်ဖြင့်ကျင်းပ ခဲ့သည်။

အစည်းအ‌ဝေးတွင် အဂတိလိုက်စားမှု တားဆီးကာကွယ်ရေးအဖွဲ့ဥက္ကဋ္ဌ ဒုတိယအမြဲတမ်း အတွင်းဝန် ဒေါ်သန္တာဖြူအေးက အဂတိလိုက်စားမှုသည် လူ့အဖွဲ့အစည်း၏ ဖွံ့ဖြိုးတိုးတက်မှုကို ထိခိုက်စေပါကြောင်း၊ ကိုယ်ပိုင်အကျိုးအမြတ် ရရှိစေရန်အတွက် မိမိ၏ အာဏာ၊ တာဝန်၊ လုပ်ပိုင်ခွင့်များကို မမှန်မကန်အသုံးချခြင်းသည် အဂတိလိုက်စားမှုဖြစ်ပါကြောင်း၊ အာဏာ အလွဲသုံးစားလုပ်ခြင်း၊ လာဘ်ပေးလာဘ်ယူခြင်း၊ အကျိုးအမြတ်အတွက် ဆုံးဖြတ်ချက်မှားယွင်း စေခြင်းများကို ကြိုတင်ကာကွယ်ခြင်း၊ လျှော့ချခြင်းနှင့်ဖော်ထုတ်အရေးယူခြင်းစသည့် လုပ်ငန်းစဉ်များအားလုံးသည် တားဆီးကာကွယ်ခြင်းဖြစ်ပါကြောင်း၊ အဂတိလိုက်စားမှုကို တိုက်ဖျက်ရန်အရေးကြီးပြီး လူတိုင်း၏ တာဝန်ဖြစ်ပါကြောင်း အဖွင့်အမှာစကားပြောကြား၍ အဂတိလိုက်စားမှုအမျိုးအစားများ၊ အစီရင်ခံစာတင်ပြမှုနှင့် လက်ကမ်းစာစောင်ဖြန့်ဝေမှု၊ Public Feedback Programme၊ အဂတိလိုက်စားမှု တားဆီးကာကွယ်နိုင်သည့် နည်းလမ်း များကို ဆွေးနွေးခဲ့သည်။

ဆက်လက်၍ အဂတိလိုက်စားမှုတားဆီးကာကွယ်ရေးဆိုင်ရာကိစ္စရပ်နှင့်စပ်လျဉ်း၍ အဂတိလိုက်စားမှုတားဆီးကာကွယ်ရေးအဖွဲ့ ဒု-ဥက္ကဋ္ဌ(၁) ဒေါ်ကြည်ကြည်သော်၊ ဒု-ဥက္ကဋ္ဌ(၂) ဒေါ်ခင်ထွေးရီ၊ ဒု-ဥက္ကဋ္ဌ(၃) ဦးအေးငွေ နှင့် ဒု-ဥက္ကဋ္ဌ(၄) ဒေါ်သိန်းသိန်းဦး တို့ကလည်းကောင်း၊ တိုင်းဒေသကြီး/ပြည်နယ်စာရင်းစစ်ချုပ်ရုံး ညွှန်ကြားရေးမှူးများကလည်းကောင်း၊ အဂတိ လိုက်စားမှုတားဆီးကာကွယ်ရေးအဖွဲ့၊ အဖွဲ့ဝင်များဖြစ်သည့် ဦးစီးဌာနများအလိုက် ညွှန်ကြားရေးမှူးများ ကလည်းကောင်း အသီးသီးဆွေးနွေးခဲ့ကြသည်။

ယင်းနောက် အဂတိလိုက်စားမှု တားဆီးကာကွယ်ရေးအဖွဲ့ ဥက္ကဋ္ဌမှ နိဂုံးချုပ်အမှာစကား ပြောကြားခဲ့ပြီး အစည်းအဝေးကို ရုပ်သိမ်းခဲ့သည်။

အဆိုပါအစည်းအဝေးသို့ ပြည်ထောင်စုစာရင်းစစ်ချုပ်ရုံးမှ ဒုတိယညွှန်ကြားရေးမှူးချုပ် များနှင့်တာဝန်ရှိသူများက ပတ္တမြားခန်းမတွင်လည်းကောင်း၊ တိုင်းဒေသကြီး/ပြည်နယ် စာရင်းစစ်ချုပ်ရုံးများမှညွှန်ကြားရေးမှူးများနှင့် တာဝန်ရှိသူများက Online ဖြင့်လည်းကောင်း တက်‌ရောက်ခဲ့ကြသည်။