ပြည်ထောင်စုနယ်မြေ၊ နေပြည်တော်နှင့် ပဲခူးတိုင်းဒေသကြီးတို့ရှိ မြို့နယ်အချို့၌ တရားမဝင် သယ်ဆောင်လာသည့် သစ်များနှင့် မီးသွေးများ ဖမ်းဆီးရမိ

ပြည်ထောင်စုနယ်မြေ၊ နေပြည်တော်နှင့် ပဲခူးတိုင်းဒေသကြီးတို့ရှိ မြို့နယ်အချို့၌ တရားမဝင် သယ်ဆောင်လာသည့် သစ်များနှင့် မီးသွေးများ ဖမ်းဆီးရမိ

     ၂၀၂၆ ခုနှစ်၊ မေ ၃၁ ရက်က ပြည်ထောင်စုနယ်မြေ၊ နေပြည်တော်နှင့် ပဲခူးတိုင်းဒေသကြီးတို့ရှိ မြို့နယ်အချို့၌ တရားမဝင် သယ်ဆောင်လာသည့် သစ်များနှင့် မီး သွေးများ ဖမ်းဆီးရမိခဲ့ကြောင်း သိရသည်။

     ဖြစ်စဉ်မှာ မေ ၃၀ ရက် ည ၁၂ နာရီ ၃၀ မိနစ်တွင် ပြည်ထောင်စုနယ်မြေ၊ နေပြည်တော်၊ လယ်ဝေးမြို့နယ်ရဲတပ်ဖွဲ့မှ တပ်ဖွဲ့ဝင်များ၊ မြို့နယ်သစ်တောဦးစီးဌာနမှ ဝန် ထမ်းများပါဝင်သော ပူးပေါင်းအဖွဲ့သည် နယ်မြေလှည့်ကင်း ဆောင်ရွက်နေစဉ် တံတားဦး-ရွှေဟင်္သာကျေးရွာချင်းဆက် လမ်းပေါ်အရောက်၌ မင်းပြင်ကျေးရွာနေ ရန်နိုင်မင်း(၃၀)နှစ် မောင်းနှင်ပြီး အောင်မြေယာကျေးရွာနေ ထက်လင်းအောင်(၂၉)နှစ် လိုက်ပါလာသည့် SHN-12/2F-XXXX SKAT ခြောက်ဘီး မော်တော်ယာဉ်အား ရပ် တန့်စစ်ဆေးခဲ့ရာ ယာဉ်ပေါ်တွင် တရားမဝင်သယ်ဆောင်လာသော သံသေသစ်ခွဲသား ၁.၀၅၆၀ တန်အား တွေ့ရှိဖမ်းဆီးရမိသဖြင့် ရန်နိုင်မင်းနှင့် ထက်လင်းအောင်တို့ နှစ်ဦးအား လယ်ဝေးမြို့မရဲစခန်း (ပ)၇၄/၂၀၂၆၊ သစ်တောဥပဒေပုဒ်မ ၄၁(က) ဖြင့် အမှုဖွင့်စစ်ဆေးလျက်ရှိကြောင်း။

     အလားတူ မေ ၃၁ ရက် နံနက် ၈ နာရီ ၁၅ မိနစ်တွင် တောင်ညိုနယ်မြေရဲစခန်းမှ တပ်ဖွဲ့ဝင်များ၊ မြို့နယ်သစ်တောဦးစီးဌာနမှ ဝန်ထမ်းများပါဝင်သော ပူးပေါင်းအဖွဲ့သည် နယ်မြေလှည့်ကင်း ဆောင်ရွက်နေစဉ် ဥတ္တရသီရိမြို့နယ်၊ ငလိုက်ကြိုးဝိုင်း အကွက်အမှတ်(၇၉)အရောက်၌ လယ်ဝေးမြို့နယ်၊ လယ်တာကြီးကျေးရွာနေ ဝင်းဆန်း(၄၀)နှစ် မောင်းနှင်ပြီး တစ်ရွာတည်းနေ ရဲနိုင်ဝင်း(၃၁)နှစ် လိုက်ပါလာသည့် MDY-10/6K-XXXX DONGFENG ခြောက်ဘီး မော်တော်ယာဉ်အား ရပ်တန့်စစ်ဆေးခဲ့ရာ ယာဉ်ပေါ်တွင် တရားမဝင်သယ်ဆောင်လာသော အခြားသစ်မျိုးစုံ ၃.၈၀၄ တန်အား တွေ့ရှိဖမ်းဆီးရမိသဖြင့် စစ်မေးခဲ့ရာ သစ်ပိုင်ရှင်မှာ အငယ်ကောင်(ခ)ကျော်ဇင်သန်းဖြစ်ကြောင်း စစ်ဆေးသိရှိရသဖြင့် ဝင်းဆန်းပါ သုံးဦးအား တောင်ညိုနယ်မြေရဲစခန်း (ပ)၃၀/၂၀၂၆၊ သစ်တောဥပဒေပုဒ်မ ၄၁(က) ဖြင့် အမှုဖွင့်ပြီး အငယ်ကောင်(ခ)ကျော်ဇင်သန်းအား ဖမ်းဆီးရမိရေး ဆောင်ရွက်လျက်ရှိကြောင်း။

     ထို့အတူ ညနေ ၄ နာရီ ၃၀ မိနစ်တွင် ပဲခူးတိုင်းဒေသကြီး၊ သာယာဝတီမြို့နယ်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သာယာဝတီမြို့နယ်၊ မီးနင်းချောင်းစစ်ဆေးရေးဂိတ်တွင် ယာဉ်စစ်ဆေးခြင်းများ ဆောင်ရွက်နေစဉ် ပြည်မြို့မှ ရန်ကုန်မြို့ဘက်သို့ မင်းလှမြို့နယ်၊ အမှတ်(၆)ရပ်ကွက်နေ ဇော်သူအောင်(၄၀)နှစ် မောင်းနှင်ပြီး တောင်တွင်းကြီးမြို့နယ်၊ သက္ကယ်ကျင်းကျေးရွာနေ မြင့်နိုင်(၅၃)နှစ် လိုက်ပါလာသည့် YGN-12/9I-XXXX HINO PROFIA FW ၁၂ ဘီး မော်တော်ယာဉ်အား ရပ်တန့်စစ်ဆေးခဲ့ရာ ယာဉ်ပေါ်တွင် တရားမဝင်သယ်ဆောင်လာသော အထောက်အထားမဲ့ မီးသွေးအိတ် ၁၈၅ အိတ်၊ ၂၀.၅၅ တန်အား တွေ့ရှိဖမ်းဆီးရမိခဲ့ပြီး အဆို ပါမီးသွေးအိတ်များ၏ ပိုင်ရှင်မှာ ဒေါ်ကြည်ကြည်လင်းဖြစ်ကြောင်း သိရှိရသဖြင့် ဇော်သူအောင်ပါ သုံးဦးအား သုံးဆယ်နယ်မြေရဲစခန်း (ပ)၁၀၃/၂၀၂၆၊ သစ်တောဥပ ဒေပုဒ်မ ၄၀(က)(၇) ဖြင့် အမှုဖွင့်စစ်ဆေးလျက်ရှိပြီး ဒေါ်ကြည်ကြည်လင်း အား ဖမ်းဆီးရမိရေး ဆောင်ရွက်လျက်ရှိကြောင်း သတင်းရရှိပါသည်။