ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း မန္တလေးမြို့ရှိ ဆေးဝါးတက္ကသိုလ်နှင့် ဆေးဘက်ဆိုင်ရာနည်းပညာတက္ကသိုလ်သို့ သွားရောက်ကြည့်ရှုစစ်ဆေး

ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း မန္တလေးမြို့ရှိ ဆေးဝါးတက္ကသိုလ်နှင့် ဆေးဘက်ဆိုင်ရာနည်းပညာတက္ကသိုလ်သို့ သွားရောက်ကြည့်ရှုစစ်ဆေး

မန္တလေး အောက်တိုဘာ ၅

ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းသည် ယမန်နေ့က ပြည်သူ့ကျန်းမာရေးဦးစီးဌာနနှင့် ကျန်းမာရေးလူ့စွမ်းအားအရင်းအမြစ်ဦးစီးဌာနတို့မှ တာဝန်ရှိသူများနှင့်အတူ ဆေးဝါးတက္ကသိုလ် (မန္တလေး) သို့ သွားရောက်ကြည့်ရှုစစ်ဆေးသည်။

ထို့နောက် ဆရာ ဆရာမများနှင့် ဝန်ထမ်းများအား ရင်းရင်းနှီးနှီး တွေ့ဆုံနှုတ်ဆက်ပြီး ဆေးဝါးဗေဒသင်ကြားရေးဆိုင်ရာကိစ္စရပ်များ စဉ်ဆက်မပြတ်တိုးတက်စေရန်အတွက် လိုအပ်သည်များကို မှာကြားကာ ဆရာ ဆရာမများနှင့် ဝန်ထမ်းများ၏ တင်ပြချက်များအပေါ် ဖြည့်ဆည်းဆောင်ရွက်ပေးသည်။ ယင်းနောက် Practical ခန်းများ၊ Pharmaceutical Chemistry Lab၊ စာသင်ခန်းများ၊ ဌာနများနှင့် စာကြည့်တိုက်တို့ကို လှည့်လည်ကြည့်ရှုပြီး ဆက်လက်ဆောင် ရွက်ရမည့်အချက်များကို မှာကြားသည်။

ဆက်လက်၍ ဆေးဘက်ဆိုင်ရာနည်းပညာတက္ကသိုလ် (မန္တလေး) ၌ ဝန်ထမ်းများနှင့် ရင်းရင်း နှီးနှီးတွေ့ဆုံနှုတ်ဆက်ပြီး ပြည်ထောင်စုဝန်ကြီးက ဆေးဘက်ဆိုင်ရာနည်းပညာများအား ခေတ်မီနည်းပညာများနှင့်အညီ သင်ကြားနိုင်ရေး၊ နိုင်ငံတကာအဆင့်မီ သင်ကြားရေးအထောက်အကူပြုပစ္စည်းများ အသုံးပြု၍ ဆက်လက်သင်ကြားပေးနိုင်ရေး၊ ပြောင်း လဲတိုးတက်လာသော ဆေးဘက်ဆိုင်ရာနည်းပညာရပ်များအား စဉ်ဆက်မပြတ်လေ့လာပြီး သုတေသနဆိုင်ရာကိစ္စရပ်များကို ပိုမိုတိုးတက်ကောင်းမွန်အောင် ဆောင်ရွက်နိုင်ရေး မှာကြားကာ ငလျင်ဒဏ်ကြောင့် ပျက်စီးထိခိုက်သွားသော အဆောက်အအုံများ ပြင်ဆင်နေမှုကို စစ်ဆေးခဲ့ကြောင်း သိရသည်။

သတင်းစဉ်