မကွေးတိုင်းဒေသကြီး၊ ဆင်ပေါင်ဝဲမြို့နယ်၌ မော်တော်ယာဉ်မှ လမ်းဖြတ်ကူးသူအား ဝင်ရောက်တိုက်မိခဲ့မှုကြောင့် ကလေးငယ် တစ်ဦး သေဆုံး

မကွေးတိုင်းဒေသကြီး၊ ဆင်ပေါင်ဝဲမြို့နယ်၌ မော်တော်ယာဉ်မှ လမ်းဖြတ်ကူးသူအား ဝင်ရောက်တိုက်မိခဲ့မှုကြောင့် ကလေးငယ် တစ်ဦး သေဆုံး

     ၂၀၂၆ ခုနှစ်၊ ဧပြီ ၁၃ ရက်က မကွေးတိုင်းဒေသကြီး၊ ဆင်ပေါင်ဝဲမြို့နယ်၌ မော်တော်ယာဉ်မှ လမ်းဖြတ်ကူးသူအား ဝင်ရောက်တိုက်မိခဲ့မှုကြောင့် ကလေးငယ် တစ်ဦး သေဆုံးသွားကြောင်း သိရသည်။
     ဖြစ်စဉ်မှာ ဧပြီ ၁၃ ရက် မွန်းလွဲ ၁ နာရီတွင် မကွေးတိုင်းဒေသကြီး၊ ဆင်ပေါင်ဝဲမြို့နယ်၊ ဆင်ပေါင်ဝဲ-ကိုးပင်သွားကားလမ်း မိုင်တိုင်အမှတ် ၆ မိုင် ၆ ဖာလုံနှင့် ၇ ဖာလုံကြား၌ ယာဉ်တိုက်မှု ဖြစ်ပွားကြောင်း သတင်းအရ ဆင်ပေါင်ဝဲမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ တောင်တွင်းကြီးမြို့မှ ဆင်ပေါင်ဝဲမြို့ဘက်သို့ ဆင်ပေါင်ဝဲမြို့နယ်၊ ကျွဲခြံကျေးရွာနေ အောင်ဆန်းဦး (၃၂)နှစ် မောင်းနှင်လာသော MDY-20/8F-XXXX CANTER မော်တော်ယာဉ်သည် အခင်းဖြစ်နေရာ အရောက်၌ လမ်းဖြတ်ကူးသူ မောင်ထူးခန့်အောင်(၇)နှစ်အား ဝင်ရောက်တိုက်မိခဲ့သဖြင့် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် အောင်ဆန်းဦး အား ဆင်ပေါင်ဝဲမြို့မရဲစခန်း ယာဉ်(ပ) ၁/၂၀၂၆၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။