မြန်မာနိုင်ငံအမျိုးသားမြေပုံစနစ်(One Map Myanmar)ရေးဆွဲအကောင်အထည်ဖော်ရေး လုပ်ငန်းကော်မတီ၏ သတ္တမအကြိမ် လုပ်ငန်းညှိနှိုင်းအစည်းအဝေးကျင်းပ

မြန်မာနိုင်ငံအမျိုးသားမြေပုံစနစ်(One Map Myanmar)ရေးဆွဲအကောင်အထည်ဖော်ရေး လုပ်ငန်းကော်မတီ၏ သတ္တမအကြိမ် လုပ်ငန်းညှိနှိုင်းအစည်းအဝေးကျင်းပ

မြန်မာနိုင်ငံအမျိုးသားမြေပုံစနစ်(One Map Myanmar)ရေးဆွဲအကောင်အထည်ဖော်ရေး လုပ်ငန်းကော်မတီ၏ သတ္တမအကြိမ်လုပ်ငန်းညှိနှိုင်းအစည်းအဝေးကို မြေတိုင်းဦးစီးဌာန၊ One Map Myanmar အစည်းအဝေးခန်းမ၌ ၄-၈-၂၀၂၅ ရက်နေ့၊ နေ့လယ် ၁:၀၀ နာရီအချိန်တွင် ကျင်းပရာ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ဒုတိယဝန်ကြီး ဦးမင်းသူ တက်ရောက်အဖွင့်အမှာစကား ပြောကြားသည်။

ထို့နောက် မြေတိုင်းဦးစီးဌာန ညွှန်ကြားရေးမှူးချုပ်က ဆဋ္ဌမအကြိမ် One Map Myanmar ရေးဆွဲအကောင်အထည်ဖော်ရေးလုပ်ငန်းကော်မတီ အစည်းအဝေး၏ ဆုံးဖြတ်ချက်များ၊ သတ္တမ အကြိမ် အမျိုးသားမြေအသုံးချမှုကောင်စီ အစည်းအဝေး၏ ဆုံးဖြတ်ချက်များနှင့် နဝမအကြိမ် အမျိုးသားမြေအသုံးချမှုကောင်စီ အတွင်းရေးမှူးများအဖွဲ့ အစည်းအဝေး၏ ဆုံးဖြတ်ချက်များအပေါ် အကောင်အထည်ဖော်ဆောင်ရွက်ပြီးစီးမှုအခြေအနေ၊ ၂၈-၃-၂၀၂၅ ရက်နေ့တွင် မြေငလျင် လှုတ်ခတ်ခဲ့ပြီး Power Breakdown ဖြစ်ပေါ်ခဲ့မှုကြောင့် One Map Myanmar System တွင် တွေ့ကြုံခဲ့သည့် အခက်အခဲများအား ဖြေရှင်းဆောင်ရွက်ပြီးစီးမှုအခြေအနေနှင့် ရှေ့ဆက် လက်ဆောင်ရွက်မည့် လုပ်ငန်းများကို ရှင်းလင်းတင်ပြခဲ့သည်။

ရှင်းလင်းတက်ပြချက်များအပေါ် တက်ရောက်လာသော မြန်မာနိုင်ငံအမျိုးသားမြေပုံစနစ် (One Map Myanmar)ရေးဆွဲအကောင်အထည်ဖော်ရေးလုပ်ငန်းကော်မတီအဖွဲ့ဝင်များမှ ဖြည့်စွက် အကြံပြုဆွေးနွေးခဲ့ကြပြီး ညနေ ၄:၀၀ နာရီအချိန်တွင် အစည်းအဝေးကို ရုပ်သိမ်းခဲ့သည်။

အစည်းအဝေးသို့ မြန်မာနိုင်ငံအမျိုးသားမြေပုံစနစ်(One Map Myanmar)ရေးဆွဲအကောင် အထည်ဖော်ရေးလုပ်ငန်းကော်မတီ အဖွဲ့ဝင်များဖြစ်ကြသည့် ဦးစီးဌာနအသီးသီးနှင့် တပ်မတော်မှ အဆင့်မြင့်အရာရှိကြီးများ၊ တိုင်းရင်းသားကိုယ်စားလှယ်များနှင့် အထူးဖိတ်ကြားသည့် One Map Myanmar Technical Team မှ အဖွဲ့ခေါင်းဆောင်များ၊ နည်းပညာရှင်များ တက်ရောက်ခဲ့ကြသည်။