မြန်မာနိုင်ငံအိမ်ခြံမြေဝန်ဆောင်မှုအသင်း(ကရင်ပြည်နယ်)အသင်းသားစုံညီ နှစ်ပတ်လည်အစည်းအဝေးကျင်းပ

မြန်မာနိုင်ငံအိမ်ခြံမြေဝန်ဆောင်မှုအသင်း(ကရင်ပြည်နယ်)အသင်းသားစုံညီ နှစ်ပတ်လည်အစည်းအဝေးကျင်းပ

ဘားအံ - မေ (၁၀)

နိုင်ငံတော်၏တည်ဆဲဥပဒေများ၊ အခါအားလျှော်စွာထုတ်ပြန်သည့် အမိန့်နှင့်ညွှန်ကြားစာများကို လေးစားလိုက် နာပြီး ကျင့်ဝတ်နှင့်အညီဝန်ဆောင်မှုပေးနိုင်ရေး၊ အိမ်ခြံမြေကဏ္ဍဖွံ့ဖြိုးတိုးတက်လာစေရေးနှင့် အသင်းသားများအရည် အသွေးမြင့်မား၍ အများပြည်သူအား ယုံကြည်စိတ်ချရသည့်ဝန်ဆောင်မှုကောင်းများပေးနိုင်ရေးအတွက် မြန်မာနိုင်ငံအိမ်ခြံ မြေဝန်ဆောင်မှုအသင်း(ကရင်ပြည်နယ်)၏ အသင်းသားစုံညီနှစ်ပတ်လည်အစည်းအဝေးနှင့်၂၀၂၆-၂၀၂၉ ခုနှစ်သက်တမ်း ကာလအတွက် အလုပ်အမှုဆောင်၊ အမှုဆောင်သစ်ရွေးချယ်တင်မြှောက်ပွဲကို မေလ ၉ ရက်နေ့ မွန်းလွဲပိုင်းက ဘားအံမြို့၊ Hotel Perfect Hpa-an ၌ ကျင်းပသည်။

အဆိုပါနှစ်ပတ်လည်အစည်းအဝေးတွင် မြန်မာနိုင်ငံအိမ်ခြံမြေဝန်ဆောင်မှုအသင်း(ဗဟို)ဥက္ကဋ္ဌ ဦးခင်မောင်သန်း၊ ကရင်ပြည်နယ်အထွေထွေအုပ်ချုပ်ရေးဦးစီးဌာနမှ ညွှန်ကြားရေးမှူးဦးကျော်ဆွေ၊ မြန်မာနိုင်ငံအိမ်ခြံမြေဝန်ဆောင်မှု အသင်း(ကရင်ပြည်နယ်)ဂုဏ်ထူးဆောင်ဥက္ကဋ္ဌဦးဇော်ဌေးတို့က တက်ရောက်အမှာစကားပြောကြားခဲ့ကြပြီး မြန်မာနိုင်ငံ အိမ်ခြံမြေဝန်ဆောင်မှုအသင်း(ကရင်ပြည်နယ်)ဥက္ကဋ္ဌ ဦးသန့်ဇင်က ကျေးဇူးတင်စကားပြောကြားသည်။

ထို့နောက် ကရင်ပြည်နယ်အလုပ်အမှုဆောင်ကော်မတီ၏ နှစ်ပတ်လည်အစီရင်ခံစာ(၂၀၂၅)၊ နှစ်ချုပ်ဘဏ္ဍာရေး ရှင်းတမ်းတို့ကို အသင်းတာဝန်ရှိသူများက ဖတ်ကြားတင်ပြပြီး ၂၀၂၅-၂၀၂၆ ခုနှစ် အသင်းသားများမှ အသင်းရန်ပုံငွေထည့် ဝင်ခဲ့ခြင်းအတွက် ဂုဏ်ပြုမှတ်တမ်းလွှာများပေးအပ်ကာ တာဝန်ရှိသူတစ်ဦးက ကရင်ပြည်နယ်အသင်းသားစုံညီနှစ်ပတ် လည်အစည်းအဝေးပွဲ ကျင်းပနိုင်ခြင်းအတွက် ဝမ်းမြောက်ပီတိစကားပြောကြားသည်။

ဆက်လက်၍ မြန်မာနိုင်ငံဝန်ဆောင်မှုအသင်း(ကရင်ပြည်နယ်)၏ ၂၀၂၆-၂၀၂၉ သက်တမ်းကာလအတွက် အလုပ် အမှုဆောင်၊ အမှုဆောင်သစ်များ ရွေးချယ်တင်မြှောက်ပွဲကို ကျင်းပရာ မြန်မာနိုင်ငံအိမ်ခြံမြေဝန်ဆောင်မှုအသင်း(ဗဟို) ဥက္ကဋ္ဌ ဦးခင်မောင်သန်း က ရွေးချယ်တင်မြှောက်ပွဲကော်မရှင် သဘာပတိအဖြစ်ဆောင်ရွက်၍ (ဗဟို)ဒုတိယဥက္ကဋ္ဌ၊ (ဗဟို) တွဲဖက်အထွေထွေအတွင်းရေးမှူးတို့က ရွေးချယ်တင်မြှောက်ပုံနည်းစနစ်အား အကျဉ်းချုပ်ရှင်းလင်းတင်ပြပြီး မြန်မာနိုင်ငံ အိမ်ခြံမြေဝန်ဆောင်မှုအသင်း(ကရင်ပြည်နယ်)၏ နာယကများ၊ အမှုဆောင်ကော်မတီဥက္ကဋ္ဌသစ်၊ ဒုတိယဥက္ကဋ္ဌများ၊ အတွင်းရေးမှူးနှင့်တွဲဖက်အတွင်းရေးမှူးများ စသည်ဖြင့် အလုပ်အမှုဆောင်(၁၉)ဦးနှင့် အမှုဆောင်(၁၉)ဦးတို့ကို ရွေးချယ် ပြင်ဆင်ဖွဲ့စည်းခဲ့ကြပါသည်။