ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိ

      ၂၀၂၆ ခုနှစ်၊ မတ် ၁၁ ရက်က ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိခဲ့ကြောင်း သိရသည်။ 
      ဖြစ်စဉ်မှာ မတ် ၁၁ ရက် မွန်းလွဲ ၃ နာရီ ၁၅ မိနစ်တွင် ရန်ကုန်တိုင်းဒေသကြီး၊ ဒဂုံမြို့သစ် (ဆိပ်ကမ်း)မြို့နယ်၊ အမှတ်(၆၁)ရပ်ကွက်၊ စစ်တောင်းလမ်းနှင့် ရတနာလမ်းဆုံ၌ ယာဉ်တိုက်မှု ဖြစ်ပွားကြောင်း သတင်းအရ အမှတ်(၂၇)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်း အဖွဲ့က သွားရောက်စစ်ဆေးခဲ့ရာ စစ်တောင်းလမ်းအတိုင်း အနောက်မှ အရှေ့သို့ ထန်းတပင်မြို့နယ်၊ တူးချောင်းကျေးရွာနေ ဦးဇော်မင်းနောင်(၅၁)နှစ် မောင်းနှင်လာသော YGN-5/1N-XXXX HYUNDAI YBS မော်တော်ယာဉ်သည် ရတနာလမ်းဆုံအရောက်၌ ရတနာလမ်းအတိုင်း တောင်မှ မြောက်သို့ သာကေတမြို့နယ်၊ အမှတ်(၈)ရပ်ကွက်နေ ကိုထက်ကိုကို(၃၂)နှစ် မောင်းနှင်လာသော BGO-11/ 1N-XXXX CANTER မော်တော်ယာဉ်အား ဝင်ရောက်တိုက်မိခဲ့သဖြင့် ကိုထက်ကိုကိုနှင့် ယာဉ်ပေါ်လိုက်ပါ လာသူ ဒဂုံမြို့သစ်(တောင်ပိုင်း)မြို့နယ်၊ အမှတ်(၂၂)ရပ်ကွက်နေ ကိုထက်လင်းဦး(၂၇)နှစ်တွင် ထိခိုက် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး အဆိုပါနေရာအနီး ဖြတ်သန်းသွားလာသည့် သာကေတမြို့နယ်၊ အမှတ်(၁၀)ရပ်ကွက်နေ ဦးစိုးလင်း(၃၇)နှစ်တွင် ထိခိုက်ဒဏ်ရာများ ရရှိခဲ့သဖြင့် ဇော်မင်းနောင် အား ဒဂုံဆိပ်ကမ်းမြို့မ ရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၀၄-က/ ၃၃၈ ဖြင့် အမှုဖွင့်အရေးယူထားကြောင်း သတင်းရရှိပါသည်။