ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးကာရံထားသည့် GUARD RAIL တန်းအား ဝင်ရောက်တိုက်မိ

ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးကာရံထားသည့် GUARD RAIL တန်းအား ဝင်ရောက်တိုက်မိ

     ၂၀၂၅ ခုနှစ်၊ ဇူလိုင် ၂၆ ရက်က ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေး အမြန်လမ်းမကြီး၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးကာရံထားသည့် GUARD RAIL တန်းအား ဝင်ရောက်တိုက်မိမှု ဖြစ်ပွားခဲ့ကြောင်းသိရသည်။
     ဖြစ်စဉ်မှာ ဇူလိုင် ၂၆ ရက် ည ၁၂ နာရီ ၂၀ မိနစ်တွင် ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၈ မိုင် ၆ ဖာလုံအနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၃)လမ်းဆုံအမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ရန်ကုန်တိုင်းဒေသကြီး၊ သာကေတမြို့နယ်၊ အနော်မာရပ်ကွက်နေ အောင်ဟိန်းဖြိုး(၃၄)နှစ် မောင်းနှင် လာသည့် YGN-12/1J-XXXX TOYOTA MARK II မော်တော်ယာဉ်မှာ စလစ်ဖြစ်ကာ အရှိန်မထိန်းနိုင်ဘဲ လမ်းဘေးတွင် ကာရံထားသည့် GUARD RAIL တန်းအား တိုက်မိ၍ လမ်းလယ်ကျွန်းအတွင်း ရောက်ရှိရပ်တန့်ခဲ့ပြီး GUARD RAIL တန်း တစ်တန်းနှင့် မော်တော်ယာဉ်တို့ ထိခိုက်ပျက်စီးခဲ့သောကြောင့် အောင်ဟိန်းဖြိုး အား အမှတ်(၃)လမ်းဆုံအမြန်လမ်းမကြီးရဲစခန်း ယာဉ်(ပ)၁၁/၂၀၂၅၊ ရာဇသတ်ကြီးပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။