ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ မုဒုံမြို့နယ်တို့၌ လိုင်စင်မဲ့မော်တော်ယာဉ် နှစ်စီး ဖမ်းဆီးရမိ

ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ မုဒုံမြို့နယ်တို့၌ လိုင်စင်မဲ့မော်တော်ယာဉ် နှစ်စီး ဖမ်းဆီးရမိ

     ၂၀၂၆ ခုနှစ်၊ ဇန်နဝါရီ ၂၄ ရက် ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ မုဒုံမြို့နယ်တို့၌ လိုင်စင်မဲ့မော်တော်ယာဉ် နှစ်စီး ဖမ်းဆီးရမိခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၂၄ ရက် ညနေ ၅ နာရီတွင် ရှမ်းပြည်နယ်၊ ညောင်ရွှေမြို့မရဲစခန်းမှ တပ်ဖွဲ့ဝင်များက ညောင်ရွှေမြို့နယ် ညောင်ရွှေ-အေးသာယာသွားကားလမ်းပေါ်၌ ယာဉ်စစ်ဆေးခြင်းများ ဆောင်ရွက်နေစဉ် ညောင်ရွှေမှ အေးသာယာသို့ တောင်ကြီးမြို့နယ်၊ တောင်နီကျေးရွာနေ ခွန်အောင်နိုင်(၄၂)နှစ် မောင်းနှင်လာသည့် YGN-27 6L-XXXX HONDA FIT မော်တော်ယာဉ်အား ရပ်တန့်စစ်ဆေးခဲ့ရာ အဆိုပါ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ယာဉ်ဖြစ်ကြောင်း စစ်ဆေးတွေ့ရှိရသဖြင့် ခွန်အောင်နိုင် အား ညောင်ရွှေမြို့မရဲစခန်း (ပ)၁၀/၂၀၂၆၊ ပို့ကုန်သွင်းကုန် ဥပဒေပုဒ်မ ၈ ဖြင့် လည်းကောင်း။

     အလားတူ ည ၇ နာရီ ၃၀ မိနစ်တွင် မွန်ပြည်နယ်၊ မုဒုံမြို့မရဲစခန်းမှ တပ်ဖွဲ့ဝင်များက မုဒုံမြို့နယ်၊ ထိန်ကုန်းကြီးရပ်ကွက်၊ တောင်သာယာဘုန်းကြီးကျောင်းလမ်းပေါ်၌ ယာဉ်စစ်ဆေးခြင်းများ ဆောင်ရွက်နေစဉ် မုဒုံမြို့နယ်၊ မြိုင်ကုန်းရပ်ကွက်နေ လှမြင့်(၅၈)နှစ် မောင်းနှင်လာသည့် YGN-40 1K-XXXX HONDA FIT မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထား တစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ယာဉ်ဖြစ်ကြောင်း စစ်ဆေးတွေ့ရှိရသဖြင့် လှမြင့် အား မုဒုံမြို့မရဲစခန်း (ပ)၁၁/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။