ရှမ်းပြည်နယ်၊ တောင်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

ရှမ်းပြည်နယ်၊ တောင်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဖေဖော်ဝါရီ ၁၇ ရက်က ရှမ်းပြည်နယ်၊ တောင်ကြီးမြို့နယ်၌ ယာဉ်တိုက်မှု ဖြစ်ပွား၍ အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၁၇ ရက် နံနက် ၁၀ နာရီ ၃၀ မိနစ်တွင် ရှမ်းပြည်နယ်၊ တောင်ကြီး မြို့နယ်၊ အေးသာယာမြို့၊ အမှတ်(၆)ရပ်ကွက်၊ ကေတုလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၁၇)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အမှတ်(၆)ရပ်ကွက်နေ ဦးသန်းနိုင်ဦး(၄၅)နှစ်သည် SHN-18/7F-XXXX KIA BONGO မော်တော်ယာဉ်အား ကေတုလမ်းအတိုင်း မောင်းနှင်လာပြီး ကေတုလမ်းသွယ်(၂)အတွင်းသို့ ချိုးကွေ့မောင်းနှင်စဉ် အရှိန် မထိန်းနိုင်ဘဲ လမ်းဘေး၌ ရှိနေသည့် အဆိုပါရပ်ကွက်နေ ဦးလင်းလင်းဦး(၄၀)နှစ်နှင့် ဒေါ်သီတာအောင် (၃၆)နှစ်တို့အား ဝင်ရောက်တိုက်မိခဲ့သဖြင့် ဦးလင်းလင်းဦးတွင် ထိခိုက်ဒဏ်ရာများရရှိကာ သေဆုံး ခဲ့ပြီး ဒေါ်သီတာအောင်တွင် ထိခိုက်ဒဏ်ရာများ ရရှိခဲ့သဖြင့် သန်းနိုင်ဦး အား အေးသာယာနယ်မြေ ရဲစခန်း ယာဉ်(ပ)၅/၂၀၂၆၊ ရာဇသတ်ကြီးပုဒ်မ ၃၀၄-က/ ၃၃၈/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။