ရှမ်းပြည်နယ်၊ မိုင်းဖြတ်မြို့နယ်တွင် ငွေကျပ်သိန်း ၅၆၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ရှမ်းပြည်နယ်၊ မိုင်းဖြတ်မြို့နယ်တွင် ငွေကျပ်သိန်း ၅၆၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

     ၂၀၂၅ ခုနှစ်၊ ဩဂုတ် ၁၄ ရက် နံနက် ၆ နာရီ ၃၀ မိနစ်တွင် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ မိုင်းဖြတ်မြို့နယ်၊ မိုင်းဟဲကျေးရွာအုပ်စု၊ ဘူရှီးကျေးရွာအနီး၌ လော်စေး မောင်းနှင်လာသော ဆိုင်ကယ်၊ ကျဖီး မောင်းနှင်လာသော ဆိုင်ကယ်၊ ကျပေါ မောင်းနှင်လာသော ဆိုင်ကယ်နှင့် မောင်ရှည်(ခ)မောရှည် မောင်းနှင်လာသော ဆိုင်ကယ်တို့အား ရပ်တန့်စစ်ဆေးရှာဖွေရာ ဆိုင်ကယ်များပေါ်တွင် ၎င်းတို့လေးဦး သယ်ဆောင်လာသည့် ဆာလာအိတ်များအတွင်းမှ စိတ်ကြွရူးသွပ်ဆေးပြား ၁၄ သိန်း (တစ်ပြားလျှင် ငွေကျပ် ၄၀၀ နှုန်းဖြင့် ၎င်းဒေသတန်ဖိုးငွေ ကျပ်သိန်း ၅၆၀၀)အား ဖမ်းဆီးရမိသဖြင့် လော်စေး(၁၆)နှစ်၊ ကျဖီး(၂၈)နှစ်၊ ကျပေါ (၁၇)နှစ်နှင့် မောင်ရှည်(ခ)မောရှည်(၁၈)နှစ်တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။