သက်ကြီးစာပေပညာရှင်များ ပူဇော်ကန်တော့ပွဲအတွက် အလှူငွေများ ဆက်လက်လှူဒါန်း

သက်ကြီးစာပေပညာရှင်များ ပူဇော်ကန်တော့ပွဲအတွက် အလှူငွေများ ဆက်လက်လှူဒါန်း

ရန်ကုန် နိုဝင်ဘာ ၂၆

၁၃၈၇ခုနှစ် မြန်မာနိုင်ငံစာဆိုတော်နေ့အထိမ်းအမှတ် (၃၈)ကြိမ်မြောက် သက်ကြီးစာပေပညာရှင်များ ပူဇော်ကန်တော့ပွဲအတွက် အလှူရှင်များက အလှူငွေများ ဆက်လက်လှူဒါန်းကြသည်။

ထိုသို့လှူဒါန်းရာတွင် ဦးဌေးဦး(ပြည်ထောင်စုဝန်ကြီး-ငြိမ်း)-ဒေါ်နီနီဝင်း မိသားစုက အလှူငွေကျပ် ၂၈၈ဝဝဝဝ၊ ကရင်ပြည်နယ်အစိုးရအဖွဲ့က ငွေကျပ် ၂၅ သိန်း၊ မကွေးတိုင်းဒေသကြီးအစိုးရအဖွဲ့က ငွေကျပ်သိန်း ၂ဝ၊ ကယားပြည်နယ်အစိုးရအဖွဲ့က ငွေကျပ် ၁၅ သိန်း၊ ဒေါက်တာဘဒ္ဒန္တရေဝတ (ရွှေကွမ်းသား)က ငွေကျပ် ၁၀ သိန်း၊ (ဗိုလ်မှူးချုပ်စည်သူတင်ဖေ)-(ဒေါ်သိန်းဆိုင်-စာရေးဆရာမကြီး မမြတ်လေး) မြတ်လေးရုံမိသားစုနှင့် ရန်ကုန်တိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတို့က ငွေကျပ်ငါးသိန်းစီ၊ ဦးဖေသက်ညွန့်(ဆွေဇင်ညွန့်)က ငွေကျပ် နှစ်သိန်း၊ ဝဏ္ဏကျော်ထင်ဦးလှမြင့်ဦး (မောင်သံငြိမ်း)၊ ဦးမြတ်စိုး(မြတ်စိုး-လှိုင်)၊ ဒေါက်တာမြင့်သန်း(ညောင်လေးပင်)၊ ဦးညွန့်တင်(သီဟညွန့်တင်- လသာ)၊ ဒေါက်တာခင်မောင်လွင်(Fame ဆေးဝါးထုတ်လုပ်ရေး)နှင့် ဒေါက်တာနေဝင်း စိတ်ကျန်းမာရေးဖောင်ဒေးရှင်းတို့က ငွေကျပ်တစ်သိန်းစီ၊ ဒေါ်တင်ထက်ထက်ဇော်(စာရေးဆရာမပေါက်ပေါက်)က ငွေကျပ်ငါးသောင်း၊ ဆရာမြတ်သူစံ(ဝါးခယ်မ)နှင့် ဦးထွန်းငွေ-ဒေါ်ခင်ဌေးမြင့် မိသားစု(သန်လျင်မြို့)တို့က ငွေကျပ်သုံးသောင်းစီ၊ ဦးစံရှိန် (ဆရာကြီးရှိန်)နှင့် ဆရာပန်းမျိုးခင်(တောင်ဥက္ကလာပမြို့နယ်)တို့က ငွေကျပ် နှစ်သောင်းစီ၊ ဆရာခင်မောင်ညို(ရေနံချောင်း)က ငွေကျပ် ၁၅ဝဝဝ၊ ဦးစိုးညွန့်(ဇင်ယော်မာန်)နှင့် ဦးစိန်ထွန်း (မြန်မာစာ)တို့က ငွေကျပ်တစ်သောင်းစီ အသီးသီးပေးအပ်လှူဒါန်းကြရာ အသင်းဥက္ကဋ္ဌ ဦးအုန်းမောင် (မြင်းမူမောင်နိုင်မိုး)နှင့် အတွင်းရေးမှူး ဦးညွန့်တင် (မောင်ငြိမ်းသူ-ကြို့ပင်ကောက်)တို့က လက်ခံရယူပြီး ကျေးဇူးတင်စကား ပြန်လည်ပြောကြားသည်။

အလှူငွေဖြစ်စေ၊ အလှူပစ္စည်းဖြစ်စေ လှူဒါန်းလိုပါက မြန်မာနိုင်ငံစာရေးဆရာအသင်း၊ အမှတ်(၁၇၃/၁၇၅) ပန်းဆိုးတန်းလမ်း(အလယ်) ကျောက်တံတားမြို့နယ်၊ ရန်ကုန်မြို့၊ ဖုန်း-၀၁-၂၅၂၄၁၇၊ ၀၉-၄၅၀၀၉၀၄၈၆ သို့ ဆက်သွယ်လှူဒါန်းနိုင်ကြောင်း သိရသည်။

မြန်မာနိုင်ငံစာရေးဆရာအသင်း