ဥပဒေရေးရာဝန်ကြီးဌာန ရက် ၁၀၀ စီမံကိန်းပါ စံနမူနာ ရှေ့ပြေးဥပဒေရုံး (Pilot Law Office)များ သတ်မှတ်ဆောင်ရွက်

ဥပဒေရေးရာဝန်ကြီးဌာန ရက် ၁၀၀ စီမံကိန်းပါ စံနမူနာ ရှေ့ပြေးဥပဒေရုံး (Pilot Law Office)များ သတ်မှတ်ဆောင်ရွက်

နေပြည်တော် မေ ၁၃

ဥပဒေရေးရာဝန်ကြီးဌာနလက်အောက်ရှိ မြို့နယ်ဥပဒေရုံး ၁၀ ရုံးအား အစိုးရသစ် ရက် ၁၀၀ အတွင်း ရှေ့ပြေးဥပဒေရုံးများအဖြစ် သတ်မှတ်တိုးချဲ့ဖွဲ့စည်းရန်လျာထားခဲ့ပြီး ယနေ့တွင်နေပြည်တော်ကောင်စီ နယ်မြေအတွင်းရှိ ဇမ္ဗူသီရိမြို့နယ်ဥပဒေရုံး၊ ဥတ္တရသီရိမြို့နယ်၊ ဒက္ခိဏသီရိမြို့နယ်နှင့် ပုဗ္ဗသီရိမြို့နယ် ဥပဒေရုံးများကို ရှေ့ပြေးဥပဒေရုံး(Pilot Law Office)များအဖြစ် သတ်မှတ်ဖော်ဆောင်ကြောင်း သိရသည်။

ဦးစွာ ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်ဒေါက်တာသီတာဦးက ရှေ့ပြေးဥပဒေရုံး (Pilot Law Office)ဖွင့်လှစ်ခြင်းဖြင့် ရုံးလုပ်ငန်းများ ဆောင်ရွက်သောအခါ မှတ်ပုံတင်ရေးသွင်းခြင်း၊ မှတ်တမ်းတင်ခြင်း၊ အစီရင်ခံစာပေးပို့ခြင်း စသည်တို့ကို Manual စနစ်မှ Digitization စနစ်သို့ ကူးပြောင်းနိုင်ရန်၊ အမှုလိုက် ဥပဒေအရာရှိနှင့် တာဝန်ခံဥပဒေအရာရှိများအကြား နည်းပညာအသုံးပြုကာ မြန်မြန်ဆန်ဆန် ဆောင်ရွက်နိုင်ရန် ရှေ့ပြေးဥပဒေရုံးများတွင် တရားခွင်အကြိုတွေ့ဆုံမေးမြန်းခြင်း(Pre-Trial Interview, PTI)များကို ဆောင်ရွက်နိုင်ရန် စံနမူနာပြုစမ်းသပ်ခြင်းဖြစ်ကြောင်းပြောကြားပြီး ရှေ့ပြေးဥပဒေရုံး (Pilot Law Office) သတ်မှတ်သည့် မြို့နယ်ဥပဒေရုံးများသို့ လှည့်လည်ကြည့်ရှုစစ်ဆေးသည်။

ယခင် စံနမူနာ ရှေ့ပြေးဥပဒေရုံးများအဖြစ် ခရိုင်ဥပဒေရုံး ၂၁ ရုံး၊ မြို့နယ်ဥပဒေရုံး ခုနစ်ရုံးတို့ သတ်မှတ်ဆောင်ရွက်ခဲ့ပြီး ယနေ့တွင် နေပြည်တော်ရှိ မြို့နယ်ဥပဒေရုံးလေးရုံးကို စံနမူနာ ရှေ့ပြေးဥပဒေရုံးများအဖြစ် သတ်မှတ်ဖော်ဆောင်ခြင်းဖြစ်ကြောင်း သိရသည်။

သတင်းစဉ်