ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်း ၂၀၂၅ ခုနှစ်၊ ပြည်နယ်နှင့်တိုင်းဒေသကြီး U-18 ပြေးခုန်ပစ်ပြိုင်ပွဲနှင့် U-18 အမျိုးသား ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးကိုယ်စားပြုအသင်းများအား အောင်နိုင်ရေးအလံပေးအပ်ပွဲအခမ်းအနားသို့တက်ရောက်

ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်း ၂၀၂၅ ခုနှစ်၊ ပြည်နယ်နှင့်တိုင်းဒေသကြီး U-18 ပြေးခုန်ပစ်ပြိုင်ပွဲနှင့် U-18 အမျိုးသား ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးကိုယ်စားပြုအသင်းများအား အောင်နိုင်ရေးအလံပေးအပ်ပွဲအခမ်းအနားသို့တက်ရောက်

ပုသိမ် ဇွန် ၂၇

၂၀၂၅ ခုနှစ်၊ ပြည်နယ်နှင့်တိုင်းဒေသကြီး U-18 ပြေးခုန်ပစ်ပြိုင်ပွဲနှင့် U-18 အမျိုးသား ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးကိုယ်စားပြုအသင်းများအား အောင်နိုင်ရေးအလံပေးအပ်ပွဲ အခမ်းအနားကို ယနေ့မွန်းလွဲပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေး ခန်းမ(၁)တွင်ဆက်လက်ပြုလုပ်ရာ တိုင်းဒေသကြီးဝန်ကြီးချုပ် ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝင်များ၊ အသင်းအုပ်ချုပ်သူနှင့်နည်းပြများ၊ အားကစားသမားများ တက်ရောက်ခဲ့သည်။

ဦးစွာ တိုင်းဒေသကြီးဝန်ကြီးချုပ်အား ဧရာ၀တီတိုင်းဒေသကြီး U-18 ပြေးခုန်ပစ် အသင်းနှင့် U-18 အမျိုးသားဘောလုံးအသင်းတို့မှ အုပ်ချုပ်၊ နည်းပြ၊ အားကစားသမားများက တစ်ဦးချင်းမိတ်ဆက်ခဲ့ပြီးနောက် အသင်းအုပ်ချုပ်သူများက ပြိုင်ပွဲဝင်ရောက်ယှဉ်ပြိုင်မည့် အစီအစဉ်များအားရှင်းလင်း တင်ပြခဲ့သည်။ ထို့နောက် တိုင်းဒေသကြီးဝန်ကြီးချုပ်က“ ပြည်နယ်နှင့်တိုင်းဒေသကြီး U-18 ပြေးခုန်ပစ် ပြိုင်ပွဲနှင့် U-18 အမျိုးသားဘောလုံးပြိုင်ပွဲသို့ ဝင်ရောက်ယှဉ်ပြိုင်နိုင်ရန်အတွက် ပြင်ဆင်မှုအား ကောင်းကောင်းဖြင့် စခန်းသွင်းလေ့ကျင့်မှုများကိုဆောင်ရွက်ခဲ့ပါကြောင်း၊ တိုင်းဒေသကြီး အနေဖြင့် ပြည်နယ်နှင့်တိုင်းဒေသကြီးအားကစားပြိုင်ပွဲတွင် အားကစားနည်း(၁၅)မျိုးအား ဝင်ရောက်ယှဉ်ပြိုင်သွားမည်ဖြစ်ပါကြောင်း၊ တိုင်းဒေသကြီးကိုယ်စားပြု အားကစားသမားများအား တာဝန်ရှိသူများက အနီးကပ်ကြီးကြပ်၍ အားသားချက်၊ အားနည်းချက်များကို သုံးသပ်ကာ စံချိန်ကောင်းများရရှိအောင် လေ့ကျင့်ပေးနိုင်ခဲ့ပါကြောင်း၊ မိမိတို့၏တိုင်းဒေသကြီး ကိုယ်စားပြုအသင်းနည်းတူ တစ်ဖက်ပြိုင်ဘက်အသင်းများကလည်း ကြိုးစားကြမည်ဖြစ်၍ နည်းစနစ် ပိုင်းနှင့် လေ့ကျင့်သားပြည့်ဝသည့်အသင်းများက အောင်မြင်မှုရရှိမည်ဖြစ်ပါကြောင်း၊ မိမိတို့တိုင်းဒေသကြီးသည် လူ့စွမ်းအားအရင်းအမြစ်ပေါကြွယ်ဝသည့် တိုင်းဒေသကြီးဖြစ်၍ အရေအတွက်မှ အရည်အချင်းရှိသည့် မျိုးဆက်သစ်ကစားများပေါ်ထွက်လာအောင် မွေးထုတ်လေ့ကျင့်ပေးလျက်ရှိပြီး လိုအပ်သည်များကိုလည်း ပံ့ပိုးဆောင်ရွက်ပေးလျက်ရှိပါကြောင်း၊ အားကစားသမားများအနေဖြင့် မျှော်မှန်းထားသည့်ဆုများရရှိအောင် အင်တိုက်အားတိုက်ကြိုးစားယှဉ်ပြိုင်သွားကြရန်လိုကြောင်း နှင့် နိုင်ငံ့ဂုဏ်ဆောင်အားကစားသမားများဖြစ်သည်အထိ ကြိုးစားသွားကြရမည်ဖြစ်ကြောင်း” အားပေးစကားများပြောကြားကာ တိုင်းဒေသကြီးကိုယ်စားပြု U-18 ပြေးခုန်ပစ်အသင်းနှင့် U-18 အမျိုးသား ဘောလုံးအသင်းတို့အား အောင်နိုင်ရေးအလံနှင့်ချီးမြှင့်ငွေများ ပေးအပ်ခဲ့ကြောင်း သိရသည်။