၂၀၂၅ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲ အခမ်းအနားတက်ရောက်ရန် သက်ကြီးအနုပညာရှင်များနှင့် အထောက်အကူပြုအဖွဲ့များ နေပြည်တော်သို့ ရောက်ရှိ

၂၀၂၅ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲ အခမ်းအနားတက်ရောက်ရန် သက်ကြီးအနုပညာရှင်များနှင့် အထောက်အကူပြုအဖွဲ့များ နေပြည်တော်သို့ ရောက်ရှိ

နေပြည်တော် ဖေဖော်ဝါရီ ၇

၂၀၂၅ ခုနှစ်အတွက် မြန်မာ့ရုပ်ရှင်ထူးချွန်ဆု ချီးမြှင့်ပွဲအခမ်းအနားကို ယနေ့ညနေပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၁ (MICC-1) ၌ ခမ်းနားထည်ဝါစွာ ကျင်းပသွားမည်ဖြစ်ရာ အနုပညာရှင်၊ အတတ်ပညာရှင်များကလည်း အခမ်းအနားအောင်မြင်စွာ ကျင်းပနိုင်ရေးအတွက် သက်ဆိုင်ရာကဏ္ဍအလိုက် ကြိုတင်ပြင်ဆင်မှုလုပ်ငန်းများကို အသင့်ဆောင်ရွက်ထားရှိပြီး ဖြစ်သည်၊၊

အဆိုပါအခမ်းအနားသို့ တက်ရောက်ရန် သက်ကြီးအနုပညာရှင်များနှင့် အထောက်အကူပြုအဖွဲ့များသည် ယနေ့နံနက်ပိုင်းတွင် နိုင်ငံတော်၏ စီစဉ်ပေးမှုဖြင့် ရန်ကုန်မြို့မှ တပ်မတော်လေယာဉ်ဖြင့် ထွက်ခွာလာကြပြီး နေပြည်တော်သို့ရောက်ရှိကြရာ ပြန်ကြားရေးဝန်ကြီးဌာနမှ တာဝန်ရှိသူများ၊ မြန်မာနိုင်ငံရုပ်ရှင်အစည်းအရုံးဥက္ကဋ္ဌနှင့် တာဝန်ရှိသူများက နေပြည်တော်လေဆိပ်၌ ကြိုဆိုနှုတ်ဆက်ကြပြီး ခေတ္တတည်းခိုနေထိုင်ကြမည့် နေရာများသို့ လိုက်လံပို့ဆောင်ပေးကြကာ လိုအပ်သည်များကို စနစ်တကျစီစဉ်ဆောင်ရွက်ပေးခဲ့ကြောင်း သိရသည်၊၊                           

သတင်းစဉ်