ပဲခူးတိုင်းဒေသကြီး၊ မင်းလှမြို့နယ်၊ တောင်ငူမြို့နယ်နှင့် မွန်ပြည်နယ်၊ သံဖြူဇရပ်မြို့နယ်တို့၌ လောင်းကစားပြုလုပ်သူများအား ဖမ်းဆီးအရေးယူ တင်ဒါအောင်မြင်သူစာရင်း ထုတ်ပြန်ကြေညာခြင်း
ပဲခူးတိုင်းဒေသကြီး၊ မင်းလှမြို့နယ်၊ တောင်ငူမြို့နယ်နှင့် မွန်ပြည်နယ်၊ သံဖြူဇရပ်မြို့နယ်တို့၌ လောင်းကစားပြုလုပ်သူများအား ဖမ်းဆီးအရေးယူ
ပြည်ထဲရေးဝန်ကြီးဌာန/ နေပြည်တော် / February 09, 2026
၂၀၂၆ ခုနှစ်၊ ဖေဖော်ဝါရီ ၇ ရက်က မကွေးတိုင်းဒေသကြီး၊ မင်းလှမြို့နယ်၊ ပဲခူးတိုင်း ဒေသကြီး၊ တောင်ငူမြို့နယ်နှင့် မွန်ပြည်နယ်၊ သံဖြူဇရပ်မြို့နယ်တို့၌ လောင်းကစားပြုလုပ် သူများအား ဖမ်းဆီးအရေးယူထားကြောင်း သိရသည်။
ဖြစ်စဉ်မှာ ဖေဖော်ဝါရီ ၇ ရက် နံနက် ၁၀ နာရီတွင် ပဲခူးတိုင်းဒေသကြီး၊ မင်းလှမြို့မ ရဲစခန်းမှ တပ်ဖွဲ့ဝင်များက မင်းလှမြို့နယ်၊ မင်းလှ-မင်းဘူးသွားကားလမ်း မိုင်တိုင်အမှတ် ၁၅ မိုင် ၁ ဖာလုံအနီး၌ ယာဉ်စစ်ဆေးခြင်းများ ဆောင်ရွက်နေစဉ် ညောင်ပင်သာကျေးရွာမှ မင်းလှမြို့သို့ မကွေးမြို့နယ်၊ မြို့ဟောင်းရပ်ကွက်နေ ဦးလင်းနိုင်(၄၅)နှစ် မောင်းနှင်လာသည့် ဆိုင်ကယ်အား ရပ်တန့်စစ်ဆေးခဲ့ရာ သုံးလုံးထီ လောင်းကစားပြုလုပ်ရာတွင် အသုံးပြုသည့် လက်ကိုင်ဖုန်း တစ်လုံး၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် လင်းနိုင် အား မင်းလှမြို့မရဲစခန်း (ပ)၉/၂၀၂၆၊ လောင်းကစားဥပဒေပုဒ်မ ၁၈(က)/၁၉(က) ဖြင့် လည်းကောင်း။
အလားတူ မွန်းလွဲ ၃ နာရီ ၃၀ မိနစ်တွင် တောင်ငူမြို့နယ်၊ နတ်သျှင်နောင်ရပ်ကွက်နေ ဒေါ်မြင့်မြင့်စန်း(၃၇)နှစ်၏နေအိမ်၌ လောင်းကစားပြုလုပ်နေကြောင်း သတင်းအရ မြို့သစ်နယ်မြေ ရဲစခန်းမှ တပ်ဖွဲ့ဝင်များက ဝင်ရောက်ရှာဖွေခဲ့ရာ အဆိုပါနေအိမ်အတွင်း၌ ဒေါ်မြင့်မြင့်စန်းနှင့်အတူ တစ်ရပ်ကွက်တည်းနေသူများဖြစ်သည့် ဒေါ်ဝင်းရီ(၆၀)နှစ်၊ ဒေါ်ချိုမာ(၅၄)နှစ်နှင့် မြို့သစ်မြို့၊ တပင်ရွှေထီးရပ်ကွက်နေ ဒေါ်မြင့်မြင့်မော်(၄၁)နှစ်တို့အား ဖဲရိုက်လောင်းကစား ပြုလုပ်နေသည်ကို တွေ့ရှိရပြီး ၎င်းတို့ထံမှ ဖဲရိုက်လောင်းကစားပြုလုပ်ရာတွင် အသုံးပြုသည့် ဆက်စပ်ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် ဒေါ်မြင့်မြင့်စန်း ပါ လေးဦးအား မြို့သစ်နယ်မြေရဲစခန်း (ပ)၃/၂၀၂၆၊ လောင်းကစားဥပဒေပုဒ်မ ၁၆(က)/ ၁၇(က) ဖြင့် လည်းကောင်း။
ထို့အတူ မွန်းလွဲ ၃ နာရီ ၃၀ မိနစ်တွင် မွန်ပြည်နယ်၊ သံဖြူဇရပ်မြို့မရဲစခန်းမှ တပ်ဖွဲ့ဝင် များက နယ်မြေလှည့်ကင်း ဆောင်ရွက်နေစဉ် သံဖြူဇရပ်မြို့နယ်၊ တောင်ဖလုကျေးရွာအဝင် ဇရပ် အရောက်၌ အဆိုပါဇရပ်အတွင်း ထိုင်နေသည့် ကျိုက္ခမီမြို့နယ်၊ အောင်သုခရပ်ကွက်နေ ဦးကျော်လွင်ဦး (၄၂)နှစ်နှင့် သံဖြူဇရပ်မြို့နယ်၊ အောင်ချမ်းသာရပ်ကွက်နေ ဦးမျိုးမင်းဦး(၄၅)နှစ်တို့အား စစ်ဆေးခဲ့ရာ ၎င်းတို့ နှစ်ဦး ကိုင်ဆောင်သည့် လက်ကိုင်ဖုန်းများအတွင်း နှစ်လုံး/သုံးလုံးထီ လောင်းကစားပြုလုပ်ထားသည်ကို တွေ့ရှိရပြီး ဦးကျော်လွင်ဦး ဝတ်ဆင်ထားသည့် ဘောင်းဘီ အိတ်ကပ်အတွင်းမှ လောင်းကြေးငွေများအား လည်းကောင်း၊ ဦးမျိုးမင်းဦး စီးနင်းလာသည့် ဆိုင်ကယ်တူးဘောက်အတွင်းမှ လောင်းကြေးငွေများအား လည်းကောင်း တွေ့ရှိသိမ်းဆည်းရမိ ခဲ့သဖြင့် ကျော်လွင်ဦး အား သံဖြူဇရပ်မြို့မရဲစခန်း (ပ)၂၀/၂၀၂၆၊ မျိုးမင်းဦး အား သံဖြူဇရပ် မြို့မရဲစခန်း (ပ)၂၁/၂၀၂၆၊ လောင်းကစားဥပဒေပုဒ်မ ၁၈(က)/၁၉(က) ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။
တင်ဒါအောင်မြင်သူစာရင်း ထုတ်ပြန်ကြေညာခြင်း
ပို့ဆောင်ရေးနှင့်ဆက်သွယ်ရေးဝန်ကြီးဌာန/ နေပြည်တော် / February 11, 2026
တင်ဒါအောင်မြင်သူစာရင်း ထုတ်ပြန်ကြေညာခြင်း
ရက်စွဲ၊ ၂၀၂၆ ခုနှစ်၊ ဖေဖော်ဝါရီလ ၉ ရက်
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ သတင်းအချက်အလက်နည်းပညာနှင့် ဆိုက်ဘာလုံခြုံရေး ဦးစီးဌာနမှ ၂၀၂၅ - ၂၀၂၆ ဘဏ္ဍာရေးနှစ်အတွင်း အကောင်အထည်ဖော်ဆောင်ရွက်မည့် အောက်ဖော်ပြပါ လုပ်ငန်းများဆောင်ရွက်ခြင်းအတွက် တင်ဒါအောင်မြင်သော ကုမ္ပဏီများအား အောက်ပါအတိုင်း ထုတ်ပြန် ကြေညာလိုက်ပါသည် -
|
စဉ် |
တင်ဒါ အမှတ်စဉ် |
လုပ်ငန်းအမည် |
ရွေးချယ်ခံရသည့် ကုမ္ပဏီအမည် |
|
၁။ |
ITCS - ၆၀/၂၀၂၅ |
Container Data Center Modules for e-Government အတွက်လိုအပ်သော စက်ပစ္စည်းများ ဝယ်ယူတပ်ဆင်ခြင်း |
Myanmar ICT Solutions Ltd. |
|
၂။ |
ITCS - ၆၁/၂၀၂၅ |
Modular Container Data Center Farm များသို့ Server နှင့် ဆက်စပ် စက်ပစ္စည်းများ ပြောင်းရွှေ့ တပ်ဆင်ခြင်း |
Byte Matrix Co., Ltd. |
|
၃။ |
ITCS - ၆၄/၂၀၂၅ |
DC and Office Facilities များ ဖြုတ်သိမ်း ပြောင်းရွှေ့တပ်ဆင်ခြင်း |
Novel Power Co., Ltd. |
တင်ဒါကော်မတီ (ဆက်သွယ်ရေး)
ပို့ဆောင်ရေးနှင့်ဆက်သွယ်ရေးဝန်ကြီးဌာန
ရုံးအမှတ် (၂) ၊ နေပြည်တော်