စာမေးပွဲဖြေဆိုရန်အသိပေးကြော်ငြာခြင်း
စာမေးပွဲဖြေဆိုရန်အသိပေးကြော်ငြာခြင်း
Ministry of Cooperatives and Rural Development/ Naypyitaw / January 15, 2026
ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန
ကျေးလက်ဒေသဖွံ့ဖြိုးတိုးတက်ရေးဦးစီးဌာန
နေပြည်တော်
စာမေးပွဲဖြေဆိုရန်အသိပေးကြော်ငြာခြင်း
၁။ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီး ဌာနမှ ၂၆-၁၁-၂၀၂၅ ရက်နေ့ထုတ် မြန်မာ့အလင်းနှင့် ကြေးမုံသတင်းစာများတွင် ခေါ်ယူထားသည့် အငယ်တန်းအင်ဂျင်နီယာ-၃(မြို့ပြ)၊ အငယ်တန်းစာရေး၊ အငယ်တန်းအင်ဂျင်နီယာ-၄ (မြို့ပြ)၊ ဒု-လ/ထကွန်ပျူတာလုပ်ဆောင်ရေးမှူးနှင့် စာရင်းကိုင်-၄ ရာထူးနေရာများအတွက် အရည်အချင်း စစ်ရေးဖြေစာမေးပွဲများကို အောက်ပါအစီအစဉ်အတိုင်းကျင်းပသွားမည် ဖြစ်ပါသည်-
(က) စာမေးပွဲဖြေဆိုရမည့်ရက် - ၂၀၂၆ခုနှစ်၊ ဇန်နဝါရီလ (၂၄) ရက်(စနေနေ့)
( ခ ) ရေးဖြေစစ်ဆေးခြင်း - နံနက်(၈:၃၀)နာရီမှ (၁၁:၃၀)နာရီအထိ
မြန်မာစာ + အင်္ဂလိပ်စာ + အထွေထွေဗဟုသုတ
( ဂ ) လူတွေ့စစ်ဆေးခြင်း - နေ့လည်(၁၂:၃၀)နာရီ
၂။ စာမေးပွဲဖြေဆိုခွင့်ကဒ်ပြားများကို ၂၂-၁-၂၀၂၆ ရက်နေ့မှစ၍ သက်ဆိုင်ရာတိုင်းဒေသကြီး/ ပြည်နယ်အလိုက် စာမေးပွဲဖြေဆိုရမည့် စာစစ်ဌာနတည်ရှိရာ ကျေးလက်ဒေသဖွံ့ဖြိုးတိုးတက်ရေး ဦးစီးဌာနရုံးများတွင် ရုံးချိန်အတွင်း ထုတ်ပေးမည်ဖြစ်ပြီး ရေးဖြေစာမေးပွဲနှင့် လူတွေ့စစ်ဆေးခြင်း ခံယူရန်အတွက် လျှောက်လွှာတင်သွင်းထားသည့် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး များတွင် ဆက်သွယ်စုံစမ်းရန်ဖြစ်ပါသည်။
၃။ စာမေးပွဲဝင်ရောက်ဖြေဆိုမည့်သူများသည် ၂၀၂၆ ခုနှစ်၊ ဇန်နဝါရီလ (၂၄) ရက်၊ နံနက် (၈:၀၀)နာရီ အရောက် ဖြေဆိုရမည့်စာစစ်ဌာနများသို့ နိုင်ငံသားစိစစ်ရေးကဒ်ပြားမူရင်း၊ ဖြေဆိုခွင့် ကဒ်ပြားနှင့်အတူလာရောက်သတင်းပို့ရန်နှင့် စာမေးပွဲခန်းမအတွင်းသို့အချိန်နောက်ကျရောက်ရှိ လာသူများအား စာမေးပွဲဖြေဆိုခွင့်ပြုမည်မဟုတ်ကြောင်း အသိပေးအပ်ပါသည်။
ကျေးလက်ဒေသဖွံ့ဖြိုးတိုးတက်ရေးဦးစီးဌာန