တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုတိုင်းရင်းသားကျေးရွာ(ရန်ကုန်)ရှိ မြေနေရာအချို့နှင့် အဆောက်အဦအချို့အား နှစ်တို/ နှစ်ရှည် ငှားရမ်းဆောင်ရွက်နိုင်ရန်အတွက် စိတ်ဝင်စားသူများအား ဖိတ်ခေါ်ခြင်း (Expression of Interest)
တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုတိုင်းရင်းသားကျေးရွာ(ရန်ကုန်)ရှိ မြေနေရာအချို့နှင့် အဆောက်အဦအချို့အား နှစ်တို/ နှစ်ရှည် ငှားရမ်းဆောင်ရွက်နိုင်ရန်အတွက် စိတ်ဝင်စားသူများအား ဖိတ်ခေါ်ခြင်း (Expression of Interest)
Ministry of Ethnic Affairs/ Naypyitaw / May 19, 2026
၁။ ရန်ကုန်တိုင်းဒေသကြီး၊ သာကေတမြို့နယ်၊ ၁၀/ မြောက်ရပ်ကွက်၊ ပြည်ထောင်စုတိုင်းရင်းသား ကျေးရွာ(ရန်ကုန်) ဘက်စုံအဆင့်မြှင့်တင်နိုင်ရန်အတွက် ကျေးရွာအတွင်းရှိ မြေနေရာအချို့နှင့် အဆောက်အဦအချို့အား ပြည်တွင်း၊ ပြည်ပပုဂ္ဂလိကလုပ်ငန်းရှင်များနှင့် ကုမ္ပဏီများသို့ အောက်ဖော်ပြပါလုပ်ငန်းများကို နှစ်တို/ နှစ်ရှည်ငှားရမ်းခြင်း ဆောင်ရွက်သွားရန် အစီအစဉ်ရှိပါသည်-
(က) တိုင်းရင်းသားရိုးရာအစားအသောက်များ ရောင်းချနိုင်ရန်အတွက် မြေငှားရမ်းခြင်း၊
( ခ ) ဖျော်ဖြေမှု (Emtertaoment) နှင့် အပန်းဖြေဥယျာဉ် (Amusement Park) အတွက် မြေငှားရမ်းခြင်း၊
( ဂ ) အားကစားဆိုင်ရာ လုပ်ငန်းများဆောင်ရွက်နိုင်ရန်အတွက် မြေငှားရမ်းခြင်း၊
(ဃ) Shopping Center နှင့် နားနေဆောင်များအတွက် မြေငှားရမ်းခြင်း၊
( င ) ပြည်ထောင်စုခန်းမ အဆောက်အဦအား ငှားရမ်းခြင်း၊
( စ ) အထက်ဖော်ပြပါလုပ်ငန်းများအပြင် သီးခြားဆောင်ရွက်လိုသော လုပ်ငန်းများအတွက် မြေ/ အဆောက်အဦ ငှားရမ်းခြင်း။
၂။ ပထမအဆင့်အနေဖြင့် စိတ်ဝင်စားသည့် လုပ်ငန်းရှင်များ၊ ကုမ္ပဏီများသည် စိတ်ဝင်စားမှု ဖော်ပြခြင်းလျှောက်လွှာ (Expression of Interest - EOI) အား ဥက္ကဋ္ဌ၊ တင်ဒါကော်မတီ၊ တိုင်းရင်းသားလူမျိုးများရေးရာဝန်ကြီးဌာန၊ ရုံးအမှတ်(၁၄)၊ နေပြည်တော်သို့ လိပ်မူ၍ ၂၀၂၆ ခုနှစ်၊ ဇွန်လ (၁၈)ရက်နေ့၊ ညနေ (၁၆:၀၀)နာရီ (မြန်မာစံတော်ချိန်) အရောက် နောက်ဆုံးထား ပေးပို့ရမည် ဖြစ်ပါသည်။
၃။ စိတ်ဝင်စားမှုဖော်ပြခြင်းလျှောက်လွှာ (Expression of Interest - EOI) ပုံစံနှင့် လမ်းညွှန်ချက်များအား တိုင်းရင်းသားလူမျိုးများရေးရာဝန်ကြီးဌာန၊ တိုင်းရင်းသားစာပေနှင့် ယဉ်ကျေးမှုဦးစီးဌာန၊ တိုင်းရင်းသားလူမှုဘဝမြှင့်တင်ရေးဌာနခွဲ၊ ရုံးအမှတ် (၁၄)၊ နေပြည်တော်နှင့် ရန်ကုန်တိုင်းဒေသကြီး၊ သာကေတမြို့နယ်၊ ၁၀/ မြောက်ရပ်ကွက်၊ ပြည်ထောင်စုတိုင်းရင်းသားကျေးရွာ (ရန်ကုန်)တို့တွင် (၂၅-၅-၂၀၂၆)ရက်နေ့မှစတင်၍ လာရောက်ဝယ်ယူနိုင်ပါသည်။ ဝယ်ယူသည့်အခါ မိမိတို့၏ အောက်ပါကုမ္ပဏီဆိုင်ရာအထောက်အထားများ မူရင်းနှင့်မိတ္တူတို့ကို ပြသရမည်ဖြစ်ပါသည်-
(က) သက်တမ်းရှိပြီးဖြစ်သည့် ကုမ္ပဏီမှတ်ပုံတင်လက်မှတ်
(ခ) ကုမ္ပဏီ၏ ဖွဲ့စည်းပုံစည်းမျဉ်း
(အသေးစိတ်သိရှိလိုပါက ဖုန်း - ၀၆၇-၃၄၀၉၃၁၅, ၀၆၇-၃၄၀၉၃၁၇, ၀၉- ၈၉၉၉၃၅၂၆၆)
တင်ဒါကော်မတီ
တိုင်းရင်းသားလူမျိုးများရေးရာဝန်ကြီးဌာန