ဆက်သွယ်ရေးညွှန်ကြားမှုဦးစီးဌာန၏ သတင်းထုတ်ပြန်ချက်

Ministry of Information / Posted on April 17, 2026

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးတို့အတွက် မန္တလေးတိုင်းဒေသကြီး ပြင်ဦးလွင်မြို့နယ်နှင့် ရှမ်းပြည်နယ်(မြောက်ပိုင်း) နောင်ချိုမြို့နယ် ဒေသတစ်ဝိုက် နယ်မြေလုံခြုံရေး တာဝန်များကို ထမ်းဆောင်၍ ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်းတပ်မတော်သားများအား ဂုဏ်ပြုကြိုဆိုခြင်းကို ယနေ့မွန်းလွဲပိုင်းတွင် ရှမ်းပြည်နယ်(အရှေ့ပိုင်း) မိုင်းယန်းမြို့ရှိ နယ်မြေခံတပ်ရင်း၌ပြုလုပ်ရာ တြိဂံဒေသတိုင်းစစ်ဌာနချုပ် တိုင်းမှူး ဗိုလ်ချုပ် စိုးမြတ်ထွဋ်နှင့် တာဝန်ရှိသူများ၊ ပြည်နယ်အစိုးရအုပ်ချုပ် ရေးအဖွဲ့ခွဲ(ရှမ်းအရှေ့)ဥက္ကဋ္ဌ၊ အရာရှိ၊ စစ်သည်၊ မိသားစုဝင်များ၊ မြန်မာနိုင်ငံစစ်မှုထမ်းဟောင်းအဖွဲ့ဝင်များ၊ ဌာနဆိုင်ရာတာဝန်ရှိသူများ၊ အနုပညာရှင်များ၊ ဒေသခံတိုင်းရင်းသားပြည်သူများ ပါဝင်တက်ရောက် ဂုဏ်ပြုကြိုဆိုကြသည်။

Ministry of Information / Posted on April 17, 2026

နေပြည်တော်ဒေသခံများသာမက အနယ်နယ်အရပ်ရပ်မှ ပြည်သူများ သင်္ကြန်အကြိုနေ့မှစတင်၍ စည်ကားသိုက်မြိုက်စွာဖြင့် တိုးမပေါက်အောင် ပါဝင်ဆင်နွှဲကြသည့် နေပြည်တော် လမ်းလျှောက် သင်္ကြန်ပွဲတော်ကြီး၏ ယနေ့ ကျရောက်သည့် သင်္ကြန်အတက်နေ့တွင်လည်း နေပြည်တော် ရင်ပြင်အပြည့်သင်္ကြန်ချစ်သူများဖြင့် အထူးစည်ကားခဲ့ပြီး ညီရင်းအစ်ကို မောင်ရင်းနှမသဖွယ် စည်းလုံးညီညွတ်စွာဖြင့် လမ်းလျှောက်သင်္ကြန်ကို အတူတကွ ဆင်နွှဲကြသည်။ 

Ministry of Information / Posted on April 17, 2026

၂၀၂၆ ခုနှစ် မြန်မာ့ရိုးရာအတာသင်္ကြန် နှစ်သစ်ကူးပွဲတော်ကို နေပြည်တော်၌ စည်ကားသိုက်မြိုက်စွာ ကျင်းပလျက်ရှိရာ ယနေ့ကျရောက်သည့် သင်္ကြန်အတက်နေ့တွင် ရန်ကုန်မြို့အခြေစိုက် နိုင်ငံခြားသံရုံးများမှ သံအမတ်ကြီးများ၊ သံရုံးယာယီတာဝန်ခံနှင့် တာဝန်ရှိသူများ၊ စစ်သံရုံးများမှ စစ်သံမှူးများနှင့် တာဝန်ရှိသူများ၊ မိသားစုဝင်များ၊ ပါဝင်သောအဖွဲ့သည် နေပြည်တော် မြို့တော်ဝန်ရေကစားမဏ္ဍပ်နှင့် နေပြည်တော်လမ်းလျှောက်သင်္ကြန်တို့၌ ပျော်ရွှင်စွာပါဝင်ဆင်နွှဲကြသည်။