ကချင်ပြည်နယ်၊ မိုးညှင်းမြို့နယ်၊ သာစည်ရပ်ကွက်၌ ကားဝပ်ရှော့ မီးလောင်မှု

ကချင်ပြည်နယ်၊ မိုးညှင်းမြို့နယ်၊ သာစည်ရပ်ကွက်၌ ကားဝပ်ရှော့ မီးလောင်မှု

     ၂၀၂၆ ခုနှစ်၊ မတ် ၁၃ ရက် နံနက် ၅ နာရီခန့်က ကချင်ပြည်နယ်၊ မိုးညှင်းမြို့နယ်၊ သာစည်ရပ်ကွက်၌ ပိုင်ရှင် ဦးအောင်မျိုးသန့်(၄၆)နှစ်၏ ၁၅ x ၂၀ ပေ၊ သွပ်မိုး၊ အုတ်ညှပ် တစ်ထပ် ကားဝပ်ရှော့တွင် အောက်ခံပြားမပါဘဲ ခြင်ဆေးခွေထွန်းထားရာမှ အနီးရှိ ဝိုင်ယာကြိုး အဟောင်း များသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မိုးညှင်းခရိုင်မီးသတ်စခန်းမှ  မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် မီးငြှိမ်းသတ်ခဲ့ရာ နံနက် ၅ နာရီ ၂၅ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၁၅ x ၂၀ ပေ၊ သွပ်မိုး၊ အုတ်ညှပ် တစ်ထပ် အဆောက်အအုံ တစ်လုံး  မီးလောင်ဆုံးရှုံးခဲ့ကြောင်းနှင့် ဦးအောင်မျိုးသန့် အား မိုးညှင်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။