ကျောက်ပန်းတောင်းမြို့နယ်အတွင်း ကျေးလက်လမ်းလုပ်ငန်းများ ကွင်းဆင်းစစ်ဆေး

ကျောက်ပန်းတောင်းမြို့နယ်အတွင်း ကျေးလက်လမ်းလုပ်ငန်းများ ကွင်းဆင်းစစ်ဆေး

ကျောက်ပန်းတောင်း ဒီဇင်ဘာ ၂၅

     မန္တလေးတိုင်းဒေသကြီး ကျောက်ပန်းတောင်းမြို့နယ်အတွင်း ကျေးလက်လမ်းလုပ်ငန်းများ အကောင်အထည်ဖော်ဆောင်ရွက်နေမှုကို ယမန်နေ့တွင် တာဝန်ရှိ သူများက ကွင်းဆင်းစစ်ဆေးခဲ့သည်။

    ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးလှခိုင်၊ မန္တလေးတိုင်းဒေသကြီး ညွှန်ကြားရေးမှူး(မြို့ပြ) ဦးကျော်ဇေယျာဝင်းနှင့် ခရိုင်/မြို့နယ်တာဝန်ခံ အင်ဂျင်နီယာများသည် ကျောက်ပန်းတောင်းမြို့နယ်အတွင်း ပြည်ထောင်စု အထွေထွေပိုလျှံရန်ပုံငွေမှ ကျပ် ၃၄၅ သန်းဖြင့် ကျောက်ပန်းတောင်း-မိတ္ထီလာကားလမ်း ဒါန့်ကျင်းကျေးရွာအဝင်လမ်းပေါ်တွင် အရှည် ပေ ၁၅၀၊ အကျယ် ပေ၂၀ ရှိ ရေကျော် တည်ဆောက်ခြင်းလုပ်ငန်း ဆောင်ရွက်နေမှုကို ကွင်းဆင်းစစ်ဆေးပြီး အင်ဂျင်နီယာချုပ် ဦးလှခိုင်က လုပ်ငန်းအား သတ်မှတ်ကာလအတွင်း စံချိန်စံညွှန်းနှင့်အညီ ပြီးစီးအောင်ဆောင်ရွက်ကြရန် လမ်းညွှန် မှာကြားခဲ့ကြောင်း သိရသည်။

ဒီပါမင်း