စစ်ကိုင်းတိုင်းဒေသကြီး၊ ကလေးမြို့နယ်၊ ကြို့သုံးပင်ရပ်ကွက်၌ ကြက်ခြံ မီးလောင်မှု

စစ်ကိုင်းတိုင်းဒေသကြီး၊ ကလေးမြို့နယ်၊ ကြို့သုံးပင်ရပ်ကွက်၌ ကြက်ခြံ မီးလောင်မှု

     ၂၀၂၆ ခုနှစ်၊ ဧပြီ ၃ ရက် နံနက် ၀၀ နာရီ ၄၅ မိနစ်ခန့်က စစ်ကိုင်းတိုင်းဒေသကြီး၊ ကလေးမြို့နယ်၊ ကြို့သုံးပင်ရပ်ကွက်၌ ပိုင်ရှင် ဦးသျှန်စမန်း(၅၃)နှစ်၏ ၃၀ x ၂၀ ပေ၊ သွပ်မိုး၊ ထရံကာ၊ တစ်ထပ် ကြက်ခြံတွင် ကြက်သားပေါက်များအား မီးသွေးဖြင့် အပူပေးရာမှ အနီးရှိဖွဲများသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကလေးခရိုင်၊ မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် မီးငြှိမ်းသတ်ခဲ့ရာ နံနက် ၂ နာရီတွင် မီးငြိမ်းခဲ့ပါသည်။

     အဆိုပါ မီးလောင်မှုကြောင့် ၃၀ x ၂၀ ပေ၊ သွပ်မိုး၊ ထရံကာ၊ တစ်ထပ် ကြက်ခြံ တစ်လုံး၊ ကြက်သားပေါက် ၁၀၀ ကောင်၊ ကြက်အကောင်ကြီး ၁၀၀ ကောင်၊ ၂၇ x ၁၈ ပေ၊ နံကပ်နှစ်ထပ် နေအိမ် တစ်လုံး၊ 3N-XXXX HINO ခြောက်ဘီးယာဉ် တစ်စီးတို့ မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးသျှန်စမန်း အား ကလေးမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။