ဒုတိယဝန်ကြီး ဦးသိုက်စိုး မိုးစပါးစိုက် သမဝါယမအသင်းသား တောင်သူများသို့ မျိုးနှင့် သွင်းအားစုများပေးအပ်

ဒုတိယဝန်ကြီး ဦးသိုက်စိုး မိုးစပါးစိုက် သမဝါယမအသင်းသား တောင်သူများသို့ မျိုးနှင့် သွင်းအားစုများပေးအပ်

နေပြည်တော် ဇွန် ၃

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ဒုတိယဝန်ကြီး ဦးသိုက်စိုးသည် ယမန်နေ့ နံနက်ပိုင်းက နေပြည်တော်ကောင်စီနယ်မြေ တပ်ကုန်းမြို့နယ် အင်ဘက်ကုန်း စိုက်ပျိုးရေးနှင့် အထွေထွေစီးပွားရေး လုပ်ငန်းသမဝါယမအသင်းလီမိတက်မှ အသင်းသားတောင်သူများကို မျိုးနှင့် သွင်းအားစုများ ပေးအပ်ပွဲသို့တက်ရောက်၍ အမှာစကားပြောကြားပြီး အသင်းသား ၂၃ ဦး၏ စိုက်ပျိုးမြေ ၅၅ ဧကအတွက် မျိုးနှင့် သွင်းအားစုများ ပေးအပ်သည်။

ထို့နောက် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ၂၀၁၉-၂၀၂၀ ဘဏ္ဍာနှစ် ကျေးရွာမတည်ရန်ပုံငွေစီမံကိန်းဖြင့် မွေးမြူလျက်ရှိသော နွားမွေးမြူရေးလုပ်ငန်းနှင့် တပ်ကုန်းမြို့ ငွေတိုးလယ်ယာနှင့် အထွေထွေစီးပွားရေး သမဝါယမအသင်းမှ အသင်းသားတောင်သူ ဒေါ်ဟေမာကျော်၏ ငွေနှင်းမှိုအထုပ် ၅၀၀၀ ကျော် စိုက်ပျိုးထားမှုတို့ကို ကြည့်ရှုအားပေးကာ ဒက္ခိဏသီရိမြို့နယ်ရွာသစ်ကျေးရွာ၌ ရွာသစ်စိုက်ပျိုးရေးနှင့်အထွေထွေစီးပွားရေး သမဝါယမအသင်းမှ မိုးစပါးစိုက်ပျိုးမည့် အသင်းသားတောင်သူ ၁၇ ဦး၏ လယ်မြေ ၈၃ ဧကအတွက် မျိုးနှင့် သွင်းအားစုများပေးအပ်ပြီး ဆိုလာစိုက်ပျိုးရေတင်စနစ်ကို ကြည့်ရှုစစ်ဆေးခဲ့ကြောင်း သိရသည်။

သတင်းစဉ်