ဒေးဒရဲမြို့နယ်၊ သမဝါယမအသင်းစုလီမိတက် (၂၀၂၄-၂၀၂၅) ဘဏ္ဍာရေးနှစ် နှစ်ပတ်လည် အရပ်ရပ်ဆိုင်ရာ အစည်းအဝေးကျင်းပ

ဒေးဒရဲမြို့နယ်၊ သမဝါယမအသင်းစုလီမိတက် (၂၀၂၄-၂၀၂၅) ဘဏ္ဍာရေးနှစ် နှစ်ပတ်လည် အရပ်ရပ်ဆိုင်ရာ အစည်းအဝေးကျင်းပ

ဒေးဒရဲ မတ် ၂၃

ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်၊ သမဝါယမအသင်းစုလီမိတက်၏ (၂၀၂၄ -၂၀၂၅) ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးအား မြို့နယ်သမဝါယမ ဦးစီးဌာနရုံး အစည်းအဝေးခန်းမ၌ ကျင်းပခဲ့သည်။

အခမ်းအနားတွင် မြို့နယ်သမဝါယအသင်းစုလီမီတက် သဘာပတိ ဦးအောင်အောင်က အဖွင့်အမှာစကားပြောကြားခြင်း၊ တိုင်းဒေသကြီးသမဝါယမဦးစီးဌာန၊ လက်ထောက်ညွှန်ကြားရေးမှူး ဦးဇော်ဝင်းက လုပ်ငန်းဆိုင်ရာများ လမ်းညွှန်မှာကြားခြင်းနှင့် မြို့နယ်သမဝါယမဦးစီးဌာနမှူး ဒေါ်စိုးစိုးညွန့်က ဆက်လက်ဆောင်ရွက်သွားမည့် လုပ်ငန်းဆိုင်ရာများအား ရှင်းလင်းဆွေးနွေးခဲ့သည်။ ထို့နောက် မြို့နယ်သမဝါယမအသင်းစု ဒါရိုက်တာအဖွဲ့အစီရင်ခံစာ၊ အသင်းစု စာရင်းစစ်အစီရင်ခံစာ နှင့် နှစ်ချုပ်ဘဏ္ဍာရေး အစီရင်ခံစာများအား တာဝန်ရှိသူများက အသီးသီးဖတ်ကြားတင်ပြခဲ့ပြီး တက်ရောက်လာသည့် အသင်းစုအဖွဲ့ဝင်များ၏ အတည်ပြုချက်ရယူခဲ့ပြီး အခမ်းအနားအား ပိတ်သိမ်း ခဲ့ကြောင်း သိရသည်။

အေဇာလင်း

ဧရာဝတီတိုင်းဒေသကြီး