ပညာရေးဝန်ကြီးဌာန ဒုတိယဝန်ကြီး ဦးနေမျိုးလှိုင် ပညာရေးစီမံခန့်ခွဲမှုသင်တန်းကျောင်း (ရန်ကုန်) ပညာရေးစီမံအုပ်ချုပ်မှုသင်တန်းအမှတ်စဉ်(၈/၂၀၂၆) ဆရာဆရာမများ၊သင်တန်းသားသင်တန်းသူများနှင့်တွေ့ဆုံ
ပညာရေးဝန်ကြီးဌာန ဒုတိယဝန်ကြီး ဦးနေမျိုးလှိုင် ပညာရေးစီမံခန့်ခွဲမှုသင်တန်းကျောင်း (ရန်ကုန်) ပညာရေးစီမံအုပ်ချုပ်မှုသင်တန်းအမှတ်စဉ်(၈/၂၀၂၆) ဆရာဆရာမများ၊သင်တန်းသားသင်တန်းသူများနှင့်တွေ့ဆုံ
Ministry of Education/ Naypyitaw / January 21, 2026
နေပြည်တော် ၂၀၂၆ ဇန်နဝါရီ ၂၁
ပညာရေးစီမံခန့်ခွဲမှုသင်တန်းကျောင်း(ရန်ကုန်)၊ ပညာရေးစီမံအုပ်ချုပ်မှုသင်တန်း အမှတ် စဉ် (၈/၂၀၂၆) ဆရာ ဆရာမများ၊ သင်တန်းသား သင်တန်းသူများနှင့် တွေ့ဆုံပွဲကို ယနေ့ နံနက် ပိုင်းတွင် အဆိုပါသင်တန်းကျောင်းရှိ ပညာရတနာခန်းမ၌ ကျင်းပသည်။
တွေ့ဆုံပွဲသို့ ဒုတိယ၀န်ကြီး ဦးနေမျိုးလှိုင်၊ ပညာရေးဝန်ကြီးဌာနရှိ ဦးစီးဌာနများမှ ညွှန်ကြားရေးမှူးချုပ်များ၊ ရန်ကုန်တိုင်းဒေသကြီးပညာရေးမှူး၊ သင်တန်းကျောင်း ကျောင်းအုပ် ကြီးနှင့် ဆရာ ဆရာမများ၊ သင်တန်းသား သင်တန်းသူများနှင့်တာဝန်ရှိသူများ တက်ရောက်ကြ သည်။
ဦးစွာ ဒုတိယဝန်ကြီးက အမှာစကားပြောကြားရာတွင် သင်တန်းသား သင်တန်းသူ ဦးစီး အရာရှိများသည် ပညာရေးလုပ်ငန်းများ အောင်မြင်အောင် အကောင်အထည်ဖော်ဆောင်ရွက်ရာတွင် လက်တွေ့အကောင်အထည်ဖော်ဆောင်ရွက်နေကြသည့် အောက်ခြေအဆင့်နှင့် ချိတ်ဆက်ပေးကြရသူများဖြစ်၍ အလွန်အရေးကြီးပါကြောင်း၊ သင်တန်းတွင် မိမိဝန်ကြီးဌာန၏ မူဝါဒများနှင့် သင်ကြားပို့ချပေးသည့် စီမံ၊ ဘဏ္ဍာ၊ ပညာ၊ မူဝါဒ၊ စီမံကိန်းနှင့် ကွန်ပျူတာ၊ အိုင်စီတီစသည့် အသိပညာများကို သေသေချာချာ လေ့လာမှတ်သားကြရန်နှင့် မိမိတို့လုပ်ငန်းတွင် ပြန်လည် အသုံးချဆောင်ရွက်ကြစေလိုပါကြောင်း၊ ပညာရေးဒီဂရီကောလိပ်အချို့ကို တက္ကသိုလ် အဆင့်မြှင့် တင်ရန် စီစဉ်ဆောင်ရွက်နေပါကြောင်း၊ အဓိကအားဖြင့် အခြေခံပညာကျောင်းများမှ ဆရာ ဆရာမများအနေဖြင့် သတ်မှတ်အရည်အချင်းကိုက်ညီသူများသည် ပညာဆက်လက်ဆည်းပူး သင်ယူခွင့်များ ရရှိလာကြမည်ဖြစ်ပြီး ပညာရေးဘွဲ့၊ မဟာဘွဲ့များအထိ အဆင့်ဆင့် ရရှိလျက် ရာထူး၊ လစာ၊ အခွင့်အလမ်းများ တိုးမြှင့်ရရှိလာမည့် အခွင့်အလမ်းကောင်းများ ပေါ်ထွန်းလာမည် ဖြစ်ကြောင်း၊ အရည်အချင်းရှိသည့် ဆရာ ဆရာမများဖြစ်စေရေး အလေးထား ဆောင်ရွက်သွားကြရမည်ဖြစ်ကြောင်း၊ လာမည့်ပညာသင်နှစ်တွင် အခြေခံပညာအလယ်တန်းအဆင့်၌ စက်မှု၊ စိုက်ပျိုး၊ မွေးမြူရေးဆိုင်ရာ အခြေခံဗဟုသုတများသင်ကြားပေးရန် စီစဉ်နေကြောင်း၊ ထိုသို့ သင်ကြားပေးခြင်းဖြင့် နိုင်ငံတော်အတွက်လိုအပ်သည့် လူသားအရင်းအမြစ်များ များစွာ ရရှိလာမည်ဖြစ်ကြောင်းစသည်ဖြင့် ပြောကြားသည်။
ယင်းနောက် တက်ရောက်လာသူများက သိရှိလိုသည်များကိုမေးမြန်းကြပြီး ကျောင်းပြင်ပ နှင့်တစ်သက်တာပညာရေးဦးစီးဌာန ညွှန်ကြားရေးမှူးချုပ် ဦးသန့်ဇင်ထွန်း၊ မြန်မာနိုင်ငံစာစစ် ဦးစီးဌာန ညွှန်ကြားရေးမှူးချုပ် ဒေါက်တာသက်လွင်၊ ပညာရေးသုတေသန၊ စီမံကိန်းနှင့် လေ့ကျင့် ရေးဦးစီးဌာန ညွှန်ကြားရေးမှူးချုပ် ဒေါက်တာခင်သီတာတို့က သက်ဆိုင်ရာ ဦးစီးဌာနအလိုက် ဆောင်ရွက်မည့်ပညာရေးလုပ်ငန်းစဉ်များနှင့်စပ်လျဉ်း၍ ရှင်းလင်းပြောကြားရာ ဒုတိယဝန်ကြီးက ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။
ယင်းနောက် ဒုတိယဝန်ကြီးက သင်တန်းအမှတ်စဉ် (၈/၂၀၂၆) သင်တန်းသား သင်တန်း သူများအတွက် ထောက်ပံ့ချီးမြှင့်ငွေပေးအပ်ရာ ကိုယ်စားလှယ်နှစ်ဦးက လက်ခံရယူပြီး ဒုတိယ ဝန်ကြီးက သင်တန်းသား သင်တန်းသူများအား ရင်းရင်းနှီးနှီးနှုတ်ဆက်သည်။
ဆက်လက်၍ သင်တန်းကျောင်းအတွင်း လှည့်လည်ကြည့်ရှုစစ်ဆေး၍ လိုအပ်သည်များကို မှာကြားကာ သင်တန်းသား သင်တန်းသူများနှင့်အတူ ရင်နှီးခင်မင်စွာဖြင့် နေ့လယ်စာ အတူတကွသုံးဆောင်ကြသည်။
ယခုဆောင်ရွက်နေသော စီမံအုပ်ချုပ်မှုသင်တန်းအမှတ်စဉ်(၈/၂၀၂၆)ကို သုံးလသင်ကြား ပို့ချသွားမည်ဖြစ်ပြီးတိုင်းဒေသကြီးနှင့်ပြည်နယ်များမှ ဦးစီးအရာရှိ သင်တန်းသား သင်တန်းသူ (၁၉၄)ဦး တက်ရောက်လျက်ရှိသည်။
ထိုမှတစ်ဆင့် ဒုတိယဝန်ကြီးသည် မင်္ဂလာဒုံမြို့နယ် အမှတ်(၉)အခြေခံပညာအထက်တန်း ကျောင်းနှင့် အမှတ်(၁)အခြေခံပညာအထက်တန်းကျောင်းများသို့ သွားရောက်၍ ကျောင်းသား ကျောင်းသူများ အေးချမ်းစွာပညာသင်ကြားနေမှုများကို ကြည့်ရှုအားပေးသည်။ ယင်းနောက် ကျောင်းအတွင်း လှည့်လည်ကြည့်ရှုစစ်ဆေးပြီး ဆရာ ဆရာမများအနေဖြင့် ကျောင်းသား ကျောင်းသူများကို စာရိတ္တကောင်းမွန်ရေး၊ မျိုးချစ်စိတ်ဓာတ် ရှင်သန်ထက်မြက်စေရေး၊ ယဉ်ကျေးစွာ ဝတ်စားဆင်ယင်နေထိုင်တတ်စေရေးတို့အတွက် ပြုစုပျိုးထောင်သင်ကြား ပေးကြရမည်ဖြစ်ပါကြောင်းဖြင့်မှာကြားကာ လိုအပ်သည်များကို ပေါင်းစပ်ညှိနှိုင်း၍ ဖြည့်ဆည်း ဆောင်ရွက်ပေးခဲ့ကြောင်း သိရသည်။
Newspaper
၁၃၈၇ ခုနှစ်၊ တပို့တွဲလဆန်း ၁၂ ရက် ၊ ဇန်နဝါရီ ၂၉ ရက်၊ ကြာသပတေးနေ့။
Publisher: မြန်မာ့အလင်း/ January 29, 2026
Publication Date: 2026
Page: 32 Pages
Language: မြန်မာ
Download
၁၃၈၇ ခုနှစ်၊ တပို့တွဲလဆန်း ၁၁ ရက် ၊ ဇန်နဝါရီ ၂၈ ရက်၊ ဗုဒ္ဓဟူးနေ့။
၁၃၈၇ ခုနှစ်၊ တပို့တွဲလဆန်း ၁၀ ရက် ၊ ဇန်နဝါရီ ၂၇ ရက်၊ အင်္ဂါနေ့။
Announcement
ပြည်သူလူထုသို့ အသိပေးနှိုးဆော်ချက်
Ministry of Information / Posted on January 29, 2026
ပြည်သူလူထုသို့ အသိပေးနှိုးဆော်ချက်
ဝန်ထမ်းအဖွဲ့အစည်းအကြီးအမှူးများ ပြောင်းရွှေ့ခန့်ထားခြင်းနှင့် ဝန်ထမ်းအဖွဲ့အစည်းအကြီးအမှူးများ အတည်ပြုခန့်ထားခြင်း
Ministry of Information / Posted on January 29, 2026
ဝန်ထမ်းအဖွဲ့အစည်းအကြီးအမှူးများ ပြောင်းရွှေ့ခန့်ထားခြင်းနှင့် ဝန်ထမ်းအဖွဲ့အစည်းအကြီးအမှူးများ အတည်ပြုခန့်ထားခြင်း
ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသူများ အမည်စာရင်းကြေညာခြင်း
Ministry of Information / Posted on January 28, 2026
ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသူများ အမည်စာရင်းကြေညာခြင်း
