ပဲခူးတိုင်းဒေသကြီး၊ ဘုရားကြီးမြို့၊ အမှတ်(၂)ရပ်ကွက်၌ ကုန်စုံဆိုင် မီးလောင်မှု

ပဲခူးတိုင်းဒေသကြီး၊ ဘုရားကြီးမြို့၊ အမှတ်(၂)ရပ်ကွက်၌ ကုန်စုံဆိုင် မီးလောင်မှု

     ၂၀၂၆ ခုနှစ်၊ ဇန်နဝါရီ ၁၁ ရက် နံနက် ၂ နာရီ ၂၅ မိနစ်ခန့်က ပဲခူးတိုင်းဒေသကြီး၊ ဘုရားကြီးမြို့၊ အမှတ်(၂)ရပ်ကွက်၌ ပိုင်ရှင် ဦးချစ်စိန်(၄၆)နှစ်၏ ၃၀ x ၂၅ ပေ၊ သွပ်မိုး၊ အုတ်ညှပ် နှစ်ထပ် “ဦးဂနီ” ကုန်စုံဆိုင်အတွင်း ခြင်ဆေးခွေထွန်းထားရာမှ အနီးရှိ နိုင်လွန်ကြိုးနှင့်ဗလာစာအုပ်များအား မီးကူးစက် လောင်ကျွမ်းမှုဖြစ်ပွားကြောင်း သတင်းရရှိသဖြင့် ပဲခူးတိုင်းဒေသကြီးမီးသတ်ဦးစီးမှူးရုံး၊ ပဲခူးခရိုင် မီးသတ်စခန်းနှင့် မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ကိုးစီးဖြင့် မီးငြှိမ်းသတ်ခဲ့ရာ နံနက် ၃ နာရီ ၁၅ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ၃၀ x ၂၅ ပေ၊ သွပ်မိုး၊ အုတ်ညှပ် နှစ်ထပ် ကုန်စုံဆိုင် တစ်ဆိုင်၊ ၂၀ x ၂၅ ပေ၊ သွပ်မိုး၊ RC နှစ်ထပ် ကုန်စုံဆိုင်၏ အပေါ်ထပ်အမိုး၊ ကြမ်းခင်းနှင့် အတွင်းပစ္စည်းများ မီးလောင်ဆုံးရှုံးခဲ့ကြောင်းနှင့် ပိုင်ရှင် ချစ်စိန် အား ဘုရားကြီးနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။