ပဲခူးတိုင်းဒေသကြီး၊ ဇီးကုန်းမြို့နယ်၊ အမှတ်(၁)ရပ်ကွက်၌ နေအိမ် မီးလောင်မှု 

ပဲခူးတိုင်းဒေသကြီး၊ ဇီးကုန်းမြို့နယ်၊ အမှတ်(၁)ရပ်ကွက်၌ နေအိမ် မီးလောင်မှု 

    ၂၀၂၆ ခုနှစ်၊ မတ် ၆ ရက် နံနက် ၆ နာရီ ၄၅ မိနစ်ခန့်က ပဲခူးတိုင်းဒေသကြီး၊ ဇီးကုန်းမြို့နယ်၊ အမှတ်(၁)ရပ်ကွက်၊ အေးမြသာယာမြို့သစ်(၉)လမ်း၌ ပိုင်ရှင် ဒေါ်အိမ့်သန္တာ(၂၅)နှစ်၏ ၁၂ x ၁၂ ပေ၊ သွပ်မိုး၊ ကျောက်ပြားကာ၊ ပျဉ်ခင်း နှစ်ထပ် နေအိမ်ရှိ မီးဖိုမီးကြွင်းမီးကျန်မှတစ်ဆင့် မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ဇီးကုန်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် မီးငြှိမ်းသတ်ခဲ့ရာ နံနက် ၆ နာရီ ၅၅ မိနစ်တွင် မီးငြိမ်းခဲ့ပါသည်။ 

    အဆိုပါ မီးလောင်မှုကြောင့် ၁၂ x ၁၂ ပေ၊ သွပ်မိုး၊ ကျောက်ပြားကာ၊ ပျဉ်ခင်း နှစ်ထပ်နေအိမ် တစ်လုံး၊ ၁၂ x ၁၂ ပေ၊ သွပ်မိုး၊ ထရံကာ တစ်ထပ်နေအိမ် သုံးလုံး၊ စုစုပေါင်း နေအိမ် လေးလုံး မီးလောင်ဆုံးရှုံးခဲ့ကြောင်းနှင့် ဒေါ်အိမ့်သန္တာ အား ဇီးကုန်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။