ပြည်ထောင်စုနယ်မြေ၊ နေပြည်တော်၊ တပ်ကုန်းမြို့နယ်၌ ဆိုင်ကယ်တိမ်းမှောက်စဉ် မော်တော်ယာဉ်မှ ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

ပြည်ထောင်စုနယ်မြေ၊ နေပြည်တော်၊ တပ်ကုန်းမြို့နယ်၌ ဆိုင်ကယ်တိမ်းမှောက်စဉ် မော်တော်ယာဉ်မှ ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

     ၂၀၂၆ ခုနှစ်၊ မေ ၁၃ ရက်က ပြည်ထောင်စုနယ်မြေ၊ နေပြည်တော်၊ တပ်ကုန်းမြို့နယ်၌ ဆိုင်ကယ်တိမ်းမှောက်စဉ် မော်တော်ယာဉ်မှ ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၁၃ ရက် ညနေ ၄ နာရီ ၃၀ မိနစ်တွင် ပြည်ထောင်စုနယ်မြေ၊ နေပြည်တော်၊ တပ်ကုန်းမြို့၊ ရန်ကုန်-မန္တလေးလမ်းဟောင်း မိုင်တိုင်အမှတ် ၂၉၄ မိုင် ၆ ဖာလုံနှင့် ၇ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ တပ်ကုန်းမြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ ဇေယျာသီရိမြို့မှ တပ်ကုန်းမြို့ဘက်သို့ ဇေယျာသီရိမြို့နယ်၊ သက်နှင်းအင်းကျေးရွာနေ ဦးငြိမ်းချမ်းဌေး(၅၂)နှစ်သည် BGO/84W-XXXX DAMON 110 ဆိုင်ကယ်အား မောင်းနှင်လာရာ အခင်းဖြစ်နေရာအရောက်၌ အရှိန်မထိန်းနိုင်ဘဲ လဲကျတိမ်းမှောက်စဉ် လားရာတူနောက်မှ ပဲခူးတိုင်းဒေသကြီး၊ ရေတာရှည်မြို့နယ်၊ အမှတ်(၄)ရပ်ကွက်နေ သန့်ဇင်ထွန်း(၃၈)နှစ် မောင်းနှင်လာသည့် MDY-12/6S-XXXX JAC ဆီဘောက်ဆာတွဲ ၂၂ ဘီး မော်တော်ယာဉ်မှ ဝင်ရောက်တိုက်မိခဲ့သဖြင့် ဦးငြိမ်းချမ်းဌေးတွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် ငြိမ်းချမ်းဌေးနှင့် သန့်ဇင်ထွန်းတို့ နှစ်ဦးအား တပ်ကုန်းမြို့မရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။