ပြည်ထောင်စုဝန်ကြီး Jeng Phang နော်တောင် မွန်ပြည်နယ် ရာမညအားကစားကွင်း၊ ကျောင်းသားအားကစားကွင်းတို့ကို ကြည့်ရှု

ပြည်ထောင်စုဝန်ကြီး Jeng Phang နော်တောင် မွန်ပြည်နယ် ရာမညအားကစားကွင်း၊ ကျောင်းသားအားကစားကွင်းတို့ကို ကြည့်ရှု

နေပြည်တော် ဖေဖော်ဝါရီ ၂၃

မြန်မာနိုင်ငံအိုလံပစ်ကော်မတီဥက္ကဋ္ဌ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် မွန်ပြည်နယ် လူမှုရေးရာဝန်ကြီး၊ တာဝန်ရှိသူများနှင့်အတူ ယမန်နေ့မွန်းလွဲပိုင်းက မွန်ပြည်နယ် ရာမညအားကစားကွင်းကို ကြည့်ရှုသည်။

မှာကြား

ထိုသို့ ကြည့်ရှုစဉ် ပြည်ထောင်စုဝန်ကြီးက ရေသုံးစွဲမှုလုံလောက်စွာရရှိရေး၊ ဘောလုံးကွင်းမြက်ခင်း စိမ်းလန်းစိုပြည်စေရေး၊ ရေဖျန်းစနစ်ကောင်းမွန်စေရေးတို့အတွက် ရေပိုက်လိုင်းများ ပြန်လည်ဆောင်ရွက်ရန်နှင့် ဂိုးတိုင်၊ ဂိုးပိုက်များ စနစ်တကျရှိစေရေး၊ ပွဲကြည့်စင် ထပ်မံတိုးချဲ့တည်ဆောက်ရေး စီမံဆောင်ရွက်ရန် မှာကြားသည်။

ထို့နောက် ပြည်ထောင်စုဝန်ကြီးနှင့်အဖွဲ့သည် နိုင်ငံတကာအဆင့်မီ အဆင့်မြင့် ရေကူးကန်တည်ဆောက်မည့် မြေနေရာကို ကြည့်ရှုပြီး ဒိုင်ဗင်ကန်နှင့် ရေကူးကန်တစ်ဆက်တည်း တည်ဆောက်ရန် တာဝန်ရှိသူများအား မှာကြားသည်။

ပြင်ဆင်ဆောင်ရွက်

ယင်းနောက် ကျောင်းသားအားကစားကွင်းသို့ သွားရောက်၍ လူငယ်စင်တာ ဖွင့်လှစ်မည့် အဆောက်အအုံကို ကြည့်ရှု ပြီး ဘောလုံးကွင်း မြက်ခင်းစိမ်းလန်း စိုပြည်စေရေးအတွက် ရေနုတ်မြောင်းများကို ပြန်လည် ရန်၊ ၁၀ မြို့နယ်ဘောလုံးပြိုင်ပွဲနှင့် အခြားဖိတ်ခေါ်ဘောလုံး ပြိုင်ပွဲများကျင်းပနိုင်ရေး ပြုပြင်ဆောင်ရွက်ရန်၊ ပြည်နယ်ရာမည အားကစားကွင်းတွင် ဆီမီးဖိုင်နယ်နှင့် ဗိုလ်လုပွဲများကိုသာ ကျင်းပရန်နှင့် ခရိုင်အဆင့်မီ အားကစားကွင်းအဖြစ် ဖော်ဆောင်နိုင်ရေးအတွက် Synthetic ပြေးလမ်းခင်းနိုင်ရေး တွက်ချက်ပြင်ဆင်ဆောင်ရွက်ရန် တာဝန်ရှိသူများအား မှာကြားခဲ့ကြောင်း သိရသည်။

သတင်းစဉ်