မကွေးတိုင်းဒေသကြီး၊ မကွေးမြို့နယ်၊ အောင်မေတ္တာရပ်ကွက်၌ မော်တော်ယာဉ် တစ်စီး မီးလောင်မှု

မကွေးတိုင်းဒေသကြီး၊ မကွေးမြို့နယ်၊ အောင်မေတ္တာရပ်ကွက်၌ မော်တော်ယာဉ် တစ်စီး မီးလောင်မှု

     ၂၀၂၅ ခုနှစ်၊ အောက်တိုဘာ ၁၂ ရက် နံနက် ၁၁ နာရီ ၄၀ မိနစ်ခန့်က မကွေးတိုင်းဒေသကြီး၊ မကွေးမြို့နယ်၊ အောင်မေတ္တာရပ်ကွက်၌ ပိုင်ရှင် ဦးဝင်းလွင်ဦး၏ ယာဉ်အမှတ် YGN-6/3Q-XXXX SUZUKI SWIFT အဖြူရောင်မော်တော်ယာဉ်သည် စက်နှိုးထားစဉ် ဆီတိုင်ကီပန့်သို့ သွယ်တန်းထားသော ဝိုင်ယာကြိုးပေါက်ပြဲရာမှ မီးပွား ထွက်၍ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မကွေးမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် မီးငြှိမ်းသတ်ခဲ့ရာ နံနက် ၁၁ နာရီ ၄၇ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် SUZUKI SWIFT အဖြူရောင်မော်တော်ယာဉ်၏ အနောက်ဘက်နေကာမှန် တစ်ချပ်၊ တာယာ နှစ်လုံး၊ မီးခွက် နှစ်လုံးနှင့် ဆိုဖာထိုင်ခုံ လေးလုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးဝင်းလွင်ဦး အား မကွေးမြို့နယ်၊ အမှတ်(၂)နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။