မန္တလေးတိုင်းဒေသကြီး၊ အောင်မြေသာစံမြို့နယ်၊ သီရိမာလာအရှေ့ရပ်ကွက်၌ ပုလင်းသွပ်လုပ်ငန်း မီးလောင်မှု

မန္တလေးတိုင်းဒေသကြီး၊ အောင်မြေသာစံမြို့နယ်၊ သီရိမာလာအရှေ့ရပ်ကွက်၌ ပုလင်းသွပ်လုပ်ငန်း မီးလောင်မှု

   ၂၀၂၅ ခုနှစ်၊ နိုဝင်ဘာ ၂၄ ရက် နံနက် ၁၀ နာရီ ၄၄ မိနစ်ခန့်က မန္တလေးတိုင်းဒေသကြီး၊ အောင်မြေသာစံမြို့နယ်၊ သီရိမာလာအရှေ့ရပ်ကွက်၌ ပိုင်ရှင် ဦးပြည့်ဖြိုး(၃၅)နှစ်၏ ၃၀ x ၃၀ ပေ၊ RC သုံးထပ် “အားတစ်ရာ” အရက်ပုလင်းသွပ်လုပ်ငန်း၏ မြေအောက်ထပ်တွင် တပ်ဆင်အသုံးပြုသည့် လီတာ ၁၅၀၀ ဆံ့ Steel Tank အား တပ်ဆင်ထားသော အရက်ဆီမွှေသည့်မော်တာ အပူလွန်ကဲပြီး ဝိုင်ယာကြိုးများမှတစ်ဆင့် အရက်ဆီများသို့ မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိ သဖြင့် အောင်မြေသာစံခရိုင်၊ မြို့နယ်မီးသတ်စခန်းနှင့် ချမ်းအေးသာစံမြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ကိုးစီးဖြင့် မီးငြှိမ်းသတ်ခဲ့ရာ နံနက် ၁၁ နာရီ ၄ မိနစ်တွင် မီးငြိမ်းခဲ့ပါသည်။

   အဆိုပါမီးလောင်မှုကြောင့် အရက်ဆီ ၅၀ ဂါလန်ခန့်၊ အရက်ဆီမွှေသည့် မော်တာ တစ်လုံး၊ ဝိုင်ယာကြိုးများ၊ စက္ကူဂျပ်ဖာအနည်းငယ် မီးလောင်ဆုံးရှုံးခဲ့ကြောင်းနှင့် ပိုင်ရှင် ပြည့်ဖြိုး အား အောင်မြေသာစံမြို့နယ်၊ အမှတ်(၅)မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။