မန္တလေးတိုင်းဒေသကြီး၊ စဉ့်ကိုင်မြို့နယ်၊ ခံလူးကျေးရွာအုပ်စု၊ ကြေးနီးကန်ကျေးရွာအနီး ပလိပ်-စကားအင်း ကားလမ်းတွင် ခရီးသည်တင်ယာဉ် တစ်စီး မီးလောင်မှု

မန္တလေးတိုင်းဒေသကြီး၊ စဉ့်ကိုင်မြို့နယ်၊ ခံလူးကျေးရွာအုပ်စု၊ ကြေးနီးကန်ကျေးရွာအနီး ပလိပ်-စကားအင်း ကားလမ်းတွင် ခရီးသည်တင်ယာဉ် တစ်စီး မီးလောင်မှု

     ၂၀၂၅ ခုနှစ်၊ ဒီဇင်ဘာ ၃၁ ရက် နံနက် ၆ နာရီ ၄၀ မိနစ်ခန့်က မန္တလေးတိုင်းဒေသကြီး၊ စဉ့်ကိုင် မြို့နယ်၊ ခံလူးကျေးရွာအုပ်စု၊ ကြေးနီးကန်ကျေးရွာအနီး ပလိပ်-စကားအင်းကားလမ်း၊ မိုင်တိုင်အမှတ် (၂/၀)တွင် ဘားအံမှ မန္တလေးသို့ ယာဉ်မောင်း ဦးရဲနိုင်(၃၄)နှစ် မောင်းနှင်၍ ခရီးသည် ရှစ်ဦး တင်ဆောင်လာသော ယာဉ်အမှတ် MDY-3D-XXXX YONGMAN အမျိုးအစား ခရီးသည်တင်ယာဉ်သည် အင်ဂျင်အပူလွန်ကဲရာမှ မီးစတင် လောင်ကျွမ်းမှုဖြစ်ပွားကြောင်း သတင်းရရှိသဖြင့် စဉ့်ကိုင်မြို့နယ်မီးသတ်စခန်း၊ တံတားဦးမြို့နယ်မီးသတ်စခန်း၊ ပလိပ်နယ်မြေမီးသတ်စခန်း၊ စကားအင်းနယ်မြေမီးသတ်စခန်းတို့မှ မီးသတ်တပ်ဖွဲ့ဝင်များ သည် မီးသတ်ယာဉ် ငါးစီးဖြင့် မီးငြှိမ်းသတ်ခဲ့ရာ နံနက် ၇ နာရီ ၁၀ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် လူထိခိုက်ဒဏ်ရာရရှိမှု မရှိကြောင်းနှင့် ယာဉ်အမှတ် MDY-3D-XXXX YONGMAN အမျိုးအစား ခရီးသည်ယာဉ် တစ်စီး မီးလောင်ဆုံးရှုံးခဲ့ပြီး ယာဉ်မောင်း ဦးရဲနိုင် အား ပလိပ်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။